طريقة عمل فراخ كنتاكى بالبيت وبسهولة

[Mary Naeem]

طريقة عمل فراخ كنتاكى بالبيت وبسهولة

سلام ونعمة

فى الصيف الاولاد بيحبوا ياكلوا الاصناف الخفيفة والمقليات عموما كلنا بنحب فراخ كنتاكى فى طريقة سهلة جدا وبسيطة والنتيجة بتكون قريبة جدا من طعم ومذاق الفراخ اللى بتتقدم فى كنتاكى


*اولا الفراخ المستخدمة على حسب رغبتك ممكن تكون دبابيس او اجنحة او حتى بانية على حسب الرغبة .. بنحضر الفراخ ونغسلها جيدا بالماء مع وضع قليل من الخل او الملح

اذا كنتى هتستخدمى دبابيس تعالى بالسكينة وشقيه شقة بسيطة علشان ميكونش فى دم بين اللحم والعظم مجرد فتحة سم كده لكى تدخل الحرارة الى داخل اللحم
وهكذا فى الاجنحة ونقوم بقطع القطعة الاخير ة من الجناح اولا لانها مفيهاش اى لحم وثانيا لسهولة القلى

المقادير


* مكعبات مرقة فاين فودز

* فصوص حبهان

* كارى

* خل

*فلفل اسمر ومارمريكا او شطة على حسب الرغبة

* بقسماط

* بيض

* دقيق



الطريقة



بعد غسيل الفراخ بالماء ووضع عليها قليل من الملح او الخل ننضعها فى مصفاة قليل من الوقت

الخلطة


عبارة عن مكعبات مرقة فاين فودز وعلى حسب كمية الفراخ بتقدرى تحددى كام مكعب
بتبشرى مكعبات المرقة وتضعى عليهم معلقتين خل يكون نوع كويس وعليهم الحبهان
وعليهم قليل من الفلفل الاسمر والكارى والمارمريكا او الشطة الحمرا على حسب رغبتك
الخلطة تقلب جيدا حتى تصبح متجانسة وقوامها ولا متماسكة جدا ولا سائلة متوسطة
تضعى الخلطة ربع ساعة لكى تمتزج مع بعضها ولكى تاخذ من رائحة وطعم الحبهان
ثم نخلطها بالفراخ جيدا وتقلب الخلطه مع الفراخ جيدا ونتركها بالثلاجة لمدة ساعة
او ساعتين لكى تندمج وتاخد طعم الخلطة

ثم نحضر القليل من الدقيق نضع قطع الفراخ فى الدقيق ونضعها فترة من الوقت نصف ساعة مثلا

وعند القلى نحضر بيض وعليهم قليل من الملح والفلفل الاسمر ونخفقهم جيدا

والبقسماط

ثم نضع قطعة الفراخ فى البيض المخفوق ثم فى البقسماط ثم فى الزيت الساخن جدا

ملاحظة مهمة


اولا يجب ان تغطى المقلاة اثناء القلى لان السخونية وتغطية المقلاة تساعد على نضج الفراخ جيدا من الداخل
وتهدئة النار بعد وضع الفراخ فى الزيت لكى لا تحترق سريعا من الخارج ومن الداخل تكون غير نضجة

ونقلبها جيدا حتى تاخد اللون الذهبى


وبالهنا والشفا

[بنت معلم الاجيال]

ميرسي كتير و ربنا يعوض تعبك

[Mary Naeem]

شكرا على المرور