|
 |
 |
 |
|
رقم المشاركة : ( 1 )
21 - 12 - 2016, 01:42 PM
|
|||||||||||
|
|||||||||||
|
ماجي ماتت يا دكتور هلالي  ماجي الطفلة البرئية اللي أتصابت في أحداث كنيسة البطرسية ماتت من ساعات …. ماجي اللي كانت في رابعة أبتدائي (10 سنوات) و كل أهتماماتها هي المدرسة و كرة الطائرة ماتت …. ماجي هي الضحية رقم 27 لشاب أسمه محمود شفيق (22 سنة) قرر ينفذ أفكار أحنا رافضين نناقشها …. مش بس كده ده أحنا كمان سجننا اللي قرر يناقشها طبعا مش مهم ماجي تموت في ستين داهية .... مش مهم حرقة قلب أبوها و أمها …. الملاك الصغير اللي عمرها ما أذت حد ضاعت منهم للأبد …. معلش مش مهم …. ما هم نصاري ... عباد الصليب …. يعني يموتوا و لا يتحرقوا في داهية أيه المشكلة يعني؟ ماجي تموت مش مشكلة لكن ماينفعش نقول أن بعض الأئمة اللي قالوا أن المسلم لا يعاقب علي دم الذمي غلطانين. أمبارح ساعتين ونص حوار بين إسلام بحيري والدكتور الأزهري سعد الدين الهلالي في برنامج عمرو أديب كل يوم إسلام يقول له: ثلاثة من الأئمة الإربعة بيقولوا "لا يعاقب المسلم علي دم الذمي حتي وأن قتله عمدا" …. و ده مخالف للقران و للفطرة و للعقل و للقانون و للحضارة و للأنسانية ولأي حاجة محترمة ….. الرجل يرد و يقول له بس الرابع (أبو حنيفة) خالفهم الرأي و قال أن المسلم يعاقب بدم الذمي بحيري : بس هم غلطانين الهلالي : لكن أحنا بنطبق المذهب الحنفي في مصر من 50 سنة بحيري: طيب قول أنهم غلطانين الهلالي: لكن القانون بيحمي المسيحيين كنت حاسس أن إسلام بحيري هيجي له أنفجار في المخ من كتر ما بيحاول يطلع كلمة بسيطة من الدكتور الهلالي والهلالي مارس كافة أنواع المناروات اللي في الدنيا علشان يهرب من جملة بسيطة جدا اللي هي " نعم أخطأ الأئمة الثلاثة عندما قالوا أن دم الذمي (المسيحي) لا يساوي دم المسلم و أن المسلم لا يعاقب علي قتل الذمي حتي و أن قتله عمدا" معلش يا بنتي …. دمك راح هدر لأننا رافضين نفكر ….. لأننا مُصرين نعيش أسري لأفكار بشر عاشوا من قرون .... هم اللي يقولوا لنا نعامل بعض أزاي في القرن الواحد و العشرين …. سامحينا أصلنا لسه بنسمي المواطن المصري المسيحي ذمي مش مواطن!! الهلالي كان مرعوب أنه يقول علي اللي الأئمة اللي بتهدر دم المسيحي عفوا الذمي أنهم أخطأوا ...... للدرجة ده تقديس ناس عاشوا من قرون علي حساب الوطن وعلي حساب طفلة برئية زي ماجي!! ملحوظة صغيرة: الهلالي ده التنويري المستنير المتفتح الليبرالي اللي في الأزهر. تخيل بقي شكل أفكار المتشددين …. و تخيل بقي شكل أفكار السلفيين أو الأخوان أو السلفيين الجهاديين… سامحينا يا بنتي! 
|
|
21 - 12 - 2016, 02:39 PM
|
رقم المشاركة : ( 2 ) | ||||
|
† Admin Woman †
|
رد: معلش يا بنتي …. دمك راح هدر …..
ربنا يرحمنا ويصبر اهلها |
||||
|
|
|
21 - 12 - 2016, 02:44 PM
|
رقم المشاركة : ( 3 ) | ||||
|
..::| الإدارة العامة |::..
|
رد: معلش يا بنتي …. دمك راح هدر …..
ربنا بجد موجود هنقول ايه
الكلام خلص ربنا يجيب حقك وحق كل الشهداء يا ماجى |
||||
|
|
|
22 - 12 - 2016, 10:24 AM
|
رقم المشاركة : ( 4 ) | ||||
|
..::| الاشراف العام |::..
|
رد: معلش يا بنتي …. دمك راح هدر …..
ميرسى لمروركم الغالى
 |
||||
|
|
 |
|
| قد تكون مهتم بالمواضيع التالية ايضاً |
| الموضوع |
| اسف معلش |
| معلش..... |
| هنالك اوطان تنتج كل مبررات الموت وتنسى ان تنتج شفرات حلاقة. |
| معلش |
| معلش |
العرض العادي
