ماسك سحرى لعلاج الرؤوس السوداء !

[Mary Naeem]

ماسك سحرى لعلاج الرؤوس السوداء !

اكيد يا بنات كلكم جربتم علاجات كثير للرؤوس السوداء اللى بتظهر فى بشرتنا و بتزهقنا و بتخلينا نعمل تنظيف بالبخار كل شوية و نستعمل الكريمات المختلفة و نجربها و كريم الاساس كل يوم عشان نداريها انهاردة جايبنلكم اختراع متجرب بس عشان خاطركم تعالوا اعرفوا معانا الحل السحرى ده اللى مش هياخد منكم وقت و هيخلصكم من كل الرؤوس السوداء اللى فى الوش !

ليه بشرتى بيتكون فيها رؤوس سوداء ؟! بشرتك غالبا نوعها دهنية و البشرة هي عباره عن مسامات و لما بينفرز الدهن على سطح البشرة ، يختلط الدهن مع الاتربة و الجلد الميت والبكتريا، و تمتص من المسامات. لما البشرة تترك بدون تنظيف مستمر و بدون روتين يومي ، البكتريا هتتكاثر بداخل هالمسام و تبدي تتكون الحبوب والرؤوس البيضاء. و كمان الاتربه والجلد الميت والاوساخ والدهون الي بداخل المسام هتأكسد فا تتحول الى رؤوس سوداء.
ايه اكثر اماكن ممكن يكون فيها رؤوس سوداء فى بشرتى ؟! اكثر اماكن معرضة للرؤوس السوداء هى الانف و الدقن و ساعات منطقة الخدود لانها اكثر اماكن بيتكون فيها الدهون و المسامات بتكون واسعة فيها و بتلم الاتربة بسهولة .
طيب ايه هو الماسك السحرى ده !! المكونات :
علبة جيلاتين ناشف و يكون من غير عطور خالص و لا نكهات .
معلقتين تلاتة لبن بأى نسبة دسم .

<IMG class="lazyload owl-lazysize-full wp-image-7372"> جيلاتين ناشف

الطريقة :
هنمزج معلقة من الجيلاتين مع تلات معالق لبن لحد ما يعملوا عجينة و نحطهم فى الميكروييف 10 ثوانى و لو هتستعملى البوتاجاز العادى هنحط الخليط فى وعاء و نحطه فى طاسة فيها مياه مغلية و نقلبه و بعدين نشيله و بسرعه نحطه على وشنا.

<IMG class="lazyload owl-lazywp-image-7371"> طريقة الغلى

هنسيبه على المنطقة اللى فيها الرؤوس السوداء لمده 15 دقيقة لحد ما ينشف و يبقى ماسك على الجلد و بعدين نبدأ بتقشيره و هتلاقوا كمية اتربة و رؤوس سوداء كبيرة جدا طلعت فى الماسك و هتبهركوا بجد النتيجة و يعتبر ماسك طبيعى مفهوش اى اضرار و ممكن نعمله مرة او اتنين فى الاسبوع .
<IMG class="lazyload owl-lazywp-image-7373"> الماسك