عاوزين حق الطفل ابانوب.والجندي جرجس ومينا ومرقوريوس..عاوزين حق اللي قتلتوا عيالها علي حجرها..عاوزين حق كل دول..(مجرد تخيل.. هو ليه مكنش،بيقولوا كده زمان.ليه بقينا لو اتكلمنا عن الايمان او عن الغفران او عن كلمات الله اللي قالها لينا نعتبر مجانين واننا سياسين وبنطبل. احنا بس بقينا حلوين وشطار نوعظ ونقول (نفسي غير ثمينه عندي) ولما اتحط تحت الالم والتجربه اروح مطالب بحقي..بنبقي شطار اوي في عيد النيروز لما نتكلم عن الشهداء لكن لما ربنا يدينا بركه اننا هانتحط في جيل الشهداء تلاقي كل الافكار السياسه. والافكار الحقوقيه خرجت..ليه اخرنا نمصمص شفايفنا لما نشوف فيلم عن الشهداء ولما حد فينا يستشهد ننسي اننا اتمنينا من واحنا صغيرين ان يبقي كل واحد فينا الشهيد ابانوب. يبقي دم ولادنا سايل وجسدهم متقطع واحنا بدل مانقول يارب ابقي زيهم تلاقينا قطعنا في بعض.يبقي البابا بيبكي ومتقطع من جواه واحنا ماسكينه نقد نقد نقد مش رحمينه حتي في حزنه..لو حد فينا كتب عن الايمان يبقي يتقاله كفايا تطبيل.ايه يا ناس مالكوا في ايه؟؟!! بقينا كده ليه؟؟'! مش قادرين نرحم بعض وبنطلب الناس ترحمنا..بجيب سيف احطه علي رقبه اخويا وازعل اوي لما سيف الغريب يتحط عليا..ايه الايمان بقي موضه قديمه؟.ايات الكتاب مابقاش تنفع وبوستاتنا هي اللي صح؟؟.فوقوا واصحوا.انا بعلن ايماني..وبعلن اني مش عاوز حق موت ولادي علي الارض..بعلن غفراني لكل واخد جرح كنيستي..بعلن حبي للاعداء قبل الاحباب..اغلط فيا قول بطبل للحكومه.قول عليا كاهن مابيحسش.قول عليا انت رجل دين كلامك كله غلط. مش مهم. انا هارضي ربنا واللي قاله في الانجيل هاعمله.اه قالي اسكت.قالي هاتتهان.قالي هايضطهدوك.قالي هاتحزن والعالم هايفرح..وانا هاعمل اللي قال عليه.لان هاشوفه في يوم من الايام وقلبي هايفرح ومحدش يقدر ينزع الفرح مني..
