من اول ٩سنين تقريبا هتبتدي تلاحظ علي ابنك رغبه في الاستقلال
عايز يعمل حاجات من غير قواعد
عايز يتصرف زي الكبار
مش عايز قيود
وده بيحطك في مفاجات وحاجه كلها قلق لانه بياخد قرار مفاجئ
وساعتها بيبقي عندك حل من تلاته
١- ياتسيبه براحته خالص بس مترجعش بقي تاخد موقف لو الحريه المفتوحه دي جات في حاجه مش علي هواك او ممكن اصلا للطفل يحس بالإهمال وانه مش فارق معاك
٢- يا تعامله كطفل وتكلمه من فوق وهو يبتدي يرد عليك بنديه وتطاول لان في المرحله دي مراد ربنا منهم انهم يحبوا يستقلوا زي ما كانوا وهما عندهم سنه بيحبوا يلعبوا ويكتشفوا فمستحيل هتوقف الرغبه في الاستقلال الا لو كسرته
٣-يا تفرح بانه كبر وبقي حابب يبقي ليه حياته وتساعده علي ده وتظهر له انك مقدر ومتفهم لرغباته بس كمان تشرح معاييرك ورغباتكً وتوصلوا لحلول تساعده علي الاستقلال بس متخلكش حاسس طول الوقت بالقلق
الاداه دي اسمها
Connection before correction
١- قبل ما تعدل عليه خلي في تواصل عشان علاقتكم أهم من اي غلطات
٢- هزر واضحك
٣- اسئله عن المعلومات بهدوء عشان تفهم وجهه نظره
٤- قوله انت محتاج ايه من غير محاضرات ولا مواعظ
المراهقه نعمه بتعد ابنك للنضوج
كبره
اسمحله يخترق الحياه وانت جنبه وهو كمان جنبك متحرموش ولادكم من الصداقه ومتحرموش نفسكم منها
