السعادة_VS_اللذة

[Rena Jesus]

ساعات بحس ان " اللذة " قيمة مزيفة للسعادة ,
يعني فكرة الإستمتاع الحسي بالأشياء مجرد شعور مؤقت ملوش اي مردود فعلي علي حياة الإنسان ..

فمثلا متعتي بطعم الأكل الفلاني متعة زائلة بمجرد الأنتهاء من شعور المذاق الجميل اللي بتعمله جزيئات الاكل علي المستقبلات الحسية في لساني ..
فشوية دقايق و مش حيكون في اي متعة من الأساس أو بمعني أصح حتختفي السعادة !!

و عشان كدة كان لازم الإنسان يدور علي قيمة جوهرية بديلة لللذة ,
قيمة حقيقية مش بتموت مع الوقت ..
و اللي في وجهة نظري هي الإضافة او الفايدة ...

فبالرغم من متعتك بالأكل اللذيذ و اشباع الشهوة الجسدية بالطعم الشهي ,
إلا إن حقيقة المتعة هي في الفايدة اللي عادت عليك من الأكل ,
و اللي في المثل ده هي القيمة الغذائية اللي ساعدت علي بناء جسمك او مساعدتك في الاستمرار في الحياة ...
فقيمة الشئ في مردوده الممتد و لو كان غير مصحوب بلذة في الوقت نفسه !
فالقيمة ديه كفيلة أنه تخلق مقدار من السعادة حي غير منتهي ..

الهدف من الكلام ده كله هو إعادة النظر في مفهوم القيمة و السعادة سواء عند الفرد او حتي المجتمع ! ,
فأي سلوك إنساني معتمد علي لذة مؤقته زائلة - في رائي - سلوك في مجمله مهدور ,
يعني الراحة الجسدية او السعي وراء اللذة الجسمانية لا يمكن تكون هي الهدف الأسمي للإنسان او البشرية ..
حتي و لو حتمي و مهم لكسر نوبات الألم الشخصية ...

ففي النهاية , اللذة ممتعة بس مش هي السعادة ,

إنما السعادة هي العطاء النابض او الإضافة الكريمة ..
هي شعور الإنسان أنه بيتطور علي المدي البعيد ..
هي إيمان الفرد بقيمته و ثقته أنه كيان مهم او فعال في البيئة و المجتمع ..
هي الحب و التضحية ,
هي المساعدة و الشجاعة ,
هي الحرية و المسؤولية ...

السعادة الحقيقة هي شعورك بإنسايتك المتكاملة ..
إنسانيتك اللي مش بتموت مع الوقت و لا بتختفي مع الزمن ..
فأبحثوا عن السعادة و ليس اللذة ..
السعادة_vs_اللذة


cpd

[walaa farouk]

ميرسي على مشاركتك الجميلة

[MenA M.G]

دائماً مُشاركاتَكْ رائْعة
موضوعك مُمَيز
ربنا يبارك خدمتك

[Rena Jesus]

ميرسى لمروركم الغالى

[Mary Naeem]

مشاركة جميلة جدا

ربنا يبارك حياتك

[Rena Jesus]

ميرسى لمرورك الغالى