لو سألت اي بنت اية مواصفات فتي احلامك؟؟؟؟؟

[نونا بنت البابا]

لو سألت اي بنت اية مواصفات فتي احلامك؟؟؟؟؟

قبل ما تقولك طيب وحنين ووسيم وكل الصفات دي

هتقولك " عايزاه راجل بجد " ....


قعدت أفكر كتييييييير يعني ايه واحد "راجل بجد "؟؟!!!

ووصلت لشوية اجابات ..


• الراجل اللي بجد ... عمره ما يضحك علي بنت أو يستغلها ويوهمها انه بيحبها لمجرد أنه بييسلي وقته ..

• الراجل اللي بجد .. تقدري تعتمدي عليه وتغمضي عنيكي وتمشي وراه ومتبقيش خايفه لأنك عارفه وواثقه انه عمره ما هيتخلي عنك

الراجل اللي بجد .. عمره ما يكون بيحب بنت ويروح يجري ورا بنت تانيه !!

• الراجل اللي بجد .. عمره ما يطلع سر بينه وبين واحد صاحبه

• الراجل اللي بجد .. عمره ما يتخلي عن مسؤليه أو يتهرب منها

• الراجل اللي بجد .. عمره ما يصاحب بنت ويروح يتكلم عليها مع أصحابه

• الراجل اللي بجد .. هو اللي أول ما الدنيا تقفل في وشك تلاقيه جنبك ضهرك وسندك

• الراجل اللي بجد .. مبيبقاش فرحان بيكي وهو ماشي جنبك والبشر كلها بتتفرج عليكي

• الراجل اللي بجد .. هو اللي عمره ما يمد ايده علي واحده لأنه مش محتاج يعمل كده عشان يثبت رجولته

• الراجل اللي بجد ...هو اللي يقول الحق ولو علي رقبته

• الراجل اللي بجد .. عمره ما يبقي ماشي فرحان بعضلاته ويتمنظر بيها قدام البنات (لأن الرجوله جواه شئ أكبر من مجرد جيم وعضلات )

• الراجل اللي بجد .. عمره ما يفرض نفسه علي واحده رافضاه

• الراجل اللي بجد .. هو اللي هتحسي معاه انك انثي .. عمرك ما هتقدري تعلي صوتك قدامه .. في شئ جواه هيجبرك انك تلتزمي الصمت

• الراجل اللي بجد .. هو اللي يقدر يستوعبك وقت ضعفك ..

• الراجل اللي بجد .. عمره ما يستغل حب واحده ليه عشان يضغط عليها

• الراجل اللي بجد ...ممكن ميجيبلكيش كل حاجه بس وجوده جنبك هيخليكي حاسه انك ملكتي كل حاااااااااااااااجه

• الراجل اللي بجد ... عمره ما يكون محبط ولا يائس ولا شايف الدنيا سوده

• الراجل اللي بجد مش شنب ولا عضلات ولا طول وعرض !!!!

• الراجل اللي بجد مواقف وأفعال ... حاجات كده أكبر من أنها تتوصف بكلااااااااام

• الراجل اللي بجد ... مبيمشيش ياكل لبان بطريقه مستفزه في الشارع

[femon]

ايه الروووووووووووووووووووعه
دي يانهي
طيب ياريت تعرفينا
ماهي مواصفات فتاة الاحلام
++++++++++++
ميرسي للمواصفات
النادرة دي

[نونا بنت البابا]

ميرسى لمرورك وتشجيعك فيمون

مواصفاته مش انا اللى هختارها
هتكون اختيار من الهى

[Mena Delpiero]

كويس جدااااااااا الحاجات اللي ذكرتيها

بس عندي كام ملاحظة
الفتاة تبحث اولا عن شاب وسيم
ثم لو مش اتوجد ده يبقا البديل حد غني معاه فلوس بقدر
يسكنها ويعيشها في مكان كويس وفسح وخروجات وكده

ثم اخر حاجة لا يوجد انسان كامل
رغم ان 99 % من اللي ذكرتيه لازم يكون في الراجل الطبيعي
لكن ممكن يكون حد عنده خلل في جزء يتصلح

وشكرااااااا جداااا علي الموضوع يا نونا

[نونا بنت البابا]

صح كلامك جدا يا مينا
بس صدقنى مش كل البنات بتفكر بالطريقة دى
بس هى فعلا الاغلبية

ميرسى لرئيك ومرورك