كل سنه وانتي طيبه يا ماما

[magdy-f]

دور على ماما فى الكتاب المقدس

1-ماما حواء : افتح اول سفر من الانجيل و هو سفر التكوين فى العهد القديم و اقرا عنها و هى اول ام خلقها ربنا لادم و هى سبب فى وجود الناس دى كلها .

2- مامة موسى النبى : افتح سفر الخروج برده فى العهد القديم لما شعب اسرائيل كان بيموت كل مولود عبرانى خافت مامة موسى عليه اوى و حطته فى سلة و حطت السلة فى النهر و نزلت ابنة فرعون و شافته و اخدته و ربته عندها و كبر موسى و نجا بسبب مامته .

3-حنة مامة صموئيل : افتح سفر صموئيل اول ، حنة ماكانتش بتجيب اولاد و صلت لربنا كتير و اداها طفل و سمته صموئيل و نذرته لربنا و اتربى فى الهيكل .

4-ماما العذراء : اقرا فى العهد الجديد عن ماما العذراء اللى نالت الفرح و البركة بأنها بقت مامة يسوع و استحملت عذابات ابنها على الصليب .

مش بس دول فى امهات تانية * مامتنا الكنيسة اللى بتاخدنا فى حضنها فى القداس و مدارس الاحد ومامتنا اللى ولدتنا و تعبت فى تربيتنا و سهرت على راحتنا و علمتنا نصلى و نصوم و نحب ربنا .


الأم : هى احلى و اهم حاجة خلقها ربنا