|
 |
 |
 |
|
رقم المشاركة : ( 1 )
05 - 10 - 2016, 03:30 PM
|
|||||||||||
|
|||||||||||
|
#الكنيسه_محتاجه_ايه ؟؟
محتاجه اللي ينزل من ع المنبر و يدخل سفن الصيادين الغلابه اللي الدنيا واخداهم .. محتاجه اللي يدخل بيت العشار المكروه من الناس ويقسم اللقمه معاه .. محتاجه اللي يسيب ال 99 خروف ويجري وسط الجبال ورا الخروف الوحداني اللي ضل .. محتاجه اللي يكنس البيت شبر شبر لحد ما يلاقي الدرهم اللي ضاع .. محتاجه اللي يفتح حضنه للابن الضال اللي جاي من بعيد مكسوف .. وميقفلش الباب ف وشه محتاجه اللي يقعد يفضفض مع السامريه ويبصلها من جواها .. محتاجه اللي يسند ضعف بطرس حتي لو انكر ايمانه .. ويشجعه لحد ما يخليه صياد للناس محتاجه اللي يقرب يوحنا من صدره ويديله مشاعر وحب واهتمام محتاجه اللي ييجي مخصوص ل توما اللي قلبه شك .. و يعمل منه رسول عظيم محتاجه اللي يعاتب شاول بمحبه .. ويصبر عليه لحد ما يبقي بولس محتاجه اللي يبكي علي لعازر لأنه أنتن .. ويمد ايده يطلعه من قبر الخطيه محتاجه اللي يوطي ويغسل أرجل المخدومين وبكل تواضع و محبه .. محتاجه اللي يستر ع الزانيه ويطبطب عليها ويكسبها ينظرة حب و عتاب : متعمليش كده تاني محتاجه اللي يقعد وسط الاطفال ويلعب معاهم و يلمس تفاصيل روحهم .. محتاجه اللي يقف ف ضهر المريمات و يكون راجلهم و معين ليهم ومعلم .. محتاجه اللي يفضي نفسه ويروح ل بيت مريم ومرثا .. وكأنه صديقهم الشخصي محتاجه اللي يمسك سوط ويطرد كل اللي بيدنسوا الهيكل .. محتاجه اللي يطهر ويبرر ويحرر .. ويجول يصنع خير محتاجه اللي يقف قدام هيرودس ويعلن ايمانه بكل شجاعه .. محتاجه اللي يبعت تلاميذه لكل مكان .. ويقبل الفلسين ب رضا .. وقصبه مرضوضه لا يقصف وفتيله مدخنه لا يطفئ محتاجه الراعي اللي يبذل نفسه عن الخراف .. ويسلم نفسه للموت من أجل أحبائه محتاجه اللي يعيش وسط الناس .. لامس همومهم وحاسسها الكنيسه محتاجه اللي يحس .. و يسند .. ويشفي .. و يهتم .. و يقوي .. و يطبطب .. و يرشد .. ويعلم .. ويحب للمنتهي الكنيسه محتاجه خدام ورعاه زي الراعي الأعظم زي يسوع ! 
|
|
05 - 10 - 2016, 04:18 PM
|
رقم المشاركة : ( 2 ) | ||||
|
† Admin Woman †
|
رد: الكنيسة محتاجة ايه
شكرا يا مرمر
الكنيسه_محتاجه_ايه ؟؟ |
||||
|
|
 |
|
| قد تكون مهتم بالمواضيع التالية ايضاً |
| الموضوع |
| الناس محتاجة صلاة الخليقة كلها محتاجة صلاة |
| التوبة مش محتاجة عُمر لكن محتاجة لقلب |
| انتي مش محتاجة مية انتي محتاجة المسيا |
| الكنيسة محتاجة ايه |
| مش محتاجة غير ... |
العرض العادي
