يوميات فايز وفايزه (متجدد)

[اوفا]

هههههههههههههههه حقها ياجدعان

[Rena Jesus]

ميرسى بجد لمروكم الغالى ومشاركتكم
وميعادنا بكره مع قصه صغنونه
بتعدى علينا كل يوم

[nasser]

موضوع رائع وفكرة جديدة يا رينا
ربنا يبارك خدمتك الجميلة ويفرح قلبك

[magy]

فعلاً موقف بيحصل كتير .... بعد السنة الاولي للزواج
لكن الظروف ومشغوليات الحياة وتربية الاولاد ومشاكلهم
بياخدوا كل الوقت والجهد والتفكير

موضوع جميل .. في إنتظار الموقف الجديد

ربنا يبارك حياتك يا رينا

[Rena Jesus]

مستر ناصر
magy
ميرسى لمروركم الغالى

[Rena Jesus]

فايز رجع زعلان من الشغل علشان زميله طلق مراته،
بيدور على فايزه فى البيت لقاها بتطبخ ..

_ ايه ده انت رجعت بدرى ليه ؟

_ عشان وحشتينى

_ فايز انت سخن ؟؟

_ تصدقى ان انتى اللى بارده

_ خلاص خلاص بهزر معاك ،
مالك ؟

_ محمود طلق مى

_ بتهزر !!!

_ كان بينهم مشاكل كتير والوضع خرج عن السيطره

_ ربنا يلطف بعباده .. يمكن ياحبيبى يرجعوا مين عارف !!

_ فايزه انا بحبك ..
انا عارف اننا عندنا مشاكل كتير بس انا مقدرش اخسرك ..
انتى والعيال حياتى

_ وانا ياحبيبى بحبك .. رغم انك عنيد وغلس وبارد

_ امال بتحبينى ليه ياوليه ؟

_ احضنى كده ...
علشان بحس بالامان فى حضنك وعارفه انك مش هتخذل عيالنا
ولا هتسيبنى لوحدى لو مرضت ..
أنت سندى وضهرى وونسى وكله بعد كده يتحل

[Rena Jesus]

لو عجبتكم حلقة النهارده
انتظروا الحلقه الجديده بكره
مع حدوته صغنونه
بتعدى علينا كل يوم

[Mary Naeem]

علشان بحس بالامان فى حضنك وعارفه انك مش هتخذل عيالنا
ولا هتسيبنى لوحدى لو مرضت ..
أنت سندى وضهرى وونسى وكله بعد كده يتحل
احلى كلام

متابعة معاكي

[morcos20]

+
حلقـات حلـوة ومناقشات رائعـة وجميلة
بتحصـل كـتير مـع منازعــات كل عيــــلة
المهــم تتحــل بهمسات وأفكــار منيــرة
شكرا يارينـا لمواضيعك وزهورها النضيرة
+
مرقس إسـكندر مقار

[walaa farouk]

الله كلام حلووو اووووى انت سندى وظهرى
معاكى يا رينا ومتابعة