حوضي البحري من الالف للياء

[Mary Naeem]

حوضي البحري من الالف للياء

في الموضوع ده بأزن الله هعرض عليكو بعض الصور اللي بتحكي قصتي مع الاحواض البحريه من اولها و هتشوفوا انشاء الله صور لحوضي المتواضع مع المعدات المستخدمه فيه و حاول اني اضع اسعار كل حاجه انا استخدمتها فيه علشان الكل يستفاد ب ازن الله
و اي سؤال انا تحت امركوا
من الاول خالص انا الحمد الله ليا باع طويل في الهوايه ديه من وانا عمري تقريبا 10 سنوات انا دلوقتي عمري 32 سنه و بدات معايا الهوايه من محل صغير بجوار سكني لبيع الحيوانات الاليفه و اسماك الزينه .
و اول حوض اشتريته من سوق الجمعه لما نصحني احد اصدقائي ان الاسعار هناك رخيصه والدنيا حلوه وكده ههههههههههههه
و فعلا اشتريته وطبعا زي اي حد مبتدأ التجربه فشلت بسبب عدم الخبره في كيفية وضع السمك في الحوض و عدم الخبره بكيميائية الميه + طبعا عدم الخبر بالانواع اللي ممكن تعيش مع بعض وديه تعتبر هي اسباب الفشل الاساسيه
و طبعا بصراحه فضل الفشل ده سنين الا ان اشتريت كتاب مشهور جدا اسمه اسماك الزينه و هو بيتباع في كل مكان وه و تقريبا
ده كان بدايه النجاح للهوايه حتي وصلنا الي المنتدايات الاجنبيه و طبعا منتدانا الغالي و و تقريبا ربيت جميه الانواع الاسماك حتي وصلت للديسكس والمالح.
ولما بدات قراري ببدأالحوض المالح حبيت اني ابتدي من حيث انتهي الاخرين و كان معايا خطوه بخطوه صديقي و اخويا مشرفنا السابق Osama M ربنا يكرمه مع ان اسامه لا انا ولا اسامه كان لنا خبره في الاحواض البحريه. بس قررنا ان نتطلع ونقره كويس
الاساسيات و ازاي نخلي كمية الميه ديه سليمه في حدود امكانياتنا المتاحه وان نشتغل بالطرق الصحيحه وليست التقليديه.
انا فكرت اني اعمل حجم الحوض يكون 150سم*60*50 لان من المعروف ان كل ما حجم الحوض كبر كل لما بقي كويس وسهل
بس ما فيش مانع ان الاحواض الصغيره ممكن تنجح جدا جدا و ما فيهاش مشكله.
بدأت بعمل

الترابيزه :

لما جيت اصمم الترابيزه حاولت اني اخليها زي الترابيزات الاحواض المستورده فا استخدمت العروق الخشب من الداخل في عمل هيكل الترابيزه و من الخارج استخدمت لوح خشب كامل MDF
و اتكلفت كلاتي :
لوح الخشب MDF ب 150 جنيه بالنقل
اما عرق الخشب ب حوالي 80 جنيه

ارضيه خشب كونتر لللترابيزه ب حوالي 30 جنيه
مصنعيه حوالي 200 جنيه شامل تقطيع الخشب العرق في الورشه المتخصصه لذلك
حوال 30 جنيه اكسسورات و رجول للترابيزه و مسامير
يبقي الاجمالي = 150+80+30+200+30=490 جنيه تقريبا
طبعا مش شرط كل اللي يجي يعمل ترابيز تبقي بنفس المواصفات والتكلفه لا طبعا انا بس بحاول اعرض فكرتي علي الله انها تكون مصدر نفع لاي حد. وطبعا كل لما تصغر حجم الترابيزه التكاليف هتقل .

وبعد كده بقي يجي دور
الحوض :
الحوض زي ما قولت انه مقاسه 150 * 60*50 يعني حوالي 450 لتر.
وعملت الارضيه مجوز يعني ارضيه الحوض عباره عن لوحين زجاج مش لوح و واحد و الحوض مصنوع من الزجاج 10 مللي مصري
واتكلف حوالي 650 جنيه بالنقل.

وديه صور بتبين الحوض بعد ما استلمته و هو علي الترابيزه في شكلها الاخير.

و علي فكره الحوض بدون اي نوع من انواع الشدادات.

