متستهلكش نفسك بس اوعي تبطل تدى

[Rena Jesus]

مشكله الشخص الطيب انه لما حد بيدخل حياته بيبقي مكسوف جدا يتعامل معاهم رسمي او يضايقهم او حتي يسمح لنفسه بينه وبين نفسه انه يعترف انه مش مرتاحلهم

بيعتقد انه هيفضل في امان من شر الناس
وأول ما يحصل مشكله فيها هجوم عليه
يتنح

يكتشف في اللحظه دي كل اللي كان ضاحك علي نفسه بيه
يركز ويبتدي يحس اد ايه جه عليها بس ده بقي بيحصله في عز المشكله وضغطها

فالضغط يبقي ضغطين وتلاته
ضغط اكتشاف الجانب السئ من شخصيه اللي قصاده
وضغط المشكله ومحاولته لحلها
وضغط المشاعر السلبيه اللي بتهجم عليه من احساس ظلم وصدمه وعدم تصديق

فيلاقي نفسه في كميه وجع رهيبه اللي حوالليه يبقوا مستغربين هو ليه انهار كده ومش قادر يتحمل الموقف كده
فيضغطوه زياده ويضايق اكتر

ويبقي كل اللي عاوز يعمله انه يقفل الباب وحتي ميحاولش يبص للماضي يتعلم منه
يسئل نفسه المره الجايه ممكن يعمل ايه عشان كل ده ميحصلش 😇
بيبقي عايز ينسي أحزانه ويهرب بس 😔

بس تفتكر المره الجايه هتعمل ايه
هيتكرر الموقف وتتوجع و تعمل جميع ما سبق
او هتتعقد وتبطل تدي وتساعد وتبقي لا طيب ولا شرير
وتبقي سلبي مش عايز تتعامل عشان خايف تتهرس
بس تتحول لانسان تعيس لانك بتتغدي علي العطاء وعمرك ما هتحب نفسك في حال اللي بيمنع خيره عن الناس

نصيحتي ليك خد وقتك في انك تعرف الناس كويس قبل ما تندفع
اتعامل بحذر لحد ما تطمن وتعرف عنهم
نصيحتي ليك العطاء متعه ادي بس احمي نفسك من الاستهلاك
واعتذر من غير ما تحس بالذنب علي اللي انت مش قادر تعمله
نصيحتي ليك ظبط نواياك ان كل عملك يبقي لربنا اوعي تشارك حد في النوايا
نصيحتي ليك ابعد عن اللي مش مريحك
لان من حقك تختار الصحبه اللي كل ما تديها تزودك
مش اللي طول ما انت معاها بتحتار
متستهلكش نفسك بس اوعي تبطل تدى

[walaa farouk]

ميرسي على مشاركتك الجميلة رينا

[Mary Naeem]

مشاركة جميلة جدا

ربنا يبارك حياتك

[Rena Jesus]

ميرسى لمروركم الغالى