|
 |
 |
 |
|
رقم المشاركة : ( 1 )
04 - 11 - 2022, 11:04 PM
|
|||||||||||
|
|||||||||||
 "لو بتسمع كلام يهدمك ويجرحك !" 😐 نفتالي .. واحد من أولاد يعقوب (أبو الأسباط) .. "نفتال"، كلمة معناها صراع أو مصارعة ..🤨 وال (ياء) اللي في آخره، هي ياء الملكيّة .. يعني معنى اسمه: صراعي أو مصارعتي! 😥 راحيل ادّيتله الإسم ده، لأنها قالت: "مُصارعات الله قد صارعتُ أختي وغَلَبَتُ" (تك٨:٣٠) تخيَّل طفل يتولد ويكبر، يلاقي اسمه "صراعي" ..😥 والسَّبب الغيرة بين راحيل واختها لِيئة اللى هى (خالته ومرات أبوه) 😐 عشان راحيل مكانتش بتخلِّف، ولكن ليئة كانت بتخلِّف! يمكن ميكونش ده اسمي ولا اسمَك ولا اسمِك .. بس تخيَّل كام مرة سمِعت كلام جرحَك ووجعَك من شخص ..💔 لمُجرَّد ان الشخص ده موجوع، وبيطلَّع وجعُه عليك 🤦♀️ تخيَّل كام مرة سمِعت إهانة وكلام صعب .. بدون ما يكون ليك ذنب أو جُرم عملته .. تخيَّل كام مرّة اتحاسِبت واتعيَّرت بكلام .. بسبب كلمة أو فضفضة قلتها ببساطة بدون قصد وحش! أعتقد ان رد فعل "نفتالي" الطبيعي .. هو انه يوجَع، زي ما اتوجَع، وكلامه يهدِم زي ما اتهدَم! 😐 لكن الغريب ان يعقوب يقول عنه: 😀 "نفتالي أيّلة مُسَيَّبة، يُعطي أقوالًا حسنة" (تك٢١:٤٩) المتسمّي صراع بسبب خناقة اتزنق فيها بين راحيل وليئة .. يطلع حُرّ وأيّلة (يعني غزالة) مُسيَّبة (يعني بتجري)🥰 اللي سمع كلام عنه يوجع، بسبب اسمه .. وفضِل اسمه شاهد على خناقة ملوش فيها ذنب .. يكبَر و "يُعطي أقوالًا حسنة" عكس اللي اتقال عليه وسمعه! 😍❤ بيقولوا ان فاقد الشيء لا يعطيه .. لكن يبدو ان – أحيانًا – فاقد الشيء .. هو أكتر شخص مقدّر احتياج الناس ليه ..🤝❤ وبالتالي هو أكتر شخص قادر على إعطاء الشيء ده! بصلّي لنفسي ولكل شخص ..🙏 مهما اتعيَّرنا بسبب كلمة أو فعل .. نكون حضن واحترام لكل شخص، مهما وقع أو زَلّ! مهما سمعنا من كلام بيوجع ويجرح ويهدم .. نكون زي نفتالي، بنقول كلام يبني ويشفي ويريَّح ❤🩹 مهما اتحرمنا من حُب، من المفترض انه ييجي من "القَريب" ..نكون حب وحنان لغيرنا ❤🫂 ونتحوِّل – بنعمة الله وسندته – زي نفتالي: من صراع وخناق، ملناش ذنب فيهم .. لحريّة وأقوال حسنة، نكون مسؤولين عنهم 💪❤ 
