يسوع مش بيفشل فينا

[walaa farouk]

أنا مش فاشل.. ولا انت!!
بطرس شخص شجاع مش بيتراجع قدّام الأزمات
. والدليل انه الوحيد اللي مشي ورا يسوع
لحد دار الولاية وهناك خانته شجاعته
لأن الموقف كان فوق درجة إحتماله
وأنكر انه يعرف يسوع مش بس مرة لكن ثلاث مرات.
كلنا زي بطرس عندنا نقط قوة ولكن عندنا برضه نقط ضعف
.. في اوقات بنحقق انتصارات، وفي اوقات بنتغلب.
لكن أروع مافي يسوع أنه وسط فشلنا
مش بيشوفنا في الحالة اللي احنا فيها دلوقت
، لكنه بيشوفنا ممكن نبقى ايه بعد ما نرجع ونتوب.
يسوع مش بيفشل فينا.
هو شايفنا ازاي ممكن نكون مخلصين بعد الخيانة.
شايفنا ازاي ها نكون منتصرين بعد الهزيمة.
هو عارف إزاي ها يقوّمنا بعد كل سقطة.

إنكار بطرس إنه يعرف يسوع ما كانش آخر موقف في حياته،
لكنه ندم وتاب توبة حقيقية ورجع للشجاعة المعروف بيها ووقف يوم الخمسين وقال كلام يقول عنه كاتب سفر أعمال الرسل:
٢: ٤١
"فقبلوا كَلاَمَهُ بِفَرَحٍ، وَاعْتَمَدُوا،
وَانْضَمَّ فِي ذلِكَ الْيَوْمِ نَحْوُ ثَلاَثَةِ آلاَفِ نَفْسٍ"