|
 |
 |
 |
|
رقم المشاركة : ( 1 )
10 - 11 - 2016, 10:53 PM
|
|||||||||||
|
|||||||||||
|
النهاردة كلامى مش موجة للشباب او الشابات خالص..رسالتى للأهل فقط لكل الاهالى الى عندها بنات فى سن ارتباط... اسمعونى كويس و اتحملونى بصو على المشهد الى حوالينا كده فى مصر؟؟ هااا شوفتوه عامل ازاى؟؟ الاسعار و الشقق و الجواز بقى عامل ازاى؟؟ شفتوه؟؟؟ بصو كويس ... بصو كمان..اوك عندك كام بنت فى سن ارتباط؟؟ بنتين؟؟ تلاتة؟؟؟ اربعة؟؟؟ اووك جالك كاام عريس محترم لبنتك و رفضتيه لمجرد انه هياخد البنت و يسافر بره؟!!! رفضتى اولاد ربنا الكويسين انهم يتقدموا لبناتك لمجرد انه هياخد النغة بتاعتك دلوعتك كتكوتك ويسافر بره ليه؟؟؟ جاوبى على السؤال الاهالى بتروح الكنايس و تصلى اسهل صلاة: ابانا اللذي.... و نوصل للمقطع الى بيقول : لتكن مشئتك كما فى السماء كذلك على الارض!!! طيب حلوووو اوى... جالك عريس كويس اوووى لكن هيعيش بره... وابن ربنا و زى الفل فا العيلة قالت لاااااااااا.. عباس الضو قااااال لا.. وبنتى متسافرش و عملتوا فيها ذئاب الجبل و المال و البنون ليه؟؟؟ مشيئة ربنا ايه الى انتو عايزينها؟؟!!! ما ربنا بعت الرجل المناسب وقد يكون البنت نفسها تكمل او تتعرف تقوموا انتو حاطين العقدة فى المنشار و بنتى متساااااااافرش!!!! و متسافرش ليه حضرتك؟؟ العيشة هنا الحمد لله حلوه اوى؟؟ بنتك ماشية بالجيبة فى الشارع بحريتها؟؟ راكبة عربية احدث موديل؟؟ محدش بيتحرش بيها؟؟؟ واخده حقها اوى يعنى؟؟ بنتك قاعدة فى سويسرا؟؟ فرنسا. المانيا؟؟؟ هههههههههه حضرتك انتو فى مصر..مش هقولكم اكتر من كدة.. لكن يقوم ييجى شاب محترم ابن ناس هياخد البنت بره مصر..قد يكون لفترة من الزمن او علطول.. البيت رفض...ليه بقى؟؟ علشان مش هاين عليهم يعيشوا من غيرها؟؟!!! ياااسلام طيب افرض اتجوزت او اتخطبت وجت لخطيبها فرص شغل بره... هتفركشوا الخطوبة!! طيب افرض بعد الجواز الحياة بقت صعبة هنا و جالتهم فرصة شغل.. ههههه عايز اقولكم كأسرة ان بنتكم اول واحدة هتعملكم باى باى و هتسافر مع جوزها ..!!! صدقونى بجد بنات مصر فى ازمة حقيقية بسبب تداخل مشئتهم مع مشيئة ربنا.. كام بنت جالها عرسان رائعين والبيت رفض علشان مش هاين عليهم يسيبوا بنتهم تساافر و تبعد عنهم؟!!!! و فى الاخر الاهالى تقعد كدة و تقول لنفسها : ياااختشى هى البت قاعدة ليه لحد دلوقتى؟؟ هى الرجالة عميت؟؟ وتلاقى العيلة تقولها : يااختشى ايه القمر ده هى الرجالة رحت فين؟؟ لا مراحتش فى حتة يا طانت... الرجالة بتيجى تتقدم و حضرتكم بتطفشهوهم.. و اهى البنات قاعدة... و الرجالة بتطفش و الاهلى بتشتكى ان البنت سنها كبر؟!!! طيب اقول ايه انا؟؟ بجد حاجة توجع القلب عايزين مشيئة ربنا؟؟؟ يبقى ملكووووش دعوة بمشيئتكم ما اهى اصلها مشيئة واحدة الى بتشتغل فى الموضوع... يا انتو يا ربنا لو انتو يبقى اوووك..ملكمش دعوة ربنا هيبعت مين.. انزلوا اختاروا عريس لبنتكم من السوق..شوفو الى يناسبكم و جوزوها.. اما لو هتسيب مشيئة ربنا تطلق فى حياتك و تصدق ان ربنا هيختارلك اروع اختيار و احسن انسان فا اوؤكد ليكم بكل ثقة ان ربنا هيبعتلك احلى انسان فى الدنيا بحسب قلبه و هيكون اروح حد هتعيشى معاه..لمجرد بس انك قلتى ( لتكن مشيئتك كما فى السماء كذلك على الارض) انما غير كدة... بناتكم هتفضل قاعدة جمبكم و هتضيعوا عليها فرص جميلة اوى بسبب كلام فاضى كده كدة ممكن يحصل فى المستقبل و بنت تسافر مع جوزها وتسيبك.... لكل الاهالى الى عندها بنات للإرتباط... كفاية تهريج...كفاية عاطفة خايبة... كفاية تعطيل لبناتكم و ارتباطها...سيبوا ربنا يتدخل فى حياتكم ... اختاروا مشيئة ربنا بالكامل... او مشيئتكم بالكامل الاتنين مع بعض مش هتحصل...ابدا 
|
|
10 - 11 - 2016, 10:56 PM
|
رقم المشاركة : ( 2 ) | ||||
|
..::| الاشراف العام |::..
|
رد: الحال المايل ..والحال الواقف
ميرسى ربنا يبارك تعب محبتك
|
||||
|
|
|
11 - 11 - 2016, 10:34 AM
|
رقم المشاركة : ( 3 ) | ||||
|
† Admin Woman †
|
رد: الحال المايل ..والحال الواقف
مشاركة جميلة جدا ربنا يبارك حياتك |
||||
|
|
|
11 - 11 - 2016, 09:30 PM
|
رقم المشاركة : ( 4 ) | ||||
|
..::| الإدارة العامة |::..
|
رد: الحال المايل ..والحال الواقف
رينا
مارى ميرسي كتير على مروركم الغالى |
||||
|
|
 |
|
| قد تكون مهتم بالمواضيع التالية ايضاً |
| الموضوع |
| كم يستهلك الدجاج اللاحم من العلف |
| مواصفات الحمام اللاحم |
| الحمام اللاحم الفرنسي |
| نبات روريدولا اللاحم |
| تصريف الفعل فى الحال الدال على العادة - درس لغة قبطية |
العرض العادي
