شماس من غير أحساس... وتيته مهلبية

Haia · رقم المشاركة : ( 1 ) 09 - 06 - 2012, 11:48 AM

[size="5"]أنتهيت من عملى أمس ورجعت مباشرة إلى البيت _ لا انكر كنت غاضبة جداّ . وبمجرد دخولى منزلى صعدت مباشرة إلى الطابق العلوى ، متمنية أن أغلق باب حجرتى ولا أتكلم مع أحد .
وما أن بدأت فى الصعود إذ سمعت صوت تيته مهلبيه تنادىنى . بالطبع توقفت عن الصعود ورجعت لها حيث تجلس على الكرسى الهزاز , وفى يدها العكاز . والذى يضيف إليها رهبة على رهبة .
ثم قالت : مالكى يا صغيرتى .
الشماس ياتيته الشماس . اليوم تعب نفسيتى وأفقدنى سلامى .
أجلسى يا صغيرتى وحكي لى .
الشماس ياتيته أتصل بى اليوم وقالى عايز عروسه . قلت له حلو خالص . فيه واحده صاحبتى أسمها سونيا جمال وأخلاق وأدب وكنيسه ومشهود ليها من الكل . وبالبلدى مش ناقصها حاجه . فرد عليا ويقولى أنا عايز على الأقل 20 واحده وأنا أنقى منهم . ولما قلت ليه أن ده مش صح يتعمل مع بنات الناس . يرد عليا ويقولى أنتى لسه صغيرة ومش فاهمه الدنيا .
معلش يابنتى أطلبى نمرته وخلينى أكلمه .
( ياربى ... تيته ها تدخل الموضوع . أستر يارب . تيته مهلبيه لسان من غير أسنان أنما أيه فلسفه ودكتوراه فى المشاكل النفسيه . تخصص سمع وتحليل وتفسير ساعة العصريه تسمعك بصبر طويل وتديلك الرد المفيد كأنه عيديه ) !!!!!
اتصلت بالرقم واعطيت التليفون لتيته مهلبيه !!!!!!!!!!!!!
ألو أنا الشماس مدير وصاحب ومالك ودكتوراه فخريه و و و و و ( حوالى أتنين متر ونصف ألقاب ) . مين معايا ؟؟؟
أنا تيته مهلبيه يا أبنى .
معلش يا تيته علشان أنا مشغول جدا . فيه تليفونات منتظرين على الخط من أمريكا واليابان وأستراليا ومن بلاد الواق واق . ده غير العملاء المنتظرين خارج المكتب . وفى أيدى كمان أوراق مهمه منتظرة أمضى عليها بقرارات مهمه علشان أشياء مهمه لناس مهمين .
طيب يا أبنى أسيبك لمهامك مش عايزه أعطلك . أحسن الدنيا تقف . أنا كنت بس جايبه عريس لأختك .
أستنى أعملى معروف أنا خلاص لغيت كل أرتباطاتى . ده أنا ما صدقت سمعت صوتك . أسألى بنت بنتك كده أنا كل يوم بأسأل عليكى وأطمئن عليكى منها ( كداب صدقونى مابيحصلش ) . انتى عارفة يا تيته مشكلتى أن لو أختى ما أتجوزتش أنا كمان مش ها أقدر أتجوز .
طيب يا أبنى العريس هو دكتور فى ألمانيا . علم وأدب وأخلاق ومشهود له من الجميع .
أوكى تيته خليه يجى النهاردة ساعة العصريه وأنا ها أوضب له سفرة وشرف أستقبال محصلش فى الناحية ديه . وها يكون موجود خدم وحشم ويمكن كمان فرقه موسيقيه
حيلك حيلك يا أبنى هو الموضوع بالسهل كده .
ليه بتقولى كده يا تيته مهلبيه . ده أنا ممكن أعمل كل حاجه ومش ها يتكلف ولا حاجه . وفين يلاقى فرصه زى دى .......
يا أبنى أسمع . أنا مجهزه كشكول من 32 ورقة ورثاه من المرحوم زوجى . وبأكتب أسماء بنات ومعلوماتهم وبعدين ها أديهم للدكتور هو بقى يمر عليهم وينقى على مزاجه ..
أيه ده دى عدم أمانه . هى بنات الناس لعبه ولا أيه ده أنسان محتاج للى ينبهه لغلطه المشين أدينى نمرته انا عايز أتكلم معاه .
ليه يا أبنى كل واحد حر فى قراره .!!!!!!
أيوة حر فى قراره من غير ما يجرح الناس وما تنسيش أننى شماس وكلى أحساس .
طيب ها اديلك تليفونه بس ممكن اعرف ايه اللى ها تقوله ليه .
هو سؤال واحد . ليه بتعمل فى بنات الناس كده ؟؟؟؟؟؟
ها أريحك يا أبنى وأديلك الأجابه !!!!!! أصل هو بيعمل نفس اللى بيتعمل فيه .!!!!!!!!
يعنى أيه يا تيته مهلبيه ؟؟؟؟
أصل يا أبنى الدكتور ده هو أخو سونيا اللى النهارده بنت بنتى عرضتها ليك . والدكتور بيقول وانا كمان ها أعمل كده مع الناس زى ما بيعملو معانا ودى رد للعديه . مفهوم ياشماس . وياريت بقى يكون عنك شوية أحساس . وتخلى بالك ده فيه ناس بيقرأو أخبارك فى كل مكان.[/size]

Mary Naeem · 09 - 06 - 2012, 12:03 PM

الله الله الله الله
قصة فى منتهى الروعة
كتير من الناس إللى بيحرمه عليهم بيبيحه لنفسه
لا تلوم انسان مثلك علي فعل انت نفسك فعلته ..
قبل ان تخرج القذيه التى فى عين اخيك اخرج الخشبه التى فى عينك

موضوع مهم جدا يا هيا
ربنا يبارك خدمتك المميزة

Haia · 09 - 06 - 2012, 01:02 PM

اقتباس:

المشاركة الأصلية كتبت بواسطة mary naeem

الله الله الله الله
قصة فى منتهى الروعة
كتير من الناس إللى بيحرمه عليهم بيبيحه لنفسه
لا تلوم انسان مثلك علي فعل انت نفسك فعلته ..
قبل ان تخرج القذيه التى فى عين اخيك اخرج الخشبه التى فى عينك

موضوع مهم جدا يا هيا
ربنا يبارك خدمتك المميزة

ميرسى مارى على مشاركتك وكلامك الجميل
ربنا يبارك حياتك