|
 |
 |
 |
|
رقم المشاركة : ( 1 )
05 - 12 - 2016, 09:17 PM
|
|||||||||||
|
|||||||||||
|
#فبقيت_انا_وحدي الجمله دي اوقات كتير بنقولها وبنحس بيها .. اوقات كتير الدنيا بتفضي من حوالينا لدرجة اننا بنحس اننا لوحدنا فعلآ .. مالناش حد ومفيش حد معانا .. لا حبيب ولا صاحب ولا أخ .. والوحده صعبه ومتعبه .. مش بس كده .. اوقات بنعاتب ربنا ونقوله خدنا عندك .. تعبنا واتوجعنا بما فيه الكفايه .. وقلوبنا اتجرحت لحد ما الجرح علم فيها .. الدنيا بقيت وحشه والراحه عندك بس .. كفايه يارب الجمله دي قالها ايليا النبي زمان ف سفر ملوك الأول اصحاح 17 .. لما شاف ان اخاب الملك الشرير هو ومراته ايزابل بيحاربوه وهو الوحيد اللي شايل اسم ربنا وواقف قصادهم .. قال ل ربنا ب عتاب الحبايب : قَدْ كَفَى الآنَ يَا رَبُّ. خُذْ نَفْسِي .. لأَنَّ بَنِي إِسْرَائِيلَ قَدْ تَرَكُوا عَهْدَكَ، وَنَقَضُوا مَذَابِحَكَ، وَقَتَلُوا أَنْبِيَاءَكَ بِالسَّيْفِ، فَبَقِيتُ أَنَا وَحْدِي !! ايليا ده كان اكتر واحد ربنا مدلعه .. يقول للسما متمطريش تسمع كلامه .. يقولها مطري المطر يغرق الأرض .. يجوع ربنا يبعتله الاكل مع غراب .. ولما يتحارب هو اللي يدافع عنه .. لكل واحد حاسس انه لوحده ومالوش حد .. لكل انسان عايش ف وجع ومش لاقي ايد تطبطب عليه ولا حضن يطمنه متخافش .. لما الناس بتسيب ربنا بيتمسك .. لما الناس بتتخلي ربنا هو اللي بيعول .. لما الناس بتبعد ربنا بيقرب .. ولما الناس بتجرح ربنا بيشفي .. حتي لو عايش لوحدك .. حتي لو منسي ومتساب ومالكش حبيب يسأل عليك ولا قلب يشيل عنك حتي لو بتقول مع ايليا النبي .. كل الناس سابوني وبَقِيتُ أَنَا وَحْدِي .. ربنا مش هيسيبك ولا ينساك هو بيشفي وبيعين وبيسند وبيهتم .. وبيعوض هو اهلك وناسك وحبايبك وصحابك هو كفايه .. <3 
|
|
06 - 12 - 2016, 11:07 AM
|
رقم المشاركة : ( 2 ) | ||||
|
..::| الاشراف العام |::..
|
رد: فبقيت_انا_وحدي
فعلا هو كفايه
ميرسى ربنا يبارك تعب محبتك |
||||
|
|
|
06 - 12 - 2016, 02:06 PM
|
رقم المشاركة : ( 3 ) | ||||
|
† Admin Woman †
|
رد: فبقيت_انا_وحدي
مشاركة جميلة جدا ربنا يبارك حياتك |
||||
|
|
|
06 - 12 - 2016, 07:14 PM
|
رقم المشاركة : ( 4 ) | ||||
|
..::| الإدارة العامة |::..
|
رد: فبقيت_انا_وحدي
ميرسي كتير على مروركم الغالى
|
||||
|
|
العرض العادي
