|
 |
 |
 |
|
رقم المشاركة : ( 1 )
30 - 08 - 2016, 04:30 PM
|
|||||||||
|
|||||||||
|
مشكلتي الوحيدة مع ربنا هي "فرق التوقيت".. الانتظار قدامه من غير يفهمني أنا مستني ليه؟ وليه هو مش بينجز؟ ساعات بحسّه قاصد يسكت.. يتقل في الرد أو التعويض.. مثلاً اول ما يلاقيني مكسور أو تعبان يديني "وعد" رهيب كدة من حلاوته ابقى عايز أعمل فرح.. ويعدي الوقت.. وأهدا.. ومايتحققش الوعد، وأرجع أصرخ.. ويرجع هو يفكّرني بالوعد القديم.. طب ايه يارب؟ أنا استويت.. مش هاتحن شوية؟ طيب ليه وعدت من الأول طالماً مش هاتحقق الوعد؟ ولو فرضنا انك هاتحققه.. هايبقى امتى؟ وليه كل التأخير ده؟ وهايضر في ايه لو عملتهولي دلوقتي؟ فاكر مرة صليت بالموضوع ده وفتحت التكوين، لقيته بيحكي عن ابراهيم اللي وعده اتأخر أكتر من 20 سنة مش فاهم ليه.. وبعدها بكام اصحاح جه يوسف اللي اتسجن 13 سنة بدون سبب.. وبعده موسى اللي اترمى في البرية 40 سنة وهو في عز شبابه.. ومن غيظي قولتله يعني يارب مش فاهم ايه لازمته تضييع الوقت ده.. ما كنت انجزت ابراهيم وجبتله اسحق بدل الوقت اللي عمال يجري ده، او كنت تخرّج يوسف من السجن بدل البهدلة اللي مايستاهلهاش دي، أو موسى.. أو حتى أنا.. طب دول انبياء وكبار وكدة.. أنا ماستحملش اللي هما بيعدّوا فيه.. مستحملش الوقت يعدي من غير أنت بتعمل ايه ومستني كل ده ليه.. ولقيته بيقولي وقتها الكلمة دي بس " ثِق فيا.. ". بس كدة؟ مش هاتفهّمني طيب؟ مش هاتشرحلي ابعاد خطتك وتفاصيل مشيئتك؟ مش هاتوريني اعماق حكمتك في التأخير ومدى تأثيره على حياتي وعلى اللي حواليا؟ وسكت لحظة ولقيتني بقول لنفسي كدة.. ماهو حتى لو حاول يشرحلي كل ده مش هاقدر استوعب.. دماغي مش هاتجيب كل التفاصيل والتعقيدات دي كلها.. طيب واعمل ايه؟ هاعمل حاجة واحدة بس.. زي ما قالي بالظبط.. هاثق فيه.. بس. وطلعت بعد القعدة دي بكام استنتاج صغير، بفكر نفسي بيهم دايماً لما اضعف أو اشُك.. ⁃ مواعيد الله غير مواعيدي خالص. . ⁃ الله فاهم بيعمل ايه كويس. ⁃ طالما وعَد، هاينفذ. ⁃ سكوته، جزء من خطته. ⁃ هافهم.. على قد ماهو يكشفلي، مش على قد منا أعوز. ⁃ الله صالح، حتى لو أنا مش فاهم 
|
|
30 - 08 - 2016, 04:33 PM
|
رقم المشاركة : ( 2 ) | ||||
|
† Admin Woman †
|
رد: مشكلتي الوحيدة مع ربنا هي "فرق التوقيت"
أكيد ربنا عارف ايه الصالح لينا وبيختاره في الوقت المناسب بس الطبيعة البشرية مش صبورة ودائما بتشتغل الامور وبتختار من وجهة نظرها أو بتختار بقلبها |
||||
|
|
|
30 - 08 - 2016, 07:35 PM
|
رقم المشاركة : ( 3 ) | ||||
|
..::| الإدارة العامة |::..
|
رد: مشكلتي الوحيدة مع ربنا هي "فرق التوقيت"
ربنا دايما بيختار الخير لينا دايما بيبعت تعزية بس بطريقته هو مش هنقدر نفهم كل حاجه من تدابير ربنا لينا بس بنطلب منه ينفذ فينا مشيئته الصالحة |
||||
|
|
|
30 - 08 - 2016, 07:38 PM
|
رقم المشاركة : ( 4 ) | ||||
|
..::| الاشراف العام |::..
|
رد: مشكلتي الوحيدة مع ربنا هي "فرق التوقيت"
مواعيد الله غير مواعيدي خالص.
⁃ الله فاهم بيعمل ايه كويس. ⁃ طالما وعَد، هاينفذ. ⁃ سكوته، جزء من خطته. ⁃ هافهم.. على قد ماهو يكشفلي، مش على قد منا أعوز. ⁃ الله صالح، حتى لو أنا مش فاهم صح جدااااااااااااااااااااااااااااااااااااااااااا |
||||
|
|
|
03 - 09 - 2016, 04:51 AM
|
رقم المشاركة : ( 7 ) | ||||
|
..::| مشرفة |::..
|
رد: مشكلتي الوحيدة مع ربنا هي "فرق التوقيت"
توبيك جميل قوى
|
||||
|
|
|
04 - 09 - 2016, 10:21 AM
|
رقم المشاركة : ( 8 ) | ||||
|
..::| العضوية الذهبية |::..
|
رد: مشكلتي الوحيدة مع ربنا هي "فرق التوقيت"
ربنا يبارك تعب محبتك
|
||||
|
|
 |
|
العرض العادي
