|
 |
 |
 |
|
رقم المشاركة : ( 1 )
19 - 12 - 2016, 07:15 PM
|
|||||||||||
|
|||||||||||
|
ﺗﺒﺺ "ﻣﺮﻳﻢ" ﻓﻲ ﺍﻟﺴﺎﻋﺔ ﻭ ﺗﺎﺧﺪ ﺑﺎﻟﻬﺎ ﺇﻥ ﺳﺎﻋﺘﻬﺎ ﻭﺍﻗﻔﺔ ﻋﻨﺪ ١٠ ﺇﻻ ٤ ﺩﻗﺎﻳﻖ .. ﺗﺨﺒﻂ ﻋﻠﻲ ﺍﻟﺸﺎﺷﺔ ﺑﺲ ﺍﻟﺴﺎﻋﺔ ﻣﺎﺗﺸﺘﻐﻠﺶ ﺗﻘﻮﻝ ﻓﻲ ﺑﺎﻟﻬﺎ ﺇﻧﻬﺎ ﻫﺘﺒﻘﻲ ﺗﻐﻴّﺮﻟﻬﺎ ﺍﻟﺤﺠﺮ .. ﻏﻤﻀﺖ "ﻣﺮﻳﻢ" ﻋﻴﻨﻴﻬﺎ ﻭ ﻫﻲ ﻓﻲ ﻭﺩﻧﻬﺎ ﺻﻮﺕ ﺍﻟﺼﻼﺓ ﻭ ﺳﺮﺣﺖ ﺑﺲ ﻣﺮﺓ ﻭﺍﺣﺪﺓ ﺍﻧﺘﺒﻬﺖ ﺍﻧﻬﺎ ﻣﺎﺑﻘﻴﺘﺶ ﺳﺎﻣﻌﺎﻩ .. ﻓﺘﺤﺖ ﻋﻴﻨﻴﻬﺎ ﻭ ﻟﻘﻴﺖ ﻧﻔﺴﻬﺎ ﻓﻲ ﺃﻭﺿﺔ ﻛﺒﻴﺮﺓ ﻋﻴﻨﻴﻬﺎ ﻣﺶ ﺟﺎﻳﺒﺔ ﺁﺧﺮﻫﺎ .. ﻓﺎﺿﻴﺔ .. ﻣﻔﻴﻬﺎﺵ ﺃﻱ ﺣﺎﺟﺔ ﻏﻴﺮ ﺍﻟﻠﻮﻥ ﺍﻷﺑﻴﺾ ﻣﻦ ﻛﻞ ﺍﻻﺗﺠﺎﻫﺎﺕ .. ﺍﻟﺪﻧﻴﺎ ﻫﺎﺩﻳﺔ .. ﻟﻮﺣﺪﻫﺎ .. ﻣﺶ ﻋﺎﺭﻓﺔ ﻫﻲ ﻓﻴﻦ ﻭ ﻻ ﺟﺖ ﺍﻟﻤﻜﺎﻥ ﺩﻩ ﺇﺯﺍﻱ .. - ﺻﺒﺎﺡ ﺍﻟﺨﻴﺮ .. ﻣﺎﺩﺍﻡ ﻣﺮﻳﻢ؟ ﻣﺮﻳﻢ: )ﺗﺘﺨﺾ ( ﺍﻳﻮﺓ ﺃﻧﺎ .. - ﺣﻀﺮﺗﻚ ﻧﻮَّﺭﺗﻴﻨﺎ )ﻳﺒﺘﺴﻢ ( ﻣﺮﻳﻢ: ﺷﻜﺮﺍ .. ﻫﻮ ﺃﻧﺎ ﻓﻴﻦ؟ - ﻓﻲ ﻣﻜﺎﻥ ﺣﻠﻮ .. ﻣﺎﺗﻘﻠﻘﻴﺶ .. ﺍﻧﺘﻲ ﺧﺎﻳﻔﺔ؟ ﻣﺮﻳﻢ: ﻷ ﻣﺶ ﺣﺎﺳﺔ ﺇﻧﻲ ﺧﺎﻳﻔﺔ .. ﺑﺲ ﺃﻧﺎ ﻣﺶ ﻋﺎﺭﻓﺔ ﺃﻧﺎ ﻓﻴﻦ ؟ ﺃﻭ ﺟﻴﺖ ﻫﻨﺎ ﺇﺯﺍﻱ؟ ﻭ ﻣﺶ ﻓﺎﻛﺮﺓ ﺣﺎﺟﺔ .. )ﺗﺴﻜﺖ ﻟﺤﻈﺔ ( ﺇﻧﺖ ﻣﻴﻦ ؟ - ﺃﻧﺎ .. ﺃﻧﺎ "ﺍﻟﻘﺪﻳﺴﻴﻦ ٢٠١١ .. " ﻣﺮﻳﻢ: )ﺑﺈﺳﺘﻐﺮﺍﺏ ( ﺇﺳﻤﻚ ﻛﺪﻩ ؟ ﺇﺳﻤﻚ "ﺍﻟﻘﺪﻳﺴﻴﻦ ٢٠١١" ؟؟! - ﺁﻩ ﺑﺄﻣﺎﻧﺔ ﺩﻩ ﺇﺳﻤﻲ ﻫﻨﺎ ﻣﻦ ﺳﺎﻋﺔ ﻣﺎ ﺟﻴﺖ .. ﻣﺮﻳﻢ: ﺍﻳﻮﺓ ﺟﻴﺖ ﻓﻴﻦ؟ ﺇﺣﻨﺎ ﻓﻴﻦ؟ )ﺛﻢ ﺗﻔﺘﻜﺮ ( ﻭﻻﺩﻱ !! ﻣﺎﻳﻜﻞ ﻭ ﻣﻴﻨﺎ ؟ ﻭﻻﺩﻱ ﻓﻴﻦ؟ - )ﻳﺤﺎﻭﻝ ﻳﻬﺪﻳﻬﺎ ( ﻣﺎﺗﻘﻠﻘﻴﺶ .. ﺇﻫﺪﻱ .. ﺑﻴﻠﻌﺒﻮﺍ ﻫﻨﺎﻙ ﻣﻊ "ﻣﺎﺳﺒﻴﺮﻭ.. " )ﺗﺒﺺ ﻣﺮﻳﻢ ﻭ ﺗﻼﻗﻲ ﻭﻻﺩﻫﺎ ﺑﻴﻠﻌﺒﻮﺍ ﻭ ﺑﻴﻀﺤﻜﻮﺍ ﻣﻊ ﻭﺍﺣﺪ ﻓﺘﻄﻤﻦ ( ﻣﺮﻳﻢ" :ﻣﺎﺳﺒﻴﺮﻭ" ؟!! ﺍﺳﻤﻪ ﻏﺮﻳﺐ ﻗﻮﻱ ﺩﻩ ﻛﻤﺎﻥ .. )ﻳﺪﺧﻞ ﺷﺨﺺ ﻛﺒﻴﺮ ﻓﻲ ﺍﻟﺴﻦ ﺷﻮﻳﺔ ( ** ﻣﻌﻠﺶ ﻳﺎ ﻣﺎﺩﺍﻡ "..ﻗﺪﻳﺴﻴﻦ" ﻋﺎﻳﺰﻙ ﺩﻗﻴﻘﺔ .. )ﻳﺎﺧﺪﻩ ﻋﻠﻲ ﺟﻨﺐ ( ﻫﺎ !! ﻗﻮﻟﺘﻠﻬﺎ ؟؟ - ﻣﺎ ﺃﻧﺎ ﻣﺶ ﻋﺎﺭﻑ ﺃﻗﻮﻟﻬﺎ ﺇﺯﺍﻱ ؟! ﻛﺎﻥ ﺍﻟﻤﻔﺮﻭﺽ ﺗﺒﻌﺘﻮﺍ "ﻧﺠﻊ ﺣﻤﺎﺩﻱ ٢٠١٠ .. " " **ﻧﺠﻊ ﺣﻤﺎﺩﻱ " ﺇﺧﺘﺼﺎﺻﻪ ﺿﺮﺏ ﻧﺎﺭ ﻭ ﻣﺨﺘﻠﻴﻦ ﻋﻘﻠﻴﺎ ﻭ ﻫﻲ ﻻ ﺟﺎﻳﺔ ﻓﻲ ﺩﻩ ﻭ ﻻ ﺩﻩ .. - ﺁﻩ .. ﺑﺲ ﻫﻮ ﻛﻤﺎﻥ ﺇﺧﺘﺼﺎﺻﻪ ﻣﻮﺳﻢ ﺍﻟﻌﻴﺪ ﻭ ﺇﺣﻨﺎ ﺩﺍﺧﻠﻨﺎ ﺷﻬﺮ ١٢ ﻳﻌﻨﻲ officially ﻓﻲ ﺍﻟﻜﺮﻳﺴﻤﺎﺱ .. ﻫﻮ ﺃﻛﺘﺮ ﻭﺍﺣﺪ ﻫﻴﻌﺮﻑ ﻳﺘﻌﺎﻣﻞ ﻣﻊ ﺍﻟﻤﻮﻗﻒ .. ** ﻣﺎ ﺇﻧﺖ ﻛﻤﺎﻥ ﺇﺧﺘﺼﺎﺹ ﺃﻋﻴﺎﺩ ﻭ ﻛﻤﺎﻥ ﺗﻔﺠﻴﺮﺍﺕ .. ﺍﻟﻤﻬﻤﺔ ﺩﻱ ١٠٠ ﻓﻲ ١٠٠ ﺑﺘﺎﻋﺘﻚ .. ﻣﺎﻳﻨﻔﻌﺶ ﺣﺪ ﻳﻘﻮﻟﻠﻬﺎ ﻏﻴﺮﻙ .. ﺩﻩ ﺍﻟﻨﺎﺱ ﻛﻠﻬﺎ ﻋﺎﻟﻔﻴﺲ ﺣﺎﻃﻴﻦ ﺻﻮّﺭﻛﻮﺍ ﺳﻮﺍ .. ﻳﻼ ﻳﻼ ﺑﻼﺵ ﺩﻟﻊ.. ﺭﻭﺡ ﻗﻮﻟﻠﻬﺎ .. - ﺣﺎﺿﺮ )ﻳﺮﺟﻊ ﺗﺎﻧﻲ ﻟﻤﺮﻳﻢ ( ﻣﺮﻳﻢ: ﻣﻴﻦ ﺩﻩ ؟ - ﺩﻩ "ﺍﻟﻜُﺸﺢ ٢٠٠٠.. " ﺳﻴﺒﻚ ﻣﻨﻪ .. ﻗﻮﻟﺘﻴﻠﻲ ﺇﻧﻚ ﻣﺶ ﻓﺎﻛﺮﺓ ﺣﺎﺟﺔ !! ﻣﺮﻳﻢ: ﺃﻧﺎ ﻛﻞ ﺍﻟﻠﻲ ﻓﺎﻛﺮﺍﻩ ﺇﻥ ﺃﻧﺎ ﻛﻨﺖ ﻓﻲ ﺍﻟﻜﻨﻴﺴﺔ ﺑﺼﻠﻲ ﻭ ﻣﺮﺓ ﻭﺍﺣﺪﺓ ﻟﻘﻴﺖ ﻧﻔﺴﻲ ﻫﻨﺎ .. ﻫﻮ ﺍﻳﻪ ﺍﻟﻠﻲ ﺣﺼﻞ !! )ﺗﺴﻜﺖ ( ﻫﻮ .. ﻫﻮ ﺃﻧﺎ ﻣُﺖ .. - )ﻳﺴﻜﺖ ﻟﺤﻈﺔ ( ﻟﺴﻪ .. ﻣﺮﻳﻢ: )ﺑﺨﻀﺔ ( ﻟﺴﻪ ﻫﻤﻮﺕ ؟! - )ﻳﺒﺘﺴﻢ ( ﻣﻦ ٥ ﺳﻨﻴﻦ ﻛﻨﺖ ﺑﺤﻀﺮ ﻟﻴﻠﺔ ﺭﺍﺱ ﺍﻟﺴﻨﺔ ﻓﻲ ﻛﻨﻴﺴﺘﻲ .. ﺍﻟﻘﺪﻳﺴﻴﻦ .. ﻭ ﻣﺮﺓ ﻭﺍﺣﺪﺓ ﻟﻘﻴﺘﻨﻲ ﻫﻨﺎ .. ﺟﺎﻟﻲ ﻭﺍﺣﺪ ﺍﺳﻤﻪ "ﻧﺠﻊ ﺣﻤﺎﺩﻱ" ﻭ ﻗﺎﻟﻠﻲ ﺇﺣﻨﺎ ﺇﺧﺘﺮﻧﺎﻙ ﺯﻱ ﻣﺎ ﺇﺧﺘﺎﺭﻭﻛﻲ ﻭ ﺯﻱ ﻣﺎ ﻫﻴﺨﺘﺎﺭﻭﺍ ﺣﺪ ﻓﻲ ﺍﻟﻤﺴﺘﻘﺒﻞ .. ﺃﻧﺎ ﺑﺴﻠﻤﻚ ﻭ ﺇﻧﺘﻲ ﻫﺘﺴﻠﻤﻲ ﺣﺪ ﺗﺎﻧﻲ ﺑﻜﺮﺓ ﻭ ﺍﻟﺤﺪ ﺩﻩ ﻫﻴﺴﻠﻢ ﺣﺪ ﺑﻌﺪﻩ ﻭ ﻫﻜﺬﺍ .. ﻓﻬﻤﺘﻲ ؟! ﻣﺮﻳﻢ: )ﺗﺸﺎﻭﺭ ﺁﻩ ﺑﺮﺍﺳﻬﺎ ( ﻓﻬﻤﺖ .. )ﺑﺘﺒﺘﺪﻱ ﺗﻈﻬﺮ ﺩﻣﻮﻉ ﻓﻲ ﻋﻴﻨﻴﻬﺎ ( ﻭ ﺃﻭﻻﺩﻱ ؟ - )ﻳﺮﺩ ﺑﺴﺮﻋﺔ ( ﺟﺎﻳﻴﻦ ﻣﻌﺎﻛﻲ .. ﻣﺮﻳﻢ: ﻭ ﺟﻮﺯﻱ؟ - ﻫﻴﺒﻘﻲ ﺻﻌﺐ ﻋﻠﻴﻪ ﺃﻛﺘﺮ ﻣﻤﺎ ﺃﻱ ﺣﺪ ﻳﺘﺨﻴﻞ .. ﺑﺲ ﺭﺑﻨﺎ ﻫﻴﻌﺰﻳﻪ .. ﻣﺎﺗﻘﻠﻘﻴﺶ .. ﻣﺮﻳﻢ: )ﺗﺤﺎﻭﻝ ﺗﻤﺴﻚ ﻧﻔﺴﻬﺎ ( ﻗﻨﺒﻠﺔ ﺯﻳﻚ؟ - )ﻳﺤﺮﻙ ﺭﺍﺳﻪ ﺃﻳﻮﺓ ( ﺍﻣﻢ ﻣﺮﻳﻢ: )ﺑﺈﺑﺘﺴﺎﻣﺔ ﻭ ﺩﻣﻮﻉ ﻧﺎﺯﻟﺔ ﻣﻦ ﻋﻴﻨﻴﻬﺎ ( ﻫﺒﻘﻲ "ﺍﻟﻜﺎﺗﺪﺭﺍﺋﻴﺔ ٢٠١٦ " ؟؟ - ﻫﺘﺒﻘِﻲ ﺍﻟﻜﺎﺗﺪﺭﺍﺋﻴﺔ ٢٠١٦ .. ﻣﺮﻳﻢ: )ﺗﺒﺘﺪﻱ ﺗﺒﻜﻲ ( ﻫﺘﻮﺟﻊ ؟! - )ﺑﺈﺑﺘﺴﺎﻣﺔ ( ﻣﺎﻋﺘﻘﺪﺵ ﺇﻧﻪ ﻫﻴﺒﻘﻲ ﺃﺻﻌﺐ ﻣﻦ ﻭﺟﻊ ﺍﻟﻮﻻﺩﺓ .. ﻣﺮﻳﻢ: )ﺗﻀﺤﻚ ( ﻣﺎﻓﻴﺶ ﺣﺎﺟﺔ ﺃﺻﻌﺐ ﻣﻦ ﻭﺟﻊ ﺍﻟﻮﻻﺩﺓ .. )ﺗﺴﻜﺖ ﻟﺤﻈﺔ ﻭ ﺑﻌﺪﻳﻦ ﺗﺒﺼﻠﻪ ( ﻋﻨﺪﻱ ﻃﻠﺐ ..ﻣﻤﻜﻦ ؟! - ﺍﻟﻠﻲ ﺇﻧﺘﻲ ﻋﺎﻳﺰﺍﻩ .. ﻣﺮﻳﻢ: ﻟﻤﺎ ﺃﺭﺟﻊ .. ﻟﻤﺎ ﺃﺭﺟﻊ ﺍﻟﻜﻨﻴﺴﺔ .. ﻣﺶ ﻋﺎﻳﺰﺓ ﺍﺳﺘﻨﻲ ﻛﺘﻴﺮ .. - ﺇﺣﻨﺎ ﻋﺎﻣﻠﻴﻦ ﺣﺴﺎﺑﻨﺎ ﻋﻠﻲ ﺩﻩ ﻣﻦ ﺍﻷﻭﻝ .. ﺟﺎﻫﺰﺓ؟ ﻣﺮﻳﻢ: ﺗﻘﺮﻳﺒﺎ .. ﻣﺶ ﻋﺎﺭﻓﺔ .. ﺃﻱ ﺣﺎﺟﺔ .. - ﺃﺷﻮﻓﻚ ﻫﻨﺎ ﺗﺎﻧﻲ ﻳﺎ "ﺍﻟﻜﺎﺗﺪﺭﺍﺋﻴﺔ ٢٠١٦ .. " ﻏﻤﻀﻲ ﻋﻴﻨﻚ ﻟﻮﺳﻤﺤﺘﻲ ﻭ ﺍﻓﺘﺤﻴﻬﺎ .. )ﺗﻐﻤﺾ ﻣﺮﻳﻢ ﻋﻴﻨﻴﻬﺎ ( ﻣﺎﻳﻜﻞ: ﻣﺎﻣﻲ ﻣﺎﻣﻲ ﺍﻧﺘﻲ ﻧﻤﺘﻲ .. )ﺗﻔﺘﺢ ﻣﺮﻳﻢ ﻋﻴﻨﻴﻬﺎ ﻭ ﺗﻨﺘﺒﻪ ﺍﻧﻬﺎ ﻓﻲ ﺍﻟﻜﻨﻴﺴﺔ ﻭ ﺍﻟﺼﻼﺓ ﺷﻐﺎﻟﺔ .. ﺗﺒﺺ ﻋﻠﻲ ﻭﻻﺩﻫﺎ ﺍﻟﻠﻲ ﻭﺍﻓﻘﻴﻦ ﺟﺎﻧﺒﻬﺎ .. ﺗﺒﺺ ﻋﻠﻲ ﻛﻞ ﺍﻟﻠﻲ ﻓﻲ ﺍﻟﻜﻨﻴﺴﺔ .. ﺗﺒﺺ ﻋﻠﻲ ﺍﻟﺴﺎﻋﺔ ﻓﻲ ﺍﻳﺪﻳﻬﺎ ﺗﻼﻗﻴﻬﺎ ﺍﺗﺤﺮﻛﺖ ﻣﻦ ١٠ ﺇﻻ ٤ ﺩﻗﺎﻳﻖ ﻝ ١٠ ﺇﻻ ٣ ﺩﻗﺎﻳﻖ .. ﺗﺸﻴﻞ ﻣﻴﻨﺎ ﺑﺈﻳﺪ ﻭ ﺗﺤﻀﻦ ﻣﺎﻳﻜﻞ ﺑﺎﻹﻳﺪ ﺍﻟﺘﺎﻧﻴﺔ .. ﻭ ﺗﺎﺧﺪ ﻧﻔﺲ ﺟﺎﻣﺪ ﻣﻠﻴﺎﻥ ﺑﺮﻳﺤﺔ ﺍﻟﺒﺨﻮﺭ ﺍﻟﻠﻲ ﻓﻲ ﺍﻟﻜﻨﻴﺴﺔ .. ﺗﺒﺺ ﻋﻠﻲ ﺍﻟﺼﻠﻴﺐ ﺍﻟﻠﻲ ﻓﻮﻕ ﺍﻟﻬﻴﻜﻞ .. ﺗﺒﺘﺴﻢ .. ﻭ ﺗﻐﻤﺾ ﻋﻴﻨﻴﻬﺎ .. ( ..ﻟﺤﻈﺔ ﺻﻤﺖ .. ..ﺇﻧﻔﺠﺎﺭ 
|
|
19 - 12 - 2016, 10:05 PM
|
رقم المشاركة : ( 2 ) | ||||
|
..::| الاشراف العام |::..
|
رد: لحظة صمت ....إنفجار
ميرسى ربنا يفرح قلبك
|
||||
|
|
|
19 - 12 - 2016, 10:08 PM
|
رقم المشاركة : ( 3 ) | ||||
|
..::| الإدارة العامة |::..
|
رد: لحظة صمت ....إنفجار
ميرسي على مرورك الغالى رينا
|
||||
|
|
|
20 - 12 - 2016, 10:34 AM
|
رقم المشاركة : ( 4 ) | ||||
|
† Admin Woman †
|
رد: لحظة صمت ....إنفجار
مشاركة جميلة جدا ربنا يبارك حياتك |
||||
|
|
|
20 - 12 - 2016, 07:58 PM
|
رقم المشاركة : ( 5 ) | ||||
|
..::| الإدارة العامة |::..
|
رد: لحظة صمت ....إنفجار
ميرسي على مرورك الغالى مارى
|
||||
|
|
 |
|
العرض العادي
