قصيدة النحس ......... بقلم احمد عبد القوى
الايام دى فيكى يا بلدى حاجة غريبة
كل دقيقة تعدى عليكى فيكى مصيبة
الاخبار جايا ليلاتى سطورها كئيبة
واللى نشوف على وشو الضحكة حاجة عجيبة
ناويين نعمل عيد للفرح لما يرجع بعد الغيبا
هو قدرنا ولا ده نحس ولا دى خيبىة
من يوم ما هل النحس وكل يوم موضوع
يوم اليمين و الحفلة نور وعلم مقطوع
وشوية جه زلزال والبورصة كمان فى رجوع
ونار بتاكل مصانع وعالنعش كان مرفوع
اموات تحت العماير والكل بات موجوع
وزارنا سمك القرش وايه اخرة الموضوع
بتقول معاك الخير ؟ وهتجيب الجفاف والجوع
رب العباد ابتلانا وهنرضى بالمقسوم
وكان ابتلائة عظيم وقلنا قدر محتوم
مش حرب ولا مرض ولا كابوس فى النوم
ان كان طاعون ارحم راحتنا فى لقب مرحوم
رب العباد غضبان فولانا لقدم الشوم
من يوم ما دخل القصر والكل بات مهموم
