الله بنفسه في صفك/ موسي النبي

[walaa farouk]

" هو ليه الله ماخرجش شعب اسرائيل
من ارض مصر مع اول ضربة من الضربات العشر ؟
ليه كل شوية الكتاب يقول إن الله كان بيقسي قلب فرعون علشان ما يطلقش الشعب ؟

الحقيقة ياما سألت السؤال ده لنفسي وللناس و بعد عمر عدى فهمت و لمست جزء من الإجابة مهم جداً .. 😉

موسى لما الله دعاه يخلص الشعب ده كان رده : 👇

فَقَالَ مُوسَى ِللهِ: «مَنْ أَنَا حَتَّى أَذْهَبَ إِلَى فِرْعَوْنَ، وَحَتَّى أُخْرِجَ بَنِي إِسْرَائِيلَ مِنْ مِصْرَ؟»

الجملة دي موسى رددها في نفس الأصحاح أكتر من مرة و الله كان بيحاول معاه عشان يقنعه ، لكن موسى كان خايف لحد ما قال له خلاص خد هارون اخوك معاك ..

تعدي احداث القصة و تمر و يدخل موسى يتكلم على لسان الله قدام فرعون وجنوده ، و تتوالى الضربات بإيد قديرة و يشوف المصريين مشاهد لأول مرة علي أرضهم تحصل
و حتي ما يقدرش يقلدها العرافين بسحرهم ، و قبل الضربة العاشرة الكتاب يقول جملة رهيبة : 👇

" وَأَيْضًا الرَّجُلُ مُوسَى كَانَ عَظِيمًا جِدًّا فِي أَرْضِ مِصْرَ فِي عُِيُونِ عَبِيدِ فِرْعَوْنَ وَعُيُونِ الشَّعْبِ ".

موسى اللي كان خايف و مرعوب و ثقته في نفسه مهزوزة ،
الله عرّف يدعم ثقته بنفسه لحد ما كل شعب اسرائيل
و كمان شعب مصر كان شايفه ( عظيم جداً ) 🤗
موسى كمان ثقته في نفسه زادت و بقى عنده الشجاعة يقود شعب اسرائيل ٤٠ سنة في البرية ..
و أخيرًا ، موسي عرف و أدرك مين هو إله إسرائيل اللي ماشي معاه
و قدر يحط ثقته الكاملة فيه ♥️
متهيألي كل ده ماكنش هيحصل لو الشعب
خرج من أول أو تاني ضربة 👋

في صباح يوم جديد ، إتطمن الله بنفسه في ضهرك بيدعمك و عايز يكشفلك نقط قوتك و يشتغل معاك عليها
، الله بنفسه في صفك و عايز يصنع بيك
إللي إنت نفسك مش هتستوعبه 💥🤗