9 حاجات لازم تقلع عنهم

[Rena Jesus]

9 حاجات لازم تقلع عنهم
عشان حياتك تستمر بإيجابية في 9 حاجات لازم تقلع عنهم من النهاردة :

1- خجلك و ندمك على فشلك في الماضي :
الماضي لا يساوي المستقبل ,
كل المهم بالنسبة ليك إنك تركز على اللي بتعمله في الوقت الحالي و بس

2- تركك لـ آراء الآخرين تتحكم في حياتك :
الأهم من إن الناس شايفاك ازاي هو انت شايف نفسك ازاي؟ ,
مهم جداً تعمل الحاجات الصالحة ليك ولحياتك انت مش الصالحة للناس و انت لأ

3- ضعفك في تحديد انت عايز إيه :
عمرك ما هتطلع خطوة للأمام لحد ماتقرر انت عايز تبقي فين ,
خد القرار و خلي عندك الإصرار إنك تنفذه

4- مماطلتك في الأهداف المهمة ليك :
في اختيارين الحياة بتطرحهم عليك دايماً :
تقبل الأحوال و الظروف كما هي , أو تقبل المسئولية في تغييرهم .
و حط في بالك إن أحسن وقت تزرع فيه شجرة كان من 20 سنة و أحسن تاني وقت هو دلوقتي حالاً

5- إختيارك إنك متعملش حاجة :
هو صحيح إنك مش بتعرف تختار إسمك و شكلك و هتموت امتي و ازاي بس انت تقدر تختار ازاي هتعيش حياتك و حالاً ,
كل يوم بتعيشه هو فرصة جديدة ليك في الإختيار , متبقاش سلبي

6- هروبك من المشاكل :
المشاكل مش بتتحل بالهروب , كفاية هروب وواجه المشاكل دي و حاول تصلحها ,
تواصل و قدر و سامح و حب الناس اللي تستحق ده منك

7- خلقك للأعذار بدل القرارات :
معظم الناس أصحاب سجلات طويلة من الفشل المستمر خلقوا أعذار كتير جداً في حياتهم في الوقت اللي كانوا المفروض ياخدوا فيه قرار ,
كفاية أعذار

8- ضيق نظرك للحاجات الإيجابية في حياتك :
اللي بتشوفه في حياتك بيعتمد دايماً على اللي انت بتدور عليه عامل ازاي ,
حياتك هتبقي صعبة جداً لو مش بتحس بالشكر و الفرحة للحاجات الإيجابية اللي بتحصل في حياتك دلوقتي

9- عدم تقديرك للحظة الحالية :
في حياتنا دايماً بنحاول نحقق أحلام و حاجات كبيرة جداً من غير ما ندرك ان الحياة أصلا بتمشي و تستمر بالحاجات الصغيرة اللي بتتحقق واحدة واحدة

[walaa farouk]

موضوع رائع يا رينا
ربنا يفرح قلبك

[Mary Naeem]

مشاركة جميلة جدا

ربنا يبارك حياتك

[Rena Jesus]

ميرسى لمروركم الغالى