في الموضوع ده بأزن الله هعرض عليكو بعض الصور اللي بتحكي قصتي مع الاحواض البحريه من اولها و هتشوفوا انشاء الله صور لحوضي المتواضع مع المعدات المستخدمه فيه و حاول اني اضع اسعار كل حاجه انا استخدمتها فيه علشان الكل يستفاد ب ازن الله
و اي سؤال انا تحت امركوا
من الاول خالص انا الحمد الله ليا باع طويل في الهوايه ديه من وانا عمري تقريبا 10 سنوات انا دلوقتي عمري 32 سنه و بدات معايا الهوايه من محل صغير بجوار سكني لبيع الحيوانات الاليفه و اسماك الزينه .
و اول حوض اشتريته من سوق الجمعه لما نصحني احد اصدقائي ان الاسعار هناك رخيصه والدنيا حلوه وكده ههههههههههههه
و فعلا اشتريته وطبعا زي اي حد مبتدأ التجربه فشلت بسبب عدم الخبره في كيفية وضع السمك في الحوض و عدم الخبره بكيميائية الميه + طبعا عدم الخبر بالانواع اللي ممكن تعيش مع بعض وديه تعتبر هي اسباب الفشل الاساسيه
و طبعا بصراحه فضل الفشل ده سنين الا ان اشتريت كتاب مشهور جدا اسمه اسماك الزينه و هو بيتباع في كل مكان وه و تقريبا
ده كان بدايه النجاح للهوايه حتي وصلنا الي المنتدايات الاجنبيه و طبعا منتدانا الغالي و و تقريبا ربيت جميه الانواع الاسماك حتي وصلت للديسكس والمالح.
ولما بدات قراري ببدأالحوض المالح حبيت اني ابتدي من حيث انتهي الاخرين و كان معايا خطوه بخطوه صديقي و اخويا مشرفنا السابق Osama M ربنا يكرمه مع ان اسامه لا انا ولا اسامه كان لنا خبره في الاحواض البحريه. بس قررنا ان نتطلع ونقره كويس
الاساسيات و ازاي نخلي كمية الميه ديه سليمه في حدود امكانياتنا المتاحه وان نشتغل بالطرق الصحيحه وليست التقليديه.
انا فكرت اني اعمل حجم الحوض يكون 150سم*60*50 لان من المعروف ان كل ما حجم الحوض كبر كل لما بقي كويس وسهل
بس ما فيش مانع ان الاحواض الصغيره ممكن تنجح جدا جدا و ما فيهاش مشكله.
بدأت بعمل

الترابيزه :

http://l.yimg.com/lo/api/res/1.2/jj6...4/20090121.jpg

لما جيت اصمم الترابيزه حاولت اني اخليها زي الترابيزات الاحواض المستورده فا استخدمت العروق الخشب من الداخل في عمل هيكل الترابيزه و من الخارج استخدمت لوح خشب كامل MDF
و اتكلفت كلاتي :
لوح الخشب MDF ب 150 جنيه بالنقل
اما عرق الخشب ب حوالي 80 جنيه

ارضيه خشب كونتر لللترابيزه ب حوالي 30 جنيه
مصنعيه حوالي 200 جنيه شامل تقطيع الخشب العرق في الورشه المتخصصه لذلك
حوال 30 جنيه اكسسورات و رجول للترابيزه و مسامير
يبقي الاجمالي = 150+80+30+200+30=490 جنيه تقريبا
طبعا مش شرط كل اللي يجي يعمل ترابيز تبقي بنفس المواصفات والتكلفه لا طبعا انا بس بحاول اعرض فكرتي علي الله انها تكون مصدر نفع لاي حد. وطبعا كل لما تصغر حجم الترابيزه التكاليف هتقل .

وبعد كده بقي يجي دور
الحوض :
الحوض زي ما قولت انه مقاسه 150 * 60*50 يعني حوالي 450 لتر.
وعملت الارضيه مجوز يعني ارضيه الحوض عباره عن لوحين زجاج مش لوح و واحد و الحوض مصنوع من الزجاج 10 مللي مصري
واتكلف حوالي 650 جنيه بالنقل.

http://l.yimg.com/lo/api/res/1.2/5Zx...4/20090206.jpg
وديه صور بتبين الحوض بعد ما استلمته و هو علي الترابيزه في شكلها الاخير.

و علي فكره الحوض بدون اي نوع من انواع الشدادات.

كهرباء الحوض و الغطاء:
قررت ان يكون الاضاءه الخاصه للحوض عباره عن عدد:
2 لمبه داي لايت 120سم 12000 وديه خاصه للحواض المالحه من عند ناجي انتوان الواحده ب حوالي جنيه 30 علي ما اذكر
1 لمبه جلوركس 120 سم بحوالي 35 جنيه
1 لمبه مون لايت بحوالي 40 جنيه 120 سم ايضا
وبدات عمل الغطاء و هو عباره عن هيكل المويتال مرشوش بويه الكتروستاتيك لون الترابيزه.....
والبويه مهمه حتي لا ياكل بخرة الملح الالوميتال

http://l.yimg.com/lo/api/res/1.2/8PL...1/20090213.jpg
وديه صور بتوضح الهيكل الالمويتال و هو بيركب في الاضائه الخاصه بالحوض

و الهيكل الالمويتال ده عباره عن قطاعات المويتال بمجر ممكن يركب فيهها زجاج او خشب او بلاستيك علشان تغطي الاضائه و يتأفل بيها الكشاف من فوق ومن الاجناب.
الغطا اتكلف حوالي جنيه200 بالالوميتال و الدهان و المصنعيه و غطيت جوانب الغطا ب بلاستيك اعلانات كان فاضل عندي بس ممكن اللي عاوز ينفز الفكره يستخدم ابلاكاش او ازاز ويلصق عليه استيكر معتم.

http://l.yimg.com/lo/api/res/1.2/.Lv...4/20090221.jpg
و ديه صوره اخيره بعد الانتهاء من عمل الحوض والترابيزه والغطا و الكهرباء و نلاحظ في الصوره مفاتيح الكهرباء للاضائه اسفل الترابيزه و يوجد فيش لتشغيل محتوايات اجهزة الحوض داخل الترابيزه.

http://l.yimg.com/lo/api/res/1.2/PBx...8439/6666u.jpg
و في هذه الصوره يظهر جزء من تجهيزات لوحة الكهرباء للحوض من داخل الترابيزه شامله ترانصات الكشافات و فيش الكهرباء
و المفاتيح الخارجيه لكل كشاف او فيشه حتي يمكنني التحكم بتشغيل كل شئ علي حدي.

محتويات الحوض:
1-طبعا من اول الاحاجات اللي اشترتها الرمال وهي طبعا رمل بحري يعني مش من عند الموان هههههههههههه واشتريت حوالي 60 كيلو و ديه كانت كميه كبيره نوعا ما استعملت منه حوالي 45 كيلو علشان يديني سمك 5سم في قاع الحوض وطبعا تم غسله جيدا
و كان الرمل ده من عند محل كوكتيل في حدايق القبه بمصر الكيلو كان بحوالي 1.70 قرش وده كان يعتبر سعر معقول جدا.
2- اما الصخور: استخدمت انواع واشكال صخور مختلفه يعني كل لما كان يعجبني صخره بشكل معين او الاقي ان فيها مساميه معينه
او شكلها مختلف اشتريها............بس الكميه الاساسيه اللي عملت بيها الحوض حوالي 113 كيلو صخور بسعر 4.5 للكيلو تقريبا
وده سعر كويس جدا لاني اشتريتها من الغطاس مباشرتا وده كان من حسن حظي الحمد الله ان كان احد الغطاسين لسه جايب صخور من سفاجا و كانت تعتبر صخور حيه لانها لسه طالعه من البحر بي ان ما كنتش لسه جهزت الحوض فطبعا ماتت الصخور ديه عندي.
وبعد كده كان عندي حوالي 40 كيلو من انواع صخور مختلفه بس صخور بحريه طبعا من الصخور اللي اشكالها مختلفه و دم الاخوين
و المخ والصخور المساميه و خلافه.

http://l.yimg.com/lo/api/res/1.2/0h5...0090302005.jpg
و ديه صوره لصخره اللي تم شرائها من الغطاس هنلاحظ وجود الطحالب البحريه عليها.........

و بعد كده بدات تغسل الصخور و احاول تنظيفها من العوالق اللي موجوده عليها حتي يمكن تخزينها لحين تجهيز الحوض

http://l.yimg.com/lo/api/res/1.2/JsS...9/20090302.jpg


ديه احدي الكائنات اللي كانت موجود داخل الصخور وانا بغسلها و كانت بتخرج اثناء الغسيل(يا خساره لو الحوض شغال كنت استفدت من الكلام ده كله).

و دلوقتي صور السامب:

http://l.yimg.com/lo/api/res/1.2/i8s...0090417002.jpg

وده سامب مبدئ هو عباره عن 80*40*35 اربع غرف

http://l.yimg.com/lo/api/res/1.2/IzM...0090417007.jpg

غرفة الصخور

http://l.yimg.com/lo/api/res/1.2/IzM...0090417007.jpg
http://l.yimg.com/lo/api/res/1.2/WD0...0090417008.jpg


http://l.yimg.com/lo/api/res/1.2/wFC...0090417011.jpg

و الان تجهيز الحوض

صورة الحوض قبل ملئ الصخور و الرمال مع تشغيل الاضائه المون لايت

http://l.yimg.com/lo/api/res/1.2/0EI...0090221002.jpg

اثناء رص الصخور الميته وفرش الرمال وقبل ملئ الحوض بالمياه المالحه و تم الرص مع بعض الاصدقاء الهواه....... مشكورين

http://l.yimg.com/lo/api/res/1.2/wq....0090326003.jpg

منظر علوي للصخور وطبعا مش كل الصخور سعرها زي بعض حسب نوع وشكل الصخره ممكن صخره يبقي الكيلو فيها 5 جنيه و صخره تانيه تبقي الكيلو ب 25 جنيه

http://l.yimg.com/lo/api/res/1.2/Ok_.../20090326d.jpg

http://l.yimg.com/lo/api/res/1.2/WgZ...0090326003.jpg

تم رص الصخور و الانتهاء منها وده منظر نهائي قبل ملء الحوض بالمياه

http://l.yimg.com/lo/api/res/1.2/VZ0.../20090327r.jpg

تم ملئ الحوض...............ايه الصحرا ديه؟؟؟؟؟؟؟؟؟؟؟؟؟؟



http://l.yimg.com/lo/api/res/1.2/rJc...0090330005.jpg
الحوض مع الاضائه المون لايت

إضغط على الصورة لتكبيرها ... أبعاد الصورة الأصلية 800x600 وحجمها 115 كيلو بايت .
http://l.yimg.com/lo/api/res/1.2/Qzk...0090416009.jpg

ديه صوره للحوض من بعيد و طبعا السيكمر اتغير مكانه اكتر من مره المهم في الموضوع هنلاحظ تكون رغاوي في الكوباية السكيمر
مع ان الحوض لسه جديد معني كده ان الدوره بدأت في الحوض من اول دقيقه وده بسبب الكائنات الميته اللي موجوده داخل الصخور.

http://l.yimg.com/lo/api/res/1.2/OYL...0090416005.jpg