عاوزة حقى (سيدة ابو قرقاص بالمينا)

[walaa farouk]

عاوزة حقي
عروني وسحلوني وضربوني
نزعوا عني توبي وستري وهيبتي
هرب أبنى ومن راجلي خدوني
عاوزة حقي
من ناسي وجيراني وعشيرتي
ماعملوا حساب لسني ولا لشبتي
ومن يد ليد قوية لبعض حدفوني
عاوزة حقي
عاوزة حقي منك أنت ياربي
عروني زيك وشيلونى صليب لعاري
هفضل عريانة بلحمى. خجلانه من نفسي
مكسورة قدام عيلتى. مداريه وراك ياربي
شايله كفني على ايدي. والمر مالي عيني
لحد ماتغطيني بعدلك ورحمتك يا ربي
وتجبلي حقي من عدوك وعدوي ...
عاوزة حقي يا ربي ..
عاوزة حقي .

[ماريا تى ثيؤتوكوس]

شئ مؤسف ومستفز
راحت النخوة والرجدوله التعصب الاعمى
والعقاب الجماعى بقى موضه فى مصر
ربنا يرحمنا ويحمينا
ميرسى ولاء لكلماتك المؤثره

[walaa farouk]

عندك حق يا ماريا مبقاش فيه رجولة ولا شهامة
ربنا مش هيسكت ربنا مش بيبات مديون

[ميرو]

دمي اتحرق بامانه
ياااااااارب اتصرف

[Mary Naeem]

ربنا موجود
شكرا يا قمر

[walaa farouk]

ميرو
مارى
ميرسي كتير على مروركم الغالى

[kamel]

منتظرين منك يا أبونا السماوى
ترسل جيوشك تنجينا
وواثقين أنك هتجيب حق بنتك
يارب أحنا عايشين وسط ناس دواعيش
مملوءة قلوبهم حقد وكراهية
من غيرك يارب منقدرش نعيش
مد أيدك
جازى سريعاااااااااااااا
ليعرفوك أنك أنت أبونا وحامينا
ياااااااااااااااااااااارب
+++
ربنا موجووووووووووووووود
شكرا لكم الرب يرعاااااااااااااكم

[walaa farouk]

ربنا موجود
ميرسي على مرورك الغالى كامل