|
 |
 |
 |
|
رقم المشاركة : ( 1 )
19 - 03 - 2016, 12:50 AM
|
|||||||||||
|
|||||||||||
 ١٠ طرق جديدة للصلاة (للسادة المشغولين اللي مش زي حالاتي).. ومن منطلق الاية اللي في المزمور اللي بتقول "التفت الي صلاة المضطر".. جبنالك العشر طرق دول.. والأجر والثواب عند الله: ***** ١-صلاة المخدع العادي: ودي طبعاً غنية عن التعريف.. وببساطة دي يعني زي الشطار كدة تخصص وقت كبير تاخد فيه راحتك، ويكون ثابت كل يوم، تقرا وتصلي وترنم وتعيش حياتك.. لكن خلينا نقول ان مفيش وقت يسمح بكدة دلوقتي.. يبقي هاننزل للـ٩ انواع اللي تحت دول.. يمكن حاجة تلقُط معاك! *** ٢-صلاة السرير: مش قصدي "أبانا الذي.." اللي بتبقي في الكروتة قبل ما تنام.. لأ انا بتكلم عن ١٠ دقايق صلاة بجد.. ودي لما تكون فعلاً مش قادر تصلب طولك (جسدياً وروحياً).. صلي حتي وانت علي سريرك قبل ما تنام.. وعلي فكرة الحبة دول بيبقوا فيهم الخُلاصة! *** ٣-صلاة السلّم: بتبتدي من اول ما تقفل باب بيتكوا لحد ماتوصل باب العمارة تحت.. ودي مدتها بتتوقف علي حسب انت ساكن في انهو دور.. لذيذة.. وفرصة تبارك بيها المشاوير اللي نازلها! *** ٤-صلاة المذاكرة ودي عبارة عن صلوات صغيرة.. متكررة.. وسط المذاكرة.. تلاقي نفسك كتبت آية بتحبها وتحتيها صلوتين حلوين كدة.. تلاقي نفسك سكتّ، وعمال ترنم جزء من ترنيمة بتحبه.. تلاقي نفسك غمضت عينيك، وسخنت في طلبة معينة او تسبيح سريع كدة.. وميزة النوع دا بقي انه بيهون المذاكرة.. ويعدي الوقت ويباركه! *** ٥-صلاة العربية: ببساطة كدة.. لو انت في السكة ومسافر او حتي ماشي جوا البلد.. اقفل إزاز العربية، وشغل موسيقي هادية.. وانطلق مع نفسك.. خدلك لفة علي الزراعي وطلع كل اللي جواك.. عيط.. صرخ.. سبح.. اعمل اللي نفسك فيه! *** ٦-صلاة الموبايل: ودي مكانها الشارع.. ووسيلتها الموبايل، اعمله silent عشان مايفضحكش ويرن وانت عامل نفسك بتتكلم فيه.. وابتدي صلي وانت ماشي في الشارع.. هاتعدي المشاوير الرخمة علي رجليك.. هاتبارك البلد بالصلوات اللي طالعة في شوارعها منك.. وهاتباركك انت شخصياً! *** ٧-صلاة المحاضرات: لو عندك محاضرة مُملة، ودكتور رِخِم، ومادة غلسة، وغياب لازم يتاخد ومجبر تحضر.. ارجع آخر بنش.. طلع اسكتش.. انسي الدنيا واكتب احلي جواب غرامي لربنا! *** ٨-صلاة المواصلات: ودي غالباً محتاجة headphones في ودانك عشان محدش يفكرك عبيط بتكلم نفسك.. هاتعمل ايه؟ هاتحطهم في ودانك وتبتدي تصلي بصوت واطي.. بكلمات مسموعة وانت في المواصلات ولا همك حاجة (مانتا بتتكلم في التليفون المفروض).. اهو تغيير بدل الاغاني! *** ٩-صلاة الحمّام: ودي من الانواع المفضلة . تحت الدُش.. غمض عينيك.. وصلي.. هايسمعك.. وهايباركك برضو! *** ١٠-صلاة الصحاب: ودي مش بنعملها الا قليل اوي عشان ماتعودناش نعملها من واحنا صغيرين.. ودي مقاديرها كالتالي: (عدد ٢ أصحاب أو أكتر + مكان مقفول + قلوب مرفوعة).. وقابل البركات، والنعمة اللي هاتغرقكوا بعدها! *** #التفَت_الي_صلاة_المضطر 
|
|
19 - 03 - 2016, 04:05 AM
|
رقم المشاركة : ( 2 ) | ||||
|
..::| مشرفة |::..
|
رد: 10طرق جديدة للصلاة
رووووووووووووعة ياولاء
ربنا يباركك ويبارك صلواتك |
||||
|
|
|
19 - 03 - 2016, 12:27 PM
|
رقم المشاركة : ( 3 ) | ||||
|
† Admin Woman †
|
رد: 10طرق جديدة للصلاة
مشاركة جميلة جدا ربنا يبارك حياتك |
||||
|
|
|
19 - 03 - 2016, 02:59 PM
|
رقم المشاركة : ( 4 ) | ||||
|
..::| الإدارة العامة |::..
|
رد: 10طرق جديدة للصلاة
نيرمين
مارى ميرسي كتير على مروركم الغالى |
||||
|
|
|
19 - 03 - 2016, 04:00 PM
|
رقم المشاركة : ( 6 ) | ||||
|
..::| الإدارة العامة |::..
|
رد: 10طرق جديدة للصلاة
ميرسي شيرى على مرورك الجميل
|
||||
|
|
 |
|
| قد تكون مهتم بالمواضيع التالية ايضاً |
| الموضوع |
| يسوع خصَّص وقتا للصلاة العلنيَّة في المَجْمَع كذلك خصَّص ووقتًا آخرًا للصلاة الفرديَّة |
| ١٠ طرق جديدة للصلاة 🙏 |
| مسبحة جديدة للصلاة في أوقات الجائحة |
| 10طرق للحب |
| فرصة للصلاة |
العرض العادي
