| |
|
|
|
|
|
||||||
 |
|
|
أدوات الموضوع | انواع عرض الموضوع |
|
|
|
#1
06 - 11 - 2016, 09:35 PM
|
||||
|
||||
|
زي ما الأهتمام هو الاحتياج الأول للمرأة اللي بينقلها لدائرة الحب ، فا الراجل محتاج الثقة . المرأة لو اكتفي عندها إحتياج الاهتمام بتبدأ تثق في الراجل . الثقة . إشباع الاحتياج الأول للراجل بيخليه يتأكد إن أختياره للانتقال من دايرة الإعجاب لدايرة الحب كان صح ( الراجل عموماً بيحب الأفعال و ردود الأفعال اللي بتأكد من ان اهتمامه بالطرف الاخر ماشي في المسار الصحيح وانه سعيد بتلقي الاهتمام دة ). ثقة المرأة للراجل بتحفز قدراته علي العطاء أكثر ويبدأ يحس انه يعتمد عليه ( الراجل شاطر في الأفعال ) . و بكده يبدأ يعطي ويهتم أكثر وبالتالي يتم إشباع إحتياجات الطرفين الأولي للأستمرار في دايرة الحب . و زي ما ساعات الرجل بيفهم الإهتمام غلط وانه مجرد أفعال وحلول لمشاكل وخلاص ، برده ساعات تصرفات و ردود أفعال المرأة بتقلل جرعة الثقة اللي بتديها للراجل وبدون قصد كمان فيشعر انه غير كفء للاعتماد عليه ( أما بقي اللي بقصد منها دة موضوع تاني حانحتاج نخليها تمدد علي الشيزلونج وتحكي من اول ما كانت بتلعب في الكهربا لغاية اما وصلت للحال دة ) . فيبدأ الراجل يتراجع عن الإهتمام و بكده يتراجع عن أول إحتياجاتها للحب وتبدأ العلاقة في الفتور وهي لِسَّه في أولها ! ليه أصلاً بتحصل العكوسات دي مع أن الطرفين في مراحل التوافق العاطفي ؟ عشان الطرفين مختلفين سيكولوجياً ( طريقة التعبير مختلفة ) . مثلاً تلاقي المرأة يومها مشحون بأي أنواع الضغوط منفردة أو مجتمعة ( دراسة ، عمل ) أو مشاكل يومية وحياتية من التعامل مع أنماط البشر المرنة واللزجة ، وأول ما تلاقي خمس دقايق فاضية فيهم تمسك تليفونها عشان تفضفض للطرف الأخر ( طبيعة أنثوية ) واللي متوقعة أنه الصدر الحنين وتبدأ تحكي ، لكن تتلاشى أحلامها الوردية للفضفضة وتقابل بلزوجة وبرودة منه ويقولها " معلش أنا مشغول لما أخلص حاكلمك " - ما طلعش الصدر الحنين .. طلع صدر تامر حسني - أو يدخل السكة الأسوأ وهي إلقاء اللوم عليها ب " ماهي غلطتك أنتي اللي طيبة وعلي نياتك أو هي طريقة كلامك اللي بتخلي الناس اللي عقولها زبالة تطمع " - ماشي يا سي السيد يا حِمش حتي لو هي كدة دة مش وقته خالص ! ليه أصلا الراجل بيتصرف كدة ! عشان طريقة معالجته للأمور مختلفة ، متعود يعطي نصائح ودة شكل الاهتمام النمطي اللي متعود عليه واللي مش مناسب كل الوقت مع الجنس الناعم ، أو فاكر انها حاتتكلم كتير وحاتشتكي وهو دماغه مش رايقه عشان يبدأ يتفاعل ويبدي إهتمام ( مع إن التصرف السليم مش حايخد من وقته دقايق ! ) . المرأة في الوقت دة بتبقي عايزة تعيد شحن طاقتها عشان تكمل . المرأة عايزة تسمع كلمتين حلوين وطبطبة بدون نصائح ومفيش مانع من كلمتين غزل وأشواق عشان الشحن يكمل لأسبوع قدام . دور الشر مش ذكوري بس ( حاخد بالثأر يارجالة ) . نقلب الأدوار .. الراجل عمل اللي عليه وطمأنها وأعاد شحن طاقتها ولما اتقابلوا هو كمان طلع شايل ومهموم من الضغوط اليومية ومشاكل العمل ، فا هي بطبيعتها أصرت تعرف في آيه ؟! ( الراجل عادةً مابيحبش يقول مشاكله او يشارك حد فيها - طبيعته - وكمان مابيحبش الزن في معرفتها ) فا اختيار الوقت مهم لمعرفه همومه . مع الإصرار قرر يفضفض ويحكي ولكنها اتخذت اُسلوب المقاطعة والنصح فا تبدأ بالنصح والتعديل علي اللي المفروض يعمله أو يقوله ( والست لما بتاخد المايك بتنضم عندها جميع القنوات للبث المباشر ). أسلوب النصح ساعات بيكون مقبول بس مش في وقت الذروة وساعات بيكون مطلوب بس لما يطلب صراحةً . فا يبدأ الرجل يحس انها شايفاه ناقص خبرة ومحتاج النصح الدائم كالأطفال وتبدأ جرعة الثقة تقل وانه لا يعتمد عليه ( ودة احساس مدمر لمشاعر وطبيعة الراجل ) . ليه أصلا المرأة بتتصرف كدة ! عشان هي بتهتم بالأحتضان ومحاولة فرض حلول بديلة لمعالجة وإنهاء المشكلة . من الأفضل انها تحاول تخفف عليه بدون تقليل الثقة وأنها واثقة في قدراته علي حل المشاكل وهو لوحده حايطلب المساعدة وساعتها خدي المايك وانطلقي براحتك . لازم نحاول نفهم إحتياجات الطرف الأخر بمنظوره هو مش بمنظورنا عشان نعدي بر الأمان ، 
|
|
#2
07 - 11 - 2016, 10:19 AM
|
||||
|
||||
|
مشاركة جميلة جدا ربنا يبارك حياتك
|
|
#3
07 - 11 - 2016, 01:10 PM
|
||||
|
||||
|
ميرسى ربنا يبارك تعب محبتك
|
|
#4
07 - 11 - 2016, 04:34 PM
|
||||
|
||||
|
مارى
رينا ميرسي كتير على مروركم الغالى
|
|
#5
20 - 04 - 2017, 07:16 PM
|
||||
|
||||
|
موضوع أكثر من روعة .. مشاركة جميلة جدا
دائماً فى تقدم ورقى ربنا يبارك خدمتك
|
|
|
قد تكون مهتم بالمواضيع التالية ايضاً
|
||||
| الموضوع | كاتب الموضوع | المنتدى | مشاركات | آخر مشاركة |
| لأنهُ إما أن يبغض الواحد ويحب الآخر أو يلازم الواحد ويحتقر الآخر | Mary Naeem | بستان الرهبان | حكم وتعاليم آباء البرية وأباء الرهبنة | 0 | 05 - 05 - 2023 12:52 PM |
| قداسة البابا شودة الثالث | الآخر.. مَنْ هو الآخر؟ ما علاقتك بالاخر؟ | Mary Naeem | وعظات كتابية | 0 | 01 - 12 - 2022 06:40 PM |
| ان الايمان يكمن في الثقة بكلمة الآخر بدلاً من طلب البراهين | Mary Naeem | قسم المواضيع المسيحية المتنوعة | 0 | 02 - 03 - 2022 06:53 PM |
| ما هي المحبّة الحقيقيّةُ، أهي معرفةُ خطأ الآخر وقبولُهُ على خطئه أم عدمُ رؤيةِ أخطاءِ الآخر؟ | كيلارا | مواضيع وتأملات روحية مسيحية | 4 | 11 - 12 - 2016 08:54 AM |
| فقراء المجر ( هنغاريا ) الساكنين في قرى تفتقد للكهرباء .. سعاده ام نقص احتياج لا اكثر | Mary Naeem | الصور العامة والمتنوعة | 0 | 09 - 04 - 2015 04:12 PM |
العرض المتطور