ادم يكسب

[walaa farouk]

عشان مافيش حاجة صدفة ..
ظروف كتير خدتنى للمكان اللى فيه ..
7 كلاب صغيرين فى الشارع ..
اخدتهم .. وابتديت اخد اراء الناس ..
اعمل فيهم ايه ..
وماكنتش عارف ..
ان ربنا عايز يعلمنى درس ..
كان بقالى مدة ..
عمال اتكلم عن وفاء الكلاب ..
وعن اد ايه الكلاب اوفى من البشر ..
وكلام كتير ..
كله صح ..
بس كنت محتاج افهم حاجة زيادة ..
قالولى خد الكلاب ..
وشوف اى كلبة تكون لسة والدة ..
وحط جرو وسط كلابها ..
وهى هتأكله مع ولادها ..
عملت كدة ..
وروحت لبيت فيه كلبة لسة والدة ..
وعمر ولادها من نفس عمر الجراوى ..
حطيت جرو وسط ولادها ..
فضلت واقفة على باب المكان اللى فيه ولادها ..
وهى رافضة تماما انها تدخل ..
وسط نباح شديد ..
لغاية ما اخدنا الجرو الغريب ..
دخلت لهم علطول ..
وابتدا الجرو يصرخ ..
عشان جعان ..
وهى بتبص له ..
وكل ما نقربه منها ..
تبعد هى عنه ..
وهنا لقيت نفسى باقول لصاحب البيت ..
اصل آدم لازم يكسب ..
قال لى يعنى ايه ..
قلت له ..
لو فيه طفل ..
امه ماتت وهو لسة بيرضع ..
بمجرد ما اى حد يعرف ..
هتلاقى أمهات كتير ..
ممكن تعرض انها ترضعه ..
لكن الكلب الوفى رفض ..
رفض انه يأكل جرو من نفس جنسه ..
رغم ان لغتهم واحدة ..
وأكيد هى فهمت انه جعان ..
نزلت بالجراوى من البيت ..
وانا باقول له ..
أكبر دليل ان آدم كسب ..
ان آدم هو اللى بيدور دلوقتى ..
على بيت للجراوى ..
لأنهم اترفضوا من اللى من نفس جنسهم ..
ربنا لما خلق الانسان ..
توّج بيه خليقته ..
ومهما الحيوان كانت فيه صفات ..
هيفضل الانسان ..
فيه صفة الزيادة ..
هتخليه يكسب ..
بعد التجربة دى ..
وسهر كل يوم عشان الجراوى تاكل ..
ادركت ..
ان الانسان هيفضل تاج المخلوقات ..
مهما كان فيه فى الطرفين استثناءات ..
والكلام ده حقيقى جدااا ...
أمير تادرس

[souad jaalouk]

[Mary Naeem]

ان الانسان هيفضل تاج المخلوقات ..
مهما كان فيه فى الطرفين استثناءات ..
والكلام ده حقيقى جدااا ...
ربنا يباركك حببتي

[walaa farouk]

ميرسى على مروركم الغالى