ماما عاوزة قطة

[توتا كمال]

ماما عاوزه قطه
قطه🙄
طب وبالنسبه للسلاحف والسمك اللي كنت هتجننيني عليهم وبعد ما جم ما كنتيش حابه وجودهم
السلاحف والسمك كانوا مملين مش بيلعبوا معايا بأكلهم وأنضفلهم وخلاص زهقوني
مممممممم🙄
-----------------------
ده حوار دار بيني وبين بنتي من أكتر من سنة
قرار فكرت فيه كتير وكان صعب عليا خصوصًا إني بقرف من القطط شويه وبخاف من حرمانية جوعها أو عطشها مره

لكن بعد شهور تفكير 😌😁
قررت أوافق خصوصا لما عرفت ان ده هيساعدني أركز على نقاط قوة عندها زي المسؤوليه وأعليها وأعالج نقاط ضعف زي سرعة الغضب ده غير المميزات التانيه للموضوع واللى هتفيد أي أم في رحلة تربيتها مع بنتها زي
---------------------------------------

1_بيعلم المسؤولية وبناء الثقه بالنفس
إمتلاك حيوان اليف بيكون حافز كبير لتعليم البنت المسؤوليه لان عندها كائن حي تاني وبتحبه محتاج لرعايتها والإهتمام به ومعتمد عليها بشكل كامل

وده بدور هيحسسها بالفخر والثقه لما تنجز المهام اللى تخص حيوانها لوحدها

2__بيبني التعاطف والرحمه
والان الحيوان بيعتمد على بنتي في الرعايه من أكل وشرب وغيره فدا بيعلي عندها قيمه التعاطف والرحمه واحترام اشكال الحياه المختلفه

3-في دراسه أتعاملت في جامعة أوهايو الأمريكيه بتقول ان التعامل مع حيوان أليف بيقدم الحب والرفقه والوفاء بدون شروط و بشكل غريزي بيقلل من هرمون التوتر (الكورتيزول) و يزيد من إفراز الدوبامين (هرمون السعاده)
وده بدوره بيخفف الضغوط اليوميه للأطفال والمراهقين من مشاكل التنمر ومشاكل الصدقات والدراسه المشاكل الاجتماعيه اللي بتتعرض لها بشكل يومي

4_يخفف الشعور بالوحده
لأن الحيوان الاليف مش بيضر بمشاعر البنت ابدًا ولا بيعرف يتنمر أو يحكم أو يتجاهل أو يستبعد أو يرفض البنت زي ناس كتير حولها لكن ديماً بيديها حب صداقه وتقبل وقرب مش مشروط

5_مستمع جيد😄
لو البنت ما عندهاش اي حد بترتاح في الكلام معاه الحيوان بتاعها ممكن يكون منفذ قوي لها للفضفضه علشان تخرج مشاعر وكلمات صعب تقولها لأي حد

6_بيساعدها على تكوين الذكاء العاطفي
مع الايام وإختلاف المواقف اللي بتخلي بالتالي مشاعر الحيوان بتاع بنتك مختلفه من جوع وحب وعطش وتعلق وكسل وحماس وغيرها من المشاعر اللي بنتك بتكون مسؤوله بشكل كبير عن وجودها او عدم وجودها ده بيطور مع الوقت ذكائها العاطفي

7_بيحسن مهارات القراءه
لو سن البنت صغير و محتاجاها تقرأ كتير عشان تنمي مهارة القراءه عندها ممكن تطلبي منها تقرأ قصه لقطتها الصغيره عشان تنام
ولو كبيره شويه أو في سن المراهقه فده هيخليها تحتاج تقرأ بإستمرار عن طرق رعايه حيوانها وحل مشاكله اليوميه وده بدوره هيحسن مهارات القراءه عندها بشكل غير مباشر وذكي

8_بيزيد من نشاط البنت
لانه بيساعدها انها تتحرك كتير عشان تخرجوا أو تنجز مهامه اليوميه أو ترعاه أو تخرج عشان تشتري مستلزماته او تلعب معاه
فلو البنت حركيه ده يساعدها انها تحرق طاقه إنما لو إنطوائيه هيساعدها على الحركه أكتر

9_التهدئه
الطبطبه على الحيوانات الأليفه أو تحريك اليد على الفروه بتاعتها أو شيلها أو أنها تهديه لما يخاف من الأغراب هيساعدها تكون أهدي مع الوقت و تتعلم مهارات تعرف بيها تهدي نفسها لما تكون منزعجه من اي حاجه بعد كده

📌📌ملحوظة: القطه كانت مثال لأي حيوان أليف أخر اللى ممكن يكون قطه او حصان لو فيه مكان أو ارنب أو عصافير ...الخ
كمان مش أي أم تقدر على مسؤولية حيوان أليف فى البيت فلازم يكون فيه مناقشات و rolls قبل إختيار نوع الحيوان والتنفيذ

💚لو تقدري على التجربه دي متنتظريش وأبدئي فوراً ولو صاعبه عليكي ابعتلنا على رسايل الصفحه أسألي عن منتج "بنتي" اللى هيساعدك تنمي قوى بنتك من مسؤوليه ونظام وشجاعه وإبداع وغيرها من القوى

[Ramez5]

ميرسى لمشاركتك الجميلة

[بشرى النهيسى]

فى منتهى الروعه

الرب يباركك

[walaa farouk]

مشاركة مثمرة
ربنا يفرح قلبك

[Mary Naeem]

رووووووووووعة
ربنا يفرح قلبك