خطى الوحش

[توتا كمال]

هي هتعرف لوحدها من خطي الوحش

أول ليلة : رنا الميس بتقول أن خطك وحش قوي ومحتاج يتحسن

تاني ليله : أيه القرف اللى كتباه ده امسحي كل ده وأكتبية تاني من الأول

تالت ليلة : يا بنتي مبتتكتبش كده ميت مره أقولك أنتِ مفيش فايدة فيكي

.... وهكذا

لغاية معاد حفلة يوم الأم

رانا كتبت للميس كارت فيه " أنا بحبك قوي " ومرضتش تمضي اسمها

الأم بتسألها ليه مكتبتيش اسمك علشان تعرف إنك أنتِ اللى كتباه

ردت رنا : هي هتعرف أن أنا اللى كتباه لوحدها من خطي الوحش

جملة نزلت على قلب الأم زي الصاعقه وجعت قلبها قوي

وكأن البنت الصغيره قبلت واقع أنها سيئه ومستحيل تتحسن واستسلمت لأن مفيش فايده

-------------------------------------------
طيب ليه البنت وصلت للحاله دي

ده لأن التركيز المستمر من الأم في الأول على ضعفها ثبت في عقلها الباطن أن دي أنا ومش هعرف أتغير (البنت اللى خطها وحش وعمره ما هيتحسن)

-------------------------------------------

🌧️طيب أيه الحل

الحل أن الأم تدور على نقطة قوة عند بنتها ولو صغيره زي حرف كتبته حلو أو كلمه كتبتها صح أو سطر اتكتب مظبوط وتبدأ

((توصف اللى حصل بواقعية وإيجابيه))

زي :

👌أنا شايفه سطر مظبوط وحرف ميم في أول الكلمه مكتوب حلو قوي وكلمه في أخر السطر التاني جميله شبه اللى الميس كتباها بالظبط

أو قوة شخصية زي المثابرة وتقول:

شيفاكي بتحاولي كل يوم تحسني خط وبتنجحي في ده أنا متأكده أنك هتقدري بإصرارك على النجاح

والليله التانيه كذلك والتالته والرابعه وهكذا

ومع الأمتناع عن النقد بنقاط الضعف❌
والتركيز بداله على نقاط القوى مهما كانت بسيطه✅

هتبدأ البنت تكرر نقاط قوتها والسلوك الكويس اللى ركزنا عليه وتوسعه وتقتنع إنها تقدر تتحسن... وتتحسن بالفعل

[walaa farouk]

مشاركة جميله جدا
ربنا يفرح قلبك

[Mary Naeem]

مشاركة جميلة جدا
ربنا يبارك حياتك