|
 |
 |
 |
|
رقم المشاركة : ( 1 )
01 - 02 - 2023, 10:57 PM
|
|||||||||||
|
|||||||||||
 لخيرى اتعلمت كدة من معاملات الله لىَّ أن كل باب اتقفل فمش هاجرى علشان افتحه لكن علمنى أنه لخيرى ومفيش داعى افتحه لأنه مش منه ومش لخيرى،وعلمنى ان فى توقيته كل حاجة منه هتيجى و ده أمر حتمى ومفهوش شك وهو عارف أن التوقيت ده لخيرى ومش هيخلينى اتكبر لما يتفتح وقتها لأنه كان معايا فى وقت انتظارى ليه وشكلنى استقبل منه ومتنفخش.. وعارف امتى التوقيت اللى فيه يفتح ابواب لىَّ وامتى الوقت اللى اكون مستعدة فيه وفيه راحة لىَّ ولغيرى من غير ما أذى حد لأنه فى ابواب انفتحت لأشخاص ودمروا بيها نفسهم وغيرهم كمان كلها تعمل معًا لخيرنا بمرها وبحلوها فمتزعلش على حاجة ضاعت منك ولا أشخاص اتصدمت فيهم لأنه اكيد بعدهم عنك ده لخيرك اكيد وده يعلمك تغفر لكل اللى اساؤا ليك ولا تزعل على باب اتقفل صدق أنه فى ابواب كتير غيرها متقلقش هتتفتح فى وقته لكن فى الوقت اللى منتظر يفتح كل باب من ايده متركزش على الباب اللى اتقفل اما بقى لو كنت جربت زى ما جربت انا وفقدت أشخاص غاليين عليك ومازلت متألم مش هوعظك ولا اقولك ليه ده حصل لانى لسة مش فاهمة ابعاد القصة كلها وليه سمح بكدة.. لكن مصدقة أنه صالح يعنى بيعمل كل حاجة لخيرى حتى لو هو عارف اننا متألمين ودوقنا ألم الفراق يمكن يعلن ليك فى وقتها يمكن يقولك استنى هتفهم بعدين ... مش كل معاملات الله مفهومة ومش كل ظروف هتمر بيها هتبقى حلوة وجميلة، لكن عايزة اقول ان حتى المعاملات اللى مش مفهومة لفكرنا المحدود والظروف المؤلمة اللى عايشين فيها هو بيبقى وقتها لما نعطيه مساحة بيبقى بيعمل فى حياتنا وأيده بتشتغل فينا وعينه علينا وهيأتى لينا حتى لو فى اخر هزيع وممكن طريقه تكون مش متوقعها لأنه هيفأجئك وهيبهرك وَنَحْنُ نَعْلَمُ أَنَّ كُلَّ الأَشْيَاءِ تَعْمَلُ مَعًا لِلْخَيْرِ لِلَّذِينَ يُحِبُّونَ اللهَ، الَّذِينَ هُمْ مَدْعُوُّونَ حَسَبَ قَصْدِهِ. رومية ٨: ٢٨ #التلميذة_التى_احبها_يسوع 
|
 |
| أدوات الموضوع | |
| انواع عرض الموضوع | |
|
| قد تكون مهتم بالمواضيع التالية ايضاً |
| الموضوع |
| تدبيرك كان لخيري 🤍 |
| يا سيد اصنع معي معجزة لخيري |
| قول لخيري |
| مديري أصغر مني |
| تعرف مديري؟ |
العرض العادي
