|
 |
 |
 |
|
رقم المشاركة : ( 1 )
16 - 10 - 2016, 02:03 PM
|
|||||||||||
|
|||||||||||
|
مش كل ما حد قريب منك يقلك أنا مكتئب تقله عشان أنت بعيد عن ربنا ... وللأسف ناس كتير أعرفها بتتعالج عن دكاترة مختصين و بيدفعوا فلوس كتير .. و بتبقى الإجابة واحدة ... عشان أنت بعيد عن ربنا ... ده مش حقيقي .... في ناس كتير بتصلي و بتوفي كل حقوق ربنا عليها و علاقتها بربنا زي الفل وبردوا .... بيعانوا من اكتئاب مزمن ..... لازم نتعامل مع الاكتئاب ده على أساس أنه مرض .. مرض حقيقي .. ليه مضاعفاته اللي لو متعالجتش بتنتهي بقرار الانتحار ..... الاكتئاب ليه ألف سبب و سبب .... منهم بعد الانسان عن ربه ... ده من أقوى الأسباب مش كل الأسباب ..... ممكن الشخص ده يكون مش مرتاح في مكانه في الحياة ... و ظروفه المادية و الاجتماعية متسمحلوش أنه يغير وضعه ده ... ممكن الشخص ده يكون بيعاني من ندبات نفسية من طفولته ... بيتهيأله أنه نسيها ... بس هو تناساها مش أكتر .. هي موجودة ... و بتسيطر عليه و على تكوينه النفسي و شخصيته و تعاملاته مع البشر ... بيكون مش راضي عن اللي بيعمله .. بس مش قادر يتغير بجد ... ده بيجيب اكتئاب على المدى الطويل ..... ممكن يكون انسان معندوش ثقة في نفسه طول الوقت ... كشكل أو كشخصية ..... ممكن يكون انسان وحيد ... منعزل ... منطوي ... نفسه يعيش في وسط الناس ... و بتفاعل معاهم ... بس أول ما بيندمج في وسطيهم ... بيتعب أكتر ... يعني لا الوحدة مريحاه .. ولا وجوده في وسط ناس راضيه .... ده ممكن يموت من الاكتئاب ..... في ناس امكانياتها العقلية و الدراسية و معدل ذكاءها يمكنها أنها تعمل حاجات وانجازات عظيمة في حياتها ... بس مش قادرة تتحرك من مكانها ... مفيش فلوس .... مفيش فرصة واحدة حقيقية بتيجي ... و السعي اتقفلت كل أبوابه ..... في ناس بتبص وراها ... تحس أن عمرها ضاع من غير ما تعمل أي حاجة صح .... كل اختياراتها كانت غلط .... و حالاات تانية ممكن نتكلم عنها للصبح .... ممكن يكون القرب من ربنا بيهون كل الحاجات دي ... بيخففها ... بس مش في كل الحالات بينهيها .... مينفعش يبقى منظورنا للاكتئاب .... خارج من دايرة ضعف العلاقة بربنا .... في حالات محتاجة أنك تتكلم معاها لساعات طويلة ... بشكل يومي .... تعززلها ثقتها بنفسها .... تقنعها أن الحياة لسة منتهتش .... الحياة لسة مستمرة .... وان الحزن جزء واقعي من الحياة ... لازم نتقبله .... منهربش منه ... وان الفشل مش لازم يكون اختبار و لا ابتلاء من ربنا ... الفشل وارد ... والبكاء متاح ... بس اليأس مش مسموح ..... في ناس لازم تسامح نفسها و تحبها .... في ناس حاسة أن ربنا أصلا غضبان عليها ..... في ناس فقدت ايمانها بربنا .... مينفعش تقولها ... ارجعوا لربنا ..... كده ... أنت كده بتستفز الحالة اللي قدامك ..... الصح ... أنك تخليها تعمل حاجات .... توصلها لربنا تاني .... بالعقل ... باليقين .... بالحب.....الايمان اللي بيرجع بعد الشك ... بيبقى أقوى ميت مليون مرة ... من الايمان الموروث من العرف و العادة والمجتمع ...... القوة اللي بترجع بعد لحظات الاستسلام المميتة بتبقى أعنف ميت مرة من أي قوة حسيتها في حياتك ...... أقوى علاجات الاكتئاب انك ترجع للانسان ثقته بنفسه ... و حبه لنفسه ... لما تقعد مع حد مش شايف غير سواد ... بدل متقوله .. الدنيا حلوة و جميلة ... وتخليه يشتمك و يسيبك .... قله .. يا عم ما دام هي سواد في سواد ... و مش جايبة همها ... قوم و اعمل كل حاجة نفسك فيها من غير ما تعمل حساب لحد ... قول كل حاجة نفسك فيها لأي حد في أي وقت ..... اكتب كل حاجة في نفسك .... عاتب ... اهجر .... جرب حاجة جديدة ... عالأقل يبقى سودتها بمزاجك ... مش بمزاجهم هما ...... الكلام ده بيجيب نتيجة بنسبة 70% أكتر من أي كلام سخيف ممكن يتقال عن الأمل و الخير و بكرة اللي مش باين لأمه ملامح ...على الأقل ... ساعتها ... لحد ما اللي قدامك يبقى مهيأ نفسيا أنه يتقبل أي كلام عن الرضا .... أو الصبر ... أو السعادة اللي بتيجي متأخر ..... خلاصة الكلام .... القرب من ربنا فيه كل الراحة و السعادة .... بس في ناس أصلا مش سوية نفسيا .. مرت بظروف و مواقف مؤلمة ..... قبل ما تقوللها قربوا من ربنا....عالجوا نفسيتهم و صلحوها ....و اسمعوهم ...... اسمعوهم .... من غير ما تجلدوهم ..... cpd 
|
|
16 - 10 - 2016, 02:27 PM
|
رقم المشاركة : ( 2 ) | ||||
|
..::| الإدارة العامة |::..
|
رد: اسمعوهم .... من غير ما تجلدوهم .....
ميرسي على مشاركتك الجميلة
|
||||
|
|
|
17 - 10 - 2016, 09:07 AM
|
رقم المشاركة : ( 4 ) | ||||
|
..::| الاشراف العام |::..
|
رد: اسمعوهم .... من غير ما تجلدوهم .....
ميرسى لمروركم الغالى
 |
||||
|
|
|
17 - 10 - 2016, 01:48 PM
|
رقم المشاركة : ( 5 ) | ||||
|
† Admin Woman †
|
رد: اسمعوهم .... من غير ما تجلدوهم .....
موضوع مميز شكرا يا رورو |
||||
|
|
|
17 - 10 - 2016, 08:02 PM
|
رقم المشاركة : ( 6 ) | ||||
|
..::| الاشراف العام |::..
|
رد: اسمعوهم .... من غير ما تجلدوهم .....
ميرسى لمرورك الغالى يامرموره وتمييز الموضوع
|
||||
|
|
 |
|
| قد تكون مهتم بالمواضيع التالية ايضاً |
| الموضوع |
| اسمعوهم من غير ما تجلدوهم |
العرض العادي
