لماذا يكذب الطفل الحساس اكثر من غيره

[Rena Jesus]

لماذا يكذب الطفل الحساس اكثر من غيره

القدره علي اننا نقول حاجه عكس الحقيقه قدره ربنا اداها لكل البشر بتبقي حاجه كويسه في 3 حالات
حاله الحرب وخداع العدو
وحاله الاصلاح بين المتخاصمين نخفي الكلام اللي ممكن يزيد الخلاف
وحاله التقريب بين الزوجين والحفاظ علي مشاعر الاخر



كلنا ممكن دماغنا يشتغل بنفس الطريقه ويخلينا نكدب لو اتحطينا في موقف مشابه طب تعالو نبص بقي علي الطفل الحساس

1- يميل للمثاليه وبيحب يبين ده للناس فممكن يخبي عشان صورته متتهزش عشان يفضل اللي حواليه راضيين عنه فلو ابنك من النوع اللي ده سبب كذبه بيقولك مثلا صحبي هو اللي ضربني هو بيكرهني انا مش بخاف بس تعبان
يبقى حاول تاكد طول الوقت انك بتحبه مهما عمل وان كلنا بنغلط وانك متاكد ان ده موقف وادائه فيه هيتحسن
(حسسه بالمرونه ان ممكن يكرره بس المهم انه بيحاول واحسن من الاول )
وارجوك تغافل شويه بلاش تحسسه انك مراقبه

2- لو انتي ام فضوليه وبتحبي تعرفي كل التفاصيل
خفي شويه وامسكي نفسك هو بيحب يحس بالخصوصيه فهيكدب او يديكي معلومه ناقصه وياستي علميه اللي انت عايزاه من غير ما تسقطي ده علي مواقفه لو كنتي بتقرريه عشان تعلميه ☺

3- خليك عارف انه عنده تقدير لنفسه حتي لو ادعي عكس كده يعني شكوته مش قله ثقه ده احساس انه يستحق اكتر وهو فعلا ذكي وموهوب لو الموهبه دي مكنش ليها انجازات حقيقيه هيضطر يألفها خلي اولوياتك انه يعمل انجازات في الحاجه اللي هو شايف انها هتخليه شخصيه مؤثره ومتفكرش في الفلوس اللي هتتكلفها ابنك احسن استثمار

4- كثير منهم عنده مواهب في الكتابه ودمه خفيف فساعات بيدعي ان الحكايات دي حقيقيه وبتحسسه بمتعه اكبر وتاثير اكبر ممكن اوى نخليه يسجلها وانت تكتبهاله وتشجعه انه يوافيك بالجديد عنده من حكايات شيقه وممكن اوى نخليه يشترك في الانشطه اللي بتخليه يكتب في مجالات وننزل فيديوهات علي اليوتيوب ليه وهو بيحكي حدوته او بيالش

5- لانه بيتجرح اوى لو كنت عنيف هيدافع عن نفسه بالكدب فعلي الاقل متحاسبوش انه بيكدب وانت السبب

6- طبعا مننساش ان اللي اتعود علي الكدب هيحتاج وقت عقبال ما يبطل متقلقش مخه هيتدرب علي الحقيقه زى ما اتدرب علي الكدب لما يحس انها وصلته لكل النتايج اللي كان الكدب بيحققهاله (الامان-التقدير-التاثير-الاستمتاع)

7- لو اظهرت اهتمام كبير لكدبه ممكن يستخدمها وسيله انه يلفت انتباهك لما تكون مشغول طنش وقتها واديله بعدها اهتمام

8- واخيرا تجنب التوجيه المباشر في وفت الموقف وحاول تدور علي السبب وتساعده بحل غير مباشر بانك تعالج سبب من الاسباب اللي فوق

[walaa farouk]

ميرسي على مشاركتك الجميلة رينا

[Mary Naeem]

مشاركة جميلة جدا

ربنا يبارك حياتك

[Rena Jesus]

ميرسى لمروركم الغالى

[MenA M.G]

دائماً مُشاركاتَكْ رائْعة
موضوعك مُمَيز
ربنا يبارك خدمتك

[Rena Jesus]

ميرسى لمرورك الغالى