| |
|
|
|
|
|
||||||
 |
|
|
أدوات الموضوع | انواع عرض الموضوع |
|
#1
18 - 08 - 2016, 08:55 AM
|
||||
|
||||
|
بيتر مجدى & فادى غالي
مش عارف ان كان من حقى اكتب الكلام ده لكن هكتبة امبارح كلنا ودعنا بيتر مجدى فى حفل رائع جمع كل محبية فى الدوبارة و على النت فى البث المباشر.. و من اسابيع قليلة كمان استقبل مطار القاهرة . فادي لما رجع من امريكا بعد معجزة من ربنا بشفائة..قام من الموت الفعلى العلمى بحسب كلام الدكاترة هناك ابنين غاليين على قلبة.. بيتر و فادي.. الاتنين اولاد لأب واحد الاتنين غاليين اوى على قلبة...محبوبين ..منقوشين على ايدة... الاب سمح لفادي بالظرف الصعب الى كان فيه و رجعة تانى للحياة و هو هو نفس الاب الى سمح بشفاء بيتر من الكانسر لفترة ورجع تانى لية و سمح الاب ان رسالة ابنة كدة خلاص..كفاية يا بيتر تعالى و قال لفادي ارجع تانى كمل رسالتك.. فى رحيل بيتر و رجوع فادى .. عشرات و مئات و يمكن ألوف من الناس اتعزت و رجعت لربنا.... ناس كتير مجدت ربنا فى رجوع فادي و مجدت ربنا فى رحيل بيتر ايه ربنا ده!!! فى الموت . أسمة بيتمجد و فى الحياة . أسمة برضو بيتمجد وفى المرض برضو اسمة بيتمجد!!! ده الملكوت الى هو بيديرة... الى ماسكة بأيدة....عارف هو بيعمل ايه و امته وازاى فاكرين الأية الى بتقول : و عند السيد الرب للموت مخارج؟؟؟ مخرج منهم هو السما.. تخيلوا؟؟ بيتر كان مرضة للموت بحسب مشيئة ربنا.. وكان لية مخرج برضو علشان كلمة ربنا قالت كدة... انه للموت مخارج.. و بيتر كان مخرجة على السما.. و فادى برضو كان لية مخرج بمعجزة وما بين رحيل بيتر و عودة فادي.. فا ذراع الرب كانت متشافة بقوووة اوووى زى ما الكتاب بيقول بالظبط فى سفر الرؤيا اصحاح 1 وعدد 8 : أنا الألف والياء" (البداية والنهاية). هذا يقوله الرب الإله الكائن والذي كان والذي سيأتي، القادر على كل شىء.. واخدين بالكم من كلمة ( البداية و النهاية)؟؟ بداية مين بقيت ايه.. وبداية مين بقيت ايه دلوقتى؟؟ الاوضاع لما بتتبدل لمجد اسمة... كلنا بنسلم الراية لبعض..بنفلتها من ايدنا .بتشيلها ايد تانية .. ومن ايد لإيد...ربنا ب يبنى فى ملكوتة بينا احنا.. انا و انت و انتى افلت ايدك من الى انت ماسكة دلوقتى علشان تعرف تمسك حاجة ربنا عايزك تمسكها.. فضى ايدك علشان تستقبل.. خالص احترامى و تقديرى و صلاتى لأسرة بيتر لو قريت رسالتى دي و خالص صلواتى و محبتى لفادى غالى و اسرتة 
|
|
#2
18 - 08 - 2016, 09:49 AM
|
||||
|
||||
|
مشاركة جميلة جدا ربنا يبارك حياتك
|
|
#3
18 - 08 - 2016, 10:12 AM
|
||||
|
||||
|
ميرسي على مشاركتك الجميلة رينا
|
|
#4
18 - 08 - 2016, 12:31 PM
|
||||
|
||||
|
ميرسى على مروركم الغالى
|
|
|
قد تكون مهتم بالمواضيع التالية ايضاً
|
||||
| الموضوع | كاتب الموضوع | المنتدى | مشاركات | آخر مشاركة |
| هو وعدٌ من البداية إلى النهاية | Mary Naeem | قسم المواضيع المسيحية المتنوعة | 0 | 24 - 09 - 2023 02:44 PM |
| أنا هو البداية و النهاية | walaa farouk | قسم الرب يسوع المسيح الراعى الصالح | 0 | 05 - 09 - 2022 09:35 PM |
| هو وعدٌ من البداية إلى النهاية | Mary Naeem | تأملات فى الكتاب المقدس | 1 | 15 - 12 - 2021 01:22 PM |
| فكر في النهاية أكثر من البداية ... | Mary Naeem | موسوعة توبيكات مميزة | 2 | 05 - 10 - 2017 01:26 PM |
| أنت هو البداية و النهاية يا يسوع | Mary Naeem | قسم الصلوات | 2 | 13 - 01 - 2014 09:01 AM |
العرض العادي
