حقا انك اله عظيم

walaa farouk · رقم المشاركة : ( 1 ) 18 - 10 - 2018, 11:20 PM

أنت غريب قوي يارب...!
👏😎😃🍓☂🍅🎸👍
ليه لما إبراهيم شك فيك وفِي وعودك ليه، وراح يدور على حلول بشرية علشان يبقى عنده نسل..
. مقولتش إن ده شخص إيمانه ضعيف ومينفعش يبقى أبو المؤمنين، ولازم أشوف واحد غيره؟؟
🎸🌈😃🍬😎👏🍓👍
طيب لما موسى اعتذر عن دعوته للخدم، واتحجج بكذا مشكلة علشان ميروحش لفرعون
ويخلص شعب إسرائيل... ليه مقولتش عليه إنه خادم ضعيف الشخصية، وميقدرش يشيل المسئولية، ولازم أشوف واحد غيره؟؟
🍒🍬🌈😎👏🍓👍😃
ليه كنت شايف في إرميا صورة مختلفة غير اللي هو كان شايفها في نفسه؟؟
وفضلت تشجعه وتقوله: لا تقل إني ولد، ومقولتش ده عيل صغير
ومش أد المهمة الكبيرة اللي أنا عاوزها، ولازم أشوف واحد غيره؟؟
🍁🎍😎🍓😃👍🎸🍒
وإيليا لما جات له حالة إكتئاب وفقد الثقة في نفسه بعد ما صنعت بيه معجزات عظيمة،
وطلب منك بمنتهى اليأس إنك تاخد نفسه ويموت...
ليه مقولتش عليه إنه خادم فاشل ولا يُعتمد عليه بعد كده،
وخدمته لابد تقف عند الحد ده، ولازم أشوف واحد غيره؟؟
🎍😺🎸🍑🎸😎😃👍
كله كوم ويونان ده كوم تاني... ده هرب من الإرسالية بتاعته وعصى كلامك
، ليه أصريت إنك تجيبه وترسله من جديد؟؟ ولما خدم واتغاظ من توبة الناس
وقالك: خذ نفسي لأن موتي أفضل من حياتي..
. مقولتش بناقص خادم مش فاهم دعوته
، والخدمة عمرها ما وقفت على واحد، ولازم أشوف واحد غيره؟؟
🎺🎧😃👍😎🎍👏🌈
وبطرس اللي عاش معاك ٣ سنين واتلمذ على إيدك،
في أكتر وقت أنت كنت محتاج ليه اتخلى عنك وتركك
، ورغم تحذيرك ليه قبلها إلا إنه انكرك ٣ مرات... ليه مسيبتوش يضيع
وقلت: "بناقص ؟؟ ليه مجمعتش التلاميذ بعد القيامة
علشان تقولهم أد ايه اللي تعبت فيه وربيته سنين هذا عددها طلع خاين في الاخر؟؟
ليه روحت له بعد القيامة علشان ترجعه لمكانه ومكانته،
ومقولتش أنا عندي زيه كتير، ولازم أشوف واحد غيره؟؟
🍬👏🎧🍒😃🎺👏😎
ليه بتسند الضعيف؟؟
ليه بتنصر المغلوب؟؟
ليه بتجبر المكسور؟؟
ليه بترفع الواقع؟؟
🔖😎⏳👏🎺👍🎧😃
حقا انك إله غريب
إله عظيم
إله كل نعمة
ما اجملك !!!!!

Mary Naeem · 19 - 10 - 2018, 10:40 AM

حقا انك إله غريب
إله عظيم
إله كل نعمة
ما اجملك !!!!!

رووووووووووعة حببتي
ربنا يفرح قلبك

walaa farouk · 20 - 10 - 2018, 07:17 PM

ميرسى على مرورك الغالى حقا انك اله عظيم