قديس الكهنة ابونا بيشوي كامل

[walaa farouk]

قديس الكهنة ابونا بيشوي كامل؛
اللي حياته مليانة عظات منظورة
وملموسة اكتر من المسموعة ولكن في قصص في حياتة نقف قدامها ونتعلم؛ زي مثلا قصة في بدايه خدمته؛
كان بعد القداس بيروح يناول ويزور مرضي في اماكن كتير
علي رجله رغم مرضه وتعبه وكان يروح البيت علي الظهر كدا
؛ فكان ابونا بيبقي تعبان اوي والشعب مش سايبه
فكان يروح من هنا التليفونات تشتغل
وناس عندها مشاكل تتصل به؛ وهو كان بيبقي عاوز يريح ساعه
علشان هينزل تاني افتقاد وزيارات وحل مشاكل تاني بلبل
- في يوم من الأيام قرر انه ينام ساعه الظهر
فرفع سماعه التليفون وبعد ما قام لاقي السنترال بيتصل به
فرد فوجئ بغضب موظف السنترال
-الموظف : الو انت بترفع الحرارة ليه؟
-ابونا : أصل انا عاوز اريح بس ساعة الظهر قبل ما انزل تاني
-الموظف : انت شغال اية يا باشا ؟
-ابونا : انا قسيس (كاهن) وبخدم في الكنيسة
-الموظف : وطالما انت وافقت علي الوظيفة دي
والخدمة بتتهرب منها ليه وذنب الناس اللي عاوزاك ايه؟
-ابونا : انا اسف مش هتتكرر
- ومن ساعتها ابونا قال دا صوت ربنا
وطالما انا راعي لازم افتح تليفوني وبيتي وقلبي لكل الناس
في اي وقت.
- فعلا نموذج للراعي الصالح اللي بيبذل ذاته ويهلكها من أجل شعبه.
قصة تاني كزوج (رجل اللة)
- في يوم زوجته تاسوني انجيل طلبت منه طلب يجيبه
وهو راجع البيت؛ ولكن من كتر خدمته طول اليوم روح بليل الساعة ١٠
ونسي يجيبلها الحاجة اللي مستنيهاها من الصبح
- تاسوني زعلت اوي اوي واتقمصت زي اي ست؛
ابونا شاف كدا وحب يصالحها؛ فقالها هو هينفع الواحد ينام
وهو مصلاش كدا متيجي نقول الهوس الأول
(لانها كانت بتحب التسبحة) فخدت الدف ووقفوا يصلوا
- وبعدها قالها طيب نقول لُبش الهوس الاول
وهكذا وهكذا لحد ما خلصوا التسبحة وبعدها
ولا كأن في حاجة حصلت واتعذوا تعذية سماويه
وفرح سماوي مسح كل حزن او ضيق أرضي
بركة شفاعته وصلاته تكون معانا❤️
ابونا_بيشوي_كامل ١