تقدر تسامح حد خانك قبل كدة ؟

[روشا الفرفوشه]

بسم الثالوث القدوس
سلام المسيح مع جميعكم يا اغلى اخوات
كنت قاعدة بفكر في التسامح و هل التسامح ضعف ام قوة و ايه الحالات اللي ما ينفعش نسامح فيها
و فكرت اخد رأيكم في موضوع التسامح دة
انتوا ايه رأيكم هل التسامح ضعف ام قوة ؟
و يا ترى في حالات ما ينفعش نسامح فيها و لا احنا ممكن نسامح على اي حاجة
و لو اتعرضنا للخيانة و الغدر من شخص ما يا ترى ممكن نسامح الشخص دة و نغفر له و لا لأ
يا ريت تناقشوني

[Mena Delpiero]

هكتب رائ اللي انا شايفه لكن مش متاكد انه رائ كتابي او لا


# اول شئ خطورة ان نتكلم عن فضيلة واحدة فبجانب التسامح يوجد العدل يوجد المحبة وخلافه
# اولا المسامحة ليس ضعف لكن لابد تكون من موقف قوي
واول شخص بيستفيد منها هو الشخص المسامح لانها بتدي شفاء لنفسه
ان غالبا الانسان الغير مسامح تصاحبها مشاعر من الكراهية والاستياء والانتقام والغضب والمرارة والقسوة
# في امور كتير ممكن نسامح فيها
لكن فكرة المسامحة ع طول الخط في اي شئ مش مقتنع بيها تماما
المسيح عندما ضربه احد الخدام قال له لماذا تضربني وانا لم افعل شئ رديئا
وايضا بولس الرسول اعترض لانه استخدم حقه بكونه روماني وممنوع حبسه او سجنه
اذن التسامح هي صفة ملازمة لطبيعة الانسان بوجودها بداخله تسامح مع الاخرين لا يظهر شر لاحد

## لكن ماذا عندما يواجه شر هل المفروض عليه التسامح وهل في كل الحالات؟؟؟
هل لو واحد هيعتدي عليك وعلي اسرتك ونسائك هتقول انا انسان مسامح !!!!!
اظن العرض والشرف لا يوجد شئ اسمه تسامح ومن حق الانسان الدفاع عن نفسه

والا لماذ خلق الله الحيوانات والنباتاتات كائنات علي فطريتها انعم الله عليها باشياء تستطيع بها الدفاع بها عن نفسها وقت الخطر

وفي اية بتقول ان الرجل لازم يكون غيور علي اهل بيته وعرضه
لأن الغيرة هي حمية الرجل فلا يشفق في يوم الانتقام

موسي النبي رغم انه كان حليما الا انه قتل الرجل المصري دفاعا عن اخوه العبراني
شعب اسرائيل واجه حروب كثيرة مع الشعوب الوثنية
عندما تكلم الرب يسوع وسمح للشيطان له بتجربته لكن عند لحظة معينة قال له اذهب يا شيطان
ولكل انسان خلقه الله طاقة معينة لايستطيع الاحتمال بعدها
ان كان ممكنا فحسب طاقتكم سالموا جميع الناس لا تنتقموا
ونصلي دايما ان ربنا يبعدنا عن طريق الشر ونعيش دائما حياة مسيحية كاملة

شكرا يا روشا علي الموضوع ربنا يباركك

[روشا الفرفوشه]

ميرسى على ردك الجميل مينا
ربنا معاك ويباركك

[Mary Naeem]

لو بحبه جدا اكيد هسمحة بس مش هيبقى فيه ثقة مرة تانية
شكرا يا قمر

[روشا الفرفوشه]

ميرسى على مشاركتك الجميله