كهرباء الحوض و الغطاء:
قررت ان يكون الاضاءه الخاصه للحوض عباره عن عدد:
2 لمبه داي لايت 120سم 12000 وديه خاصه للحواض المالحه من عند ناجي انتوان الواحده ب حوالي جنيه 30 علي ما اذكر
1 لمبه جلوركس 120 سم بحوالي 35 جنيه
1 لمبه مون لايت بحوالي 40 جنيه 120 سم ايضا
وبدات عمل الغطاء و هو عباره عن هيكل المويتال مرشوش بويه الكتروستاتيك لون الترابيزه.....
والبويه مهمه حتي لا ياكل بخرة الملح الالوميتال

وديه صور بتوضح الهيكل الالمويتال و هو بيركب في الاضائه الخاصه بالحوض

و الهيكل الالمويتال ده عباره عن قطاعات المويتال بمجر ممكن يركب فيهها زجاج او خشب او بلاستيك علشان تغطي الاضائه و يتأفل بيها الكشاف من فوق ومن الاجناب.
الغطا اتكلف حوالي جنيه200 بالالوميتال و الدهان و المصنعيه و غطيت جوانب الغطا ب بلاستيك اعلانات كان فاضل عندي بس ممكن اللي عاوز ينفز الفكره يستخدم ابلاكاش او ازاز ويلصق عليه استيكر معتم.

و ديه صوره اخيره بعد الانتهاء من عمل الحوض والترابيزه والغطا و الكهرباء و نلاحظ في الصوره مفاتيح الكهرباء للاضائه اسفل الترابيزه و يوجد فيش لتشغيل محتوايات اجهزة الحوض داخل الترابيزه.


و في هذه الصوره يظهر جزء من تجهيزات لوحة الكهرباء للحوض من داخل الترابيزه شامله ترانصات الكشافات و فيش الكهرباء
و المفاتيح الخارجيه لكل كشاف او فيشه حتي يمكنني التحكم بتشغيل كل شئ علي حدي.

محتويات الحوض:
1-طبعا من اول الاحاجات اللي اشترتها الرمال وهي طبعا رمل بحري يعني مش من عند الموان هههههههههههه واشتريت حوالي 60 كيلو و ديه كانت كميه كبيره نوعا ما استعملت منه حوالي 45 كيلو علشان يديني سمك 5سم في قاع الحوض وطبعا تم غسله جيدا
و كان الرمل ده من عند محل كوكتيل في حدايق القبه بمصر الكيلو كان بحوالي 1.70 قرش وده كان يعتبر سعر معقول جدا.
2- اما الصخور: استخدمت انواع واشكال صخور مختلفه يعني كل لما كان يعجبني صخره بشكل معين او الاقي ان فيها مساميه معينه
او شكلها مختلف اشتريها............بس الكميه الاساسيه اللي عملت بيها الحوض حوالي 113 كيلو صخور بسعر 4.5 للكيلو تقريبا
وده سعر كويس جدا لاني اشتريتها من الغطاس مباشرتا وده كان من حسن حظي الحمد الله ان كان احد الغطاسين لسه جايب صخور من سفاجا و كانت تعتبر صخور حيه لانها لسه طالعه من البحر بي ان ما كنتش لسه جهزت الحوض فطبعا ماتت الصخور ديه عندي.
وبعد كده كان عندي حوالي 40 كيلو من انواع صخور مختلفه بس صخور بحريه طبعا من الصخور اللي اشكالها مختلفه و دم الاخوين
و المخ والصخور المساميه و خلافه.

و ديه صوره لصخره اللي تم شرائها من الغطاس هنلاحظ وجود الطحالب البحريه عليها.........

و بعد كده بدات تغسل الصخور و احاول تنظيفها من العوالق اللي موجوده عليها حتي يمكن تخزينها لحين تجهيز الحوض

ديه احدي الكائنات اللي كانت موجود داخل الصخور وانا بغسلها و كانت بتخرج اثناء الغسيل(يا خساره لو الحوض شغال كنت استفدت من الكلام ده كله).

[Mary Naeem]

الماكينة الشقيه:
احب اعرفكوا بقي علي الماكينه ديه واللي انا استعملتها في غسل الصخور والماكينه ديه هي روح الهوايه عندي حيث اني بستعملها في كل حاجه من تغيير مية احواضي و تفضية الاحواض و ملئ الاحواض وانا دورت علي الماكينه ديه كتير لحد ما ربنا وفقني واشتريتها
يعني ما بستعملش الجردل في ايه حاجه خالص........
و اشتريتها لبعض الهواه الاصدقاء لانها عجبتهم جدا وديه بعض الصور ليها.



و هي عباره عن ماكينة رول بيركب فيها خرطوم بطريقه معينه حتي يمكن فرد الخرطوم وطيه مره اخري بكل سهوله


وهي فيها خرطومين خرطوم صغير بيركب من الحنفيه يغزي الماكينه نفسها
و الخرطوم الكبير و الاساسي و هي تشيل لحد 50 متر خرطوم الخرطوم ده طرف راكب في الماكينه و الطرف الاخر بيركب فيه مسدس
دفع المياه .



و ديه فكره مختصره عنها لو حد عاوز يعرف حاجه عنها يرسلي علي الخاص .

نرجع لموضوع الحوض:
و دلوقتي بقي هتكلم عم الاجهزه اللي موجوده في الحوض.
1-بروتين اسكيمر و ويبرو ...WEIPRO .....صيني وده موديل 2014 وده حوالي 2500لتر/ الساعه+بيحتاج معاه باور هيد نفس القوه وده اشتريته ATTMAN
وده سعره كان حوالي 250 جنيها شامل الباور هيد



-وديه صوره للباور هيد اشتريت منه اتنين واحد لتقليب سطح الميه والتاني للبروتين اسكيمر
وكان سعره حوالي 55 جنيه

[Mary Naeem]

نيجي بقي لموال الفلتره:
بصراحه موضوع الفلتره ده تعبنا فيه جدا جدا انا و اسامه (( Osama M في الاول اشتغلت زي الكل وهو علي فلتر خارجي
فاشتريت فلتر Attman 2340لتر/الساعه وسعره 650 جنيه و هو مجهز لتركيب لمبهUV

و فيه منه موديل ارخص شويه وانا بعتبره احسن كمان واسهل في استعماله 1500لتر/الساعه وده انا مجرب منه 2 بستعملهم في احواض الديسكس وده سعره 350 جنيها

...............ولكن بعد بحث علي المنتديات الاجنبيه لاقيت ان ما فيش حد من هواه الاحواض البحريه بيشتغل بالفلتر الخارجي و كله شغال بالسامب او ب سرير الرمال العميق يعني بكلتا الحالتين هنحتاج لعمل سامب .....و طبعا السامب هيحتاج لافرفلو بوكس.....
و هو عباره عن صندوق من البلاستيك بينظم حركة المياه من الحوض الي السامب ومهم جدا في حالة انقطاع الكهرباء.
سالنا عند البائعين اللي متوفر عندهم لاقينا اناه غالي جدا بالنسبه لتكلفته لذلك عرض عليا اسامه اننا ننفزه و بدانا التجارب هههههههههه مش عاوز بقي اقولكم ان الحجره اللي فيها الحوض واللي هي حقل التجارب كانت بتبقي عامله زي البحيره
بسبب تجارب الاوفر فلو وده برضه قبل ما الحوض يشتغل

وفعلا اشتغل الاوفر فلو ده فتره بعد تشغيل الحوض و لكن قابلنا فيه مشكله ان الخراطيم المنوصله من الصندوق الداخل جوا الحوض بيعبي هوا وده بيخلي الاوفرفلو ما يشتغلش بنفس الكفائه المطلوبه ولذلك تم عمل نموذج تاني للافر فلو بدون الخراطيم وعلي الفكره النموذج الاول كان علي سبيل التجربه لذلك عملناه من بلاستيك كان فاضل عندي وبعد ما وصلنا لفكرة الاوفر فلو قررنا نعمل نموذج طبق الاصل اللي بيتباع في الاسواق العالميه .

النموزج الثاني للافرفلو :

[Mary Naeem]

و دلوقتي صور السامب:

وده سامب مبدئ هو عباره عن 80*40*35 اربع غرف

غرفة الصخور

و الان تجهيز الحوض

صورة الحوض قبل ملئ الصخور و الرمال مع تشغيل الاضائه المون لايت

اثناء رص الصخور الميته وفرش الرمال وقبل ملئ الحوض بالمياه المالحه و تم الرص مع بعض الاصدقاء الهواه....... مشكورين

منظر علوي للصخور وطبعا مش كل الصخور سعرها زي بعض حسب نوع وشكل الصخره ممكن صخره يبقي الكيلو فيها 5 جنيه و صخره تانيه تبقي الكيلو ب 25 جنيه

تم رص الصخور و الانتهاء منها وده منظر نهائي قبل ملء الحوض بالمياه

تم ملئ الحوض...............ايه الصحرا ديه؟؟؟؟؟؟؟؟؟؟؟؟؟؟




الحوض مع الاضائه المون لايت

إضغط على الصورة لتكبيرها ... أبعاد الصورة الأصلية 800x600 وحجمها 115 كيلو بايت .

ديه صوره للحوض من بعيد و طبعا السيكمر اتغير مكانه اكتر من مره المهم في الموضوع هنلاحظ تكون رغاوي في الكوباية السكيمر
مع ان الحوض لسه جديد معني كده ان الدوره بدأت في الحوض من اول دقيقه وده بسبب الكائنات الميته اللي موجوده داخل الصخور.

[Mary Naeem]

بدأ تكون اول نوع من الطحالب (الطحالب البنيه) او نقدر نقول بدأ ظهور اول معالم الحياه في الصحراء ديه....والصوره ديه بتوضح تكدس الصخور و هنا عمر الحوض كان حوالي 3 اسابيع
اخدت بالي ان السمك مش هيكون عنده مكان او مساحه كبيره للسباحه او كهوف يقدر انه بيها يمارس حياته......... علشان كده هنلاحظ في الصور بعد كده ان الرصه ديه هيتم تعديلها لتكوين كهوف و مساحه يقدر السمك انه يسبح فيها بشكل طبيعي



داخل الدايره هنلاقي ظهور نوع من انواع الطحالب الحمرا بس معرفش نوعها ايه بس طبعا مش كارولينا
و داخل المربع بداية ظهور الطحالب الخضرا و ده طبعا علامه كويسه ان بدا الحوض يستقر ولكن مش مستعد ان نبدا بوضع السمك فيه .......و هنا عمر الحوض كان حوالي شهر ونصف. بدون اضافة صخور حيه حتي الان.

داخل الدايره الصفرا سمكه دامسل (جرين) و ديه اول سمكه وضعت في الحوض بعد شهر بالتمام من بداية عمل الحوض وطبعا ده كان \اكبر غطأ لان الحوض المالح سر نجاحه في الصبر انا بصراحه ما صبرتش علي وضع السمك لان بعد تجربتي مع الاحواض البحريه
لا يجب البدأ في وضع السمك الا بعد 3 شهور علي الاقل من بداية عمل الحوض........وكانت النتيجه ان خسرت سمك و فلوس كتير
رغم تحذير بعض اصدقائي الهواه الاجانب بأن السمكات التي وضعت سيكون مصيرها الموت الحتمي.
وديه كانت بعض الصور فبل الثلاث شهور الاولي للحوض.................

اما بعد الثلاث الشهور الاولي:
بداية شراء الصخور الحيه .............

بدأ الاستعانه بالصخور الحيه الغنيه ب طحالب الكالورينا لتنتشر في الحوض

نلاحظ انتشار الطحالب الخضراء و الكالورينا في الحوض بعد اضافة الصخور الحية المرجانيه.





بداية اكتمال الحياه في الحوض و اكرر بداية اكتمال الحياه و ليس اكتمال الحياه و ذلك لظهور الكائنات النشطه والتي سوف اذكرها بمواضيعي
وهي الانفوانا.......(مواضيع الرمال الحيه) و بصراحه اليوم اللي اكتشفت وجود قواقع الانفوانا في حوضي كنت سعيد جدا انا واسامه
و اعتبرناه بداية النجاح.

علي احد الصخور

واحده اخري علي الزجاج الخلفي للحوض فوق ماسورة الفلتر





س: لماذا يفرح الهاوي بهذه الكائنات؟؟؟؟؟؟؟؟؟؟

وذلك لان الهاوي المحترف يحاول ان يصل الي حوضه الي درجة ان يكون هذا الحوض جزء من الطبيعه و لان هذه الكائنات لم تظهر او لم نضعها في الحوض يأيدينا وظهرت فجاه معني ذلك ان الحوض يمشي في طريقه الصحيح للنجاح بأذن الله.

فلننظر الفرق بين الصورتين الاتيتين:






منظر الحوض في بدايته و الذي يغلب عليه اللون الاصفر .....صحراء جرداء لا زرع فيها ولا ماء




و منظر الحوض الان بعد بداية الاستقرار ودخول الحوض في شهره الثامن
و اترككم مع بعض الصور المتتاليه للحوض و سكانه: