جارنا اتحرش بيا ..هل اتنازل عن المحضر عشان ولاده؟
نشرت صفحة على موقع التواصل الاجتماعي "فيس بوك"، مشكلة إحدى الفتيات، حيث قالت خلالها أن أحد الأشخاص تحرش بها، فقامت بضربه ولكن فوجئت أنه قام بصفعها على خدها، فقامت بعمل محضر في الشرطة، ولكن اكتشفت في نهاية الأمر أنه جارها ومتزوج ولديه أطفال، وتساءل ماذا تفعل حيال هذه المشكلة خاصة أن أهلها خائفين عليها من ردة فعل الجار، بينما أهل الجار يستعطفونها لأجل خوفا على سمعة بيته وأطفاله.
إلى نص الرسالة:
"طبعا التحرش في مصر بقي للأسف حاجة عادية وبتحصل لأغلب البنات بس أنا مش من الناس اللي بتعرف تسكت وتعدي الموضوع. فأنا اتعرضت لحادثة تحرش من أسبوع في الأتوبيس (الشخص ده كان قاعد ورايا ودخل ايده بين الكرسي بتاعي والشباك ولمس فخدي)، أنا بصيت بسرعة، هو وقف وكان عايز ينزل من الأتوبيس بسرعة، أنا اتجننت ووقفت وزعقت جامد وخبطه في رقبته جامد تقدروا تقولوا ضربته، بس المفاجأة أنه رد الضربة وضربني بالقلم ! طبعا الناس كلها اتخانقت معاه وأنا صممت أني اعمل محضر، بعد.كدة الأمور مشيت عادي وروحنا القسم وبعدين النيابة، المشكلة دلوقتي أنه طلع ساكن في منطقتي وأهلي طبعا قلقانين علي وهو طلع متجوز ومخلف وعنده أطفال فأهله ومراته عمالين بيستعطفوني أني أتنازل بالنقطة دي وأني كدة هشرد عياله وهخرب البيت، كل اللي حواليا بيقولولي اتنازل عشان النقطتين دول (عياله، وأن لو اتحبس أنا هفضل متهددة ومش عايشة في أمان)،
أنا فعلا عياله صعبانين علي ومش قادرة أفكر بس لو أتنازلت هحس أني اتكسرت وأكيد مش هتجيلي الشجاعة أعمل كدة تاني و هتنازل من البداية، محتارة جدا ومش قادرة أخد قرار !!!"
17 - 02 - 2016, 02:54 PM
العرض العادي
