رسالة للخدام والمرنمين المؤثرين في جيلنا

[walaa farouk]

لما تكون خادم/ مرنم ليك تأثير بالذات وِسط الشباب ..
لازم تاخد بالم من ٣ حاجات 👇🏻
بتقول إيه ؟؟؟ بتقوله ازَّاي ؟؟؟ بتقوله فين ؟؟؟
#بتقول_إيه 🤔
لازم تكون متأكِّد ان اللي انت بتقوله بحَثت فيه كفاية ..
بالذات لو كانت حاجة جديدة مش متعوِّدين نسمعها ..
حتى لو كان صح لازم تقدِّمه بطريقة تدريجيَّة ..
ولازم تكون حاجة معرفتها هتبني الكنيسة مش هتشقها .
وتكون واضِح في عرضها وكلامك ميحتِمِلش أكتر من معنى ..
الجبن والملاوعة في عرض فكرتك ، هيخسرك شهادتك ويمكِن خدمتك .
بتقوله_أزاي 🤔
لازم تكون حريص جدا في عرض فكرتك أو موضوعَك ..
الحاجات اللي فيها جدل أو هتعثر ناس بسيطة لازم تكون في منتهى الوضوح والحذَر والبساطة في عرضها ..
متستخدمش ألفاظ تتشابه مع ثقافة أو دين تاني ..
انت عارف ان مجتمعنا هيفهمها بطريقة مختلفة عن قصدك ..
حاول توضح المعنى من غير التقيد بلفظ، لو اللفظ هيعمِل لغبطه ..
. ولما يكون الموضوع مش مستاهل، لازم تميز تصر إمتى وتهدا إمتى!
بتقوله_فين 🤔
المكان اللي بتخدم فيه بيحدد الطريقة اللي هتتكلِّم بيها ..
لما تخدِم في كنيسة أرثوذكسية غير الكاثوليكية غير البروتستانتية..
ولما تتكلم في فيسبوك أو في كتاب الموضوع مختلف ..
إنت عارف اننا في مجتمع في غالبيته مش بيقرا ولا هيدوروا وراك ..
النُّفوس أمانة في رقبتك الله هيحاسبَك عليها ..
الموضوع مش عرض فكرة وخلاص ولا رمي كلمة وتجري ..
لكن الموضوع مجد الله وتوصيل رسالته والبناء في ملكوته ..
لو اللي هتقوله هيبني بس مش وقته استني واصبُر واتعامل بحكمة ..
لو اللي هتقوله هيعثر ويوقع ناس بلاش منه خالص ..
لو اللي هتقوله لازم يتقال لفئة مُعينة متقولوش لغيرها ..
الخُلاصة:
خدمة_الله امتياز ومسؤوليَّة، متلعبش بيها ولا تهزر فيها ..
الخدمة أساسها وغايتها وطريقتها ومحورها هو الله ..
مش الهدف ان انت تظهر أو تثبت نفسك، لكن ان الله يظهَر ..
ينبغي ينبغي ينبغي ان هو وحده يزيد، واننا كلنا جنبه ننقص

[Mary Naeem]

موضوع مميز
ربنا يباركك

[walaa farouk]

ميرسى على مرورك الغالى