| |
|
|
|
|
|
||||||
 |
|
|
أدوات الموضوع | انواع عرض الموضوع |
|
#1
17 - 12 - 2016, 08:56 AM
|
||||
|
||||
|
نجار من صغرك و متعلم تدق المسمار في الخشبة بمهارة .. تعمل كرسي، تعمل سرير ، ترابيزة سفرة ، تعمل كنبة تقعد عليها مريم حبيبتك ؛؛ ما إنت طول عمرك مبدع في صنعتك بشطارة .. بس اللي زيي يحتاج منك شغل كتير و غلبة ؛ عاوز تشيل العوج بدقماقك و تاكل الزيادات و الخشونة اللي في قلبي بالفارة .. تنضف يارب القذارة .. و تصنفر و تمعجن و تأسس و تدهن؛ عاوز منك وقت و شغل علي أصوله ؛؛ شغل نجارة .. ترفع مقاسي؛ و تقيسني بكفك من رجلي لحد رأسي و تشوف حتعمل بيا ايه ؛ ماهو إنت الوحيد اللي تعرف انا لزمتي ايه ؛ تعمل مني شباك في قبة تطل ع السما ؛ و لا باب لكنيسة زي الفلك حما ؛ و لا تعشقني في حتة تانية نعمل صليب ؛ و لا عكاز او عصاية .. أو أقولك.. إعملني منجلية حلوة ؛ اصلي بعشق كلمتك ، خليني بنعمتك منجليتك اللي تتحط عليها البشارة .. جات لي فكرة ؛ خليني برواز لصورة قديسينك ؛ او دكة في كنيستك تريح الناس من تعبها ؛ و لا سور يفرح الأطفال في يوم ميلادك حوالين المغارة .. و لا ايه رأيك تنحتني أيقونة مكتوب عليها ابانا الذي في السموات لتكن مشيئتك ؛ أو نكتب اية تشجع التايب تقوله انك غفرت و نسيت خطيته واللي فات مات ؛ أو تقول للفقير انك شبعه و في رعايتك و رفقتك مش حيمد ايده لغيرك يقول له هات ؛ و لو رسيت خليني إيد مقشة و لا منفضة أو مهشة تنفض بايد خدامك من مذبحك العفارة .. الملخص... أنا عاوز ابقي في دايرتك ؛؛ اتملي بحكمتك ؛؛ مش عاوز أبعد عن صحبتك ؛؛ لا اترمي في الشارع ياخدني جاهل يكسرني ويرميني وسط العفاره ؛ و لا يلقطني بايع يحطني في عربية كارو علشان يضرب الحمارة .. مش عاوز عيل يمسكني يخوف بيا كلب ؛ و اللي يشوطني بجزمته و انداس في دنيا مالهاش قلب ؛ و ده يعملني سقالة يرفع بيها بنايته و ماله و عزوته و ده يسند بيا شكارة .. انا في ايدك ليا قيمة ؛؛ لا واحد يعلق عليا ايريال في سطح مليان كراكيب ؛؛ أو بلطجي رافعني في وش الخلق يهدد و لسانه ما بينطقش غير العيب ؛؛ و لا عجوز فقد الرجا و الأمل بعد ما سابه ولاده يتلطم في الدنيا و لا عدش ليه حبيب ؛؛ يسلي غربته و يعملني سنارة.. ما بطقش يايسوع الزفارة !! خليني مركب يبحر ؛ خليني ايد في شمسية تضلل ؛ مزمار يرنم و يهلل او لداود قيثارة .. وفي النهاية عاوز اقولك حاجة يا حبيبي ... إن المهم ابقي في معيتك و رفقتك .. أفضل طول عمري في ورشتك حتي لو خلتتي نشارة 😍 
|
|
#2
17 - 12 - 2016, 01:24 PM
|
||||
|
||||
|
مشاركة جميلة جدا ربنا يبارك حياتك
|
|
#3
17 - 12 - 2016, 09:45 PM
|
||||
|
||||
|
ميرسي على مرورك الغالى مارى
|
|
#4
18 - 12 - 2016, 12:09 PM
|
||||
|
||||
|
ميرسى ربنا يفرح قلبك
ويبارك تعب محبتك
|
|
#5
18 - 12 - 2016, 07:14 PM
|
||||
|
||||
|
ميرسي على مرورك الغالى رينا
|
|
|
قد تكون مهتم بالمواضيع التالية ايضاً
|
||||
| الموضوع | كاتب الموضوع | المنتدى | مشاركات | آخر مشاركة |
| لون صورة نجار | Mary Naeem | صور كرتون ، صور للتلوين | 0 | 18 - 03 - 2022 01:22 PM |
| نجار من صغرك ومتعلم تدق المسمار في الخشبة بمهارة | Mary Naeem | صور السيد المسيح والصليب | 1 | 12 - 01 - 2022 05:04 AM |
| نجار فوق تلال الناصرة | walaa farouk | قسم الرب يسوع المسيح الراعى الصالح | 2 | 29 - 12 - 2018 07:49 PM |
| حل بسيط لمشكله شعرك الهايش و خصوصا لو شعرك جاف | Mary Naeem | الجمال والمكياج | 0 | 28 - 10 - 2017 01:27 PM |
| واحد نجار | روشا الفرفوشه | النكت والفرفشة | 0 | 20 - 05 - 2012 09:43 PM |
العرض العادي
