شخصيات كتابية نتعلم منها (ارمله نايين)

[walaa farouk]

أرملة نايين
في حياتنا بتمر علينا مواقف انتقال أحد الأحباء ونحزن ومع الوقت نعيش حياتنا طبيعي
لكن لما يكون انتقال الابن الوحيد لأم أرملة
لما وقف قدام شخصية الأرملة البسيطة دي حست بمشاعر كبيرة وفضائل كتيرة لازم نتعلمها منها
1- الأرملة المحبوبة
من الواضح ان سيرتها الطيبة ظهرت في جنازة ابنها لدرجة إن أغلب المدينة تقريبا كان على باب المدينة لتشييع الشاب الميت
2- دموع تحنن قلب الله
لم تتكلم بأي كلام لكن لما رأي دموعها وأحس انها تتضرع لقلب الله بدموعها
وانطبق عليها قول الرب لعروس النشيد
(سفر نشيد الأنشاد 6: 5) حَوِّلِي عَنِّي عَيْنَيْكِ فَإِنَّهُمَا قَدْ غَلَبَتَانِي
عرفت توصل للاستجابة بدون كتر كلام ولا حركات لتعطف قلب الله
3- الأرملة المتعزية

برغم الموقف المشحون والصعب ويجي يسوع يقول للأرملة لا تبكي
لكنها أطاعت لإيمانها أن السيد المسيح يقدر يعمل أي معجزة مهما كانت
وحتى ان كان الابن ساب أمه (الكنيسة) وخارج من المدينة
لكن واثقة ان السيد المسيح هيرجع ابنها حتى لو تاه وضل
لذلك أول ما ما أقام السيد الشاب دفعه إلى أمه
وفي التقليد البيزنطي أن ابن الأرملة أصبح تلميذا للرسل وانضم من جملة الرسل

تعالوا نطبق اللي اتعلمناه

1- قدم للحب للكل هتلاقي محبة الكل معاه في وقت شدتك
هتلاقي عكاز في وقت كسرك وهتلاقي سند ليك وقت قهرك
2- تعلم ان تعطي قلبك لله واستلم شفرة لحياتك هتعرفها اول ما تختبر حياتك مع ربنا
مريم المجدلية كانت الشفرة انها تعرف الرب هو اسمها لما قالها يا مريم عرفته
يوحنا الحبيب الشفرة هي حضن الرب لما قرب منه حس بدقات قلبه وعرفه
ابحث عن شفرتك
3- لا تطلب العزاء من الأرض لأنها منبع الهموم
لكن اطلب العزاء من إله الرأفة والعزاء الذي يعطي بسخاء ولا يعير