| |
|
|
|
|
|
||||||
 |
|
|
أدوات الموضوع | انواع عرض الموضوع |
|
#1
07 - 10 - 2016, 09:44 AM
|
||||
|
||||
|
عشان نبقى عارفين إن حل معظم المشاكل هو الحوار مع ولادنا ... بس إزاي أحاور إبني ؟! أعامله إزاي وأنا بكلمه ؟ و إزاي أخلي كلامي مؤثر فيه مش مجرد كلام ؟ فيه خطوات بسيطة جدا لو طبقناها هنوصل لنتيجة كويسة جدا ـــــــــــــــــــــــــــــــــــــــ أولا : التواصل قبل التوصيل ... يعني إيه ؟ ... التواصل بمعنى ان يكون في اتصال بينك وبين إبنك قبل ما توجه الأمر أو تكلمه في الموضوع. و التواصل يكون بـالـ eye contact ... بصله في عينه ... غير كده علمه إزاي يركز ... مثلا "سامى ، بصلي كده ؟ عاوز أقولك حاجة" ... "دنيا ، لو سمحتي ركزي معايا" ... وكذلك لما تسمعه حاول تخلي نفس المستوى من التواصل ــــــــــــ ثانيا : و دي كانت مضمنة في الجزء اللي فات ... خاطب إبنك أو بنتك بالإسم ... "ايمن ، لو سمحت" "إيمان بعد اذنك .." و هكذا ــــــــ ثالثا : خليك مختصر في الكلام ... بس ليه ؟! • عشان تركز على الغرض أو الموضوع • الكلام الكتير كل مــرة هيخلي الطفل يمل و يزهق و بعد كده هيسمع من غير تنفيذ • الكلام الكتير ممكن يوصل لطفلك إحساس إنك مش متأكد إنت عاوز تقول إيه ! بس خليه مختصر مش مقتضب ، يعني كلماتك اللي هتشرح بيها بسيطة و الجمل بسيطة و خلي تعبيرات الوجه غير منفرة لأن الاقتضاب والكلام بالأوامر مش مفيد للطفل . ـــــــــــ رابعا : خليك بسيط . استخدم جمل قصيرة ، كلمات مفهومة وبسيطة ، والأهم "إسمع ابنك بيتواصل ازاي مع اللي حواليه و سجل ملاحظاتك" و لما تحس إنه مبقاش مركز معاك أو مش مهتم و بيبص بعيد إعرف انه مش فاهم إنت عاوز إيه ؟ ــــــــــ خامسا : خليه يردد تاني إنت طلبت منه إيه؟ ولو معرفش يبقى مفهمش لأنك اتكلمت كتير يا إما الموضوع معقد بالنسبة ليه ـــــــــ سادسا: قدمله عرض ميقدرش يرفضه ... و ده خصوصا مع الأطفال من سن سنتين لـ 3 سنين ... زي "البس هدومك عشان ننزل نشتري اللعبة اللي انت عاوزها" ... "كلي أكلك كله عشان نتفرج عالكرتون سوا" ... لكن الأهم اللي هتوعده بيه ... لااااازم تنفذه ، عشان ابنك ميفقدش الثقة فيك ــــــــــ سابعا و أخيرا : خليك إيجابي : متقولش "بطل جري و اقعد" ... لأ ، قول "في البيت احنا بنمشي ، بره في الشارع نجري !! صح؟" ... النهي المباشر مش دايما فعال ـــــــــ 
|
|
#2
07 - 10 - 2016, 09:53 AM
|
||||
|
||||
|
ميرسي على مشاركتك الجميلة
|
|
#3
07 - 10 - 2016, 11:31 AM
|
||||
|
||||
|
مشاركة جميلة جدا ربنا يبارك حياتك
|
|
#4
07 - 10 - 2016, 01:55 PM
|
||||
|
||||
|
دائماً مُشاركاتَكْ رائْعة
موضوعك مُمَيز ربنا يبارك خدمتك
|
|
#5
07 - 10 - 2016, 02:33 PM
|
||||
|
||||
|
ميرسى لمروركم الغالى
|
|
|
قد تكون مهتم بالمواضيع التالية ايضاً
|
||||
| الموضوع | كاتب الموضوع | المنتدى | مشاركات | آخر مشاركة |
| حلال المشاكل 😍 وصانع المشاكل 😞 | walaa farouk | شبابيات الفرح المسيحى | 0 | 13 - 05 - 2022 01:26 PM |
| احفظ ولادنا يارب من كل مرض | Ramez5 | صور كرتون ، صور للتلوين | 1 | 28 - 10 - 2020 05:28 PM |
| عظة الحوار أساس حل المشاكل الأسرية - أبونا شنودة أنيس | magdy-f | العظات المرئية | 3 | 06 - 05 - 2017 03:29 PM |
| هما ولادنا مش بيحترمونا ليه؟! | walaa farouk | الأسرة والطفل | 5 | 22 - 01 - 2017 10:23 PM |
| معظم المشاكل من:- | Mary Naeem | موسوعة توبيكات مميزة | 2 | 21 - 05 - 2016 12:54 PM |
العرض العادي
