واحد صاحبي ابوه حلف عليه لازم ولابد انه يتجوز بنت عمه " هو عارف اني هكتب الكلام دا " .. بيقولي مبيحبهاش واتجوزتها مُضطر .. وانه من بداية جوازهم مهواش طايقها وشكلها مُش عاجبه انت متخيل يابني انك متجوز واحده شبه عمك ؟! ;d .. بس هعمل ايه حُكم القوي .. جيت في يوم متأخر من الشُغل فتحتلي وعملت تصرف غريب قشعرلي بدني .. "باست ايدي وقالتلي وحشتني " انا حسيت اني قليل قوي فـ نظر نفسي .. قررت اكتبلها جوابات حُب واعلقها ع التلاجه اهو افرحها بكلمه حلوه وخلاص حتي ولو مبحبهاش .. اجيبلها هديه او ورد وانا جي .. اعملها شاي .. البت بدأت تحلو يا ايمن .. وشها بدأ ينور .. كُل لما اقولها كلمه حلوه الاقي شكلها يبقي اجمل .. بقيت احافظ علي مشاعرها واحسس ع الكلمه قبل لما اقولها .. كأنها وردايه وعماله تفتح من جديد واهتمامي بيها زي الميه اللي بترويها وتخليها تفتح اكتر ! .. اخدها اخرجها .. ابصلها احس اني شايف قدامي قمر مش بنت عمي خالص .. من الواضح الكلمه الحلوه والمحافظه ع المشاعر مفعولهم جبار يا اخي ! انا حبتها .. اقسملك بالله حبتها !
🔴ايديسون مخترع المُصباح الكهربي .. اترفد من مدرسته والحجه انه طفل غبي!!! " كتبوا جواب لأمه قالولها ابنك غبي جدًا وزمايله هيتعلموا الغباء منه .و فصلوه .. ايديسون امه بدأت تمنعه من المرواح للمدرسه .. سألها عن السبب ؟! قالتله لانك أذكي من جميع زمايلك و مش محتاج لمدرسه انت عظيم .. ايديوس بيقول انا صدقت كلام امي واني ذكي وعظيم .. كانوا شايفين ان عقله مظُلم مينفعش للتعليم .. لكن بكلام امه الحلو و تشجيعه ومراعات مشاعره .. نور العالم باختراعه !
مراعات المشاعر والكلمه الحلوه يا جماعه اعظم شئ ممكن تقدمه للي بتحبهم .. الست ممكن يكون طالع عينيها فـ شغل البيت .. ولما جوزها يطبطب عليها ويقولها " شايلاني وشايله عني الله يديمك نعمه ويبوس دماغها " بتنسي كُل تعبها ! ابنك بيذاكر متقولوش منتاش نافع " اعمله حاجة ياكلها بايدك وقوله انا معتمد علي الله ثم عليك وكُل اللي يجيبه ربنا كويس .. الحُب عامل زي السبرتو .. لابد تحافظ عليه بانك تغلفه " بالاهتمام " بدل لما يطير منك .. " ! .. امدح فـي لبس اصحابك واذواقهم.. ابعتلهم رساله دلوقتي مضمونها كلمتين " أنا بحبك " ! .. الكلمه الحلوه بتلزق فـ القلب زي طابع البوسطه .. راعوا المشاعر وقدروا .. تصرفات بنشوفها تافهه جدًا الا انها بتفرق عند غيرنا ومبتتنسيش .. الواحد لو حب واتحب بيحلو ووشه بيفتح زي الوردايه.. في يوم قولت لوالدتي تعرفي ان اجمل شيئ فـ الدُنيا ان الانسان يحب ! قالتلي تعرف ايه الاجمل ؟! ان الانسان اللي بتحبه يبادلك نفس الاحساس فيراعي مشاعرك ويحبك . : ) !
#الكلمه_الحلوة_سحر..
01 - 08 - 2016, 02:59 PM
رد: الكلمة الحلوة سحر
العرض العادي
