|
 |
 |
 |
|
|
|
رقم المشاركة : ( 1 )
15 - 09 - 2016, 09:22 AM
|
|||||||||||
|
|||||||||||
|
للشباب.. عايز اقولك ان مش ذنبك حاجة انك بتعافر و مقطع نفسك فى شغل مرتبة قليل او يمكن حتى مش لاقى فرصة حلوه تبدء بيها.... مش قادر اقولك اصبر و استحمل علشان الصبر اصلا صبره ضاق على تعبك و تعبي لكن لينا رجاء فى الرب حاسس بأيه وانت متمرمط علشان تجيب شقة وتجهزها وتفرشها بمرتبك القليل و تعبك الكتير اوي؟؟؟؟ تعبان صح طبطبة ايدي على كتفك مش كفاية ابدا انها تقولك: انك راجل اوى وانك جدع ويعتمد عليك و برافو بجد انك مش مستسلم للتعب و اليأس و انك ما زلت بتحاول و اوعى تكون مفكر ان خطيبتك مش حاسة بتعبك؟ لا خالص هى حاسة بيك اوى حتى لو مش بتقولك حاجة.... لكن صدقنى هى بتتعصر عصر على تعبك و شقاك.... يمكن مش بتحاول تفتح معاك المواضيع المادية كتير علشان هتتخنق.... فا طبطبة ايد ربنا عليك اروع و احلى مليون مرة من كفوف الناس كلها الى ممكن تطبطب عليك و تقولك اجمد يا بطل لسة الطريق صعب للبنات لو انتى مخطوبة اول مره تقابلى فيها خطيبك..اعملى كده: قوليلوا تعبك على راسي.... و اللى انت بتعملة علشانى فى بلد زى بلدنا دى .. طبطبى علي كتفة وقوليله: ربنا يخليك ليا مش هقولك الحركة دى هتحسسه بأيه او تعمل فيه ايه. .هسيبك تشوفى تأثيرها بنفسك لايف لما تعمليها كل الولاد اللى هنا... صدقني لو جيبنا خبراء اقتصاد العالم كله و قعدناهم مع بعض و ادناهم معطيات مرتبك و واقع الاسعار واحتياجاتك فى المعيشة و الارتباط و الشقة وفرشها.. صدقنى و يعلم ربنا ما هيعرفوا يحلوها... علشان ملهاش حل غير عند ربنا انت مش بأيدك حاجة.... من فضلك شيل الذنب من على كتفاك و نام مرتاح... انت بتعمل الى عليك وربنا يعينك بجد الولد الى خاطب بنت بقاله سنتين وتلاته واربعة و يمكن عدت 5 انتوا ابطال... انتوا مينفعش نكتب عنكم كلام بالكتابة احنا نكتب عليكم بمية الدهب ربنا يخليكم لبعض و استحملوا علشان اكيد هانت.... انتوا صخرة كبيرة لكنيسة كبيرة ربنا يخرج منها اجيال تزرع و تحرث فى الملكوت انتظاركم مش فى الهوا.. تعبكم و صبركم ليه قيمة و مكافأة كبيرة عند ربنا متيأسوش.... كملوا و الرب يثبت خطواتكم 
|
 |
|
العرض المتطور