نظرة حنان والا دي نظرة عتاب؟!
مستني ربي ارد ليك اي جواب !
والا قاصد انك تقول
ارحم ابوك مـن العذاب
نظرة عينيك نظرة الآب
بتقولي فيها
ازاي يا ابني جرحتني
وقلبك لحضني فارق وساب
نظرة انين ..
فيها دموع وفيها حنين
عايزني اجيلك وارتوي
بعد غيابي عنك سنين
نظرة حَمَل
شوف من اجلك قد ايه
قلبي احتمل
نظرة بريء بين اهله
مشافش منهم غير الذلل
نظرة حبيب
والغدركان من اقرب صديق
واللي شال عنهم وجعهم
شيلوه اكبر صليب
وانا السبب..
مشيت معاك بَرّ وعَتب
سيبتك ووقفت اتفرج
مفرقش حاجه عن يهوذا
لما باعك ولنفسه شنق
ارجوك سامحني
ما انت عارفني
اني مهما بعدت عنك
برجع ندمان
وانت تنجيني من الغرق
كلمات اعجبتنى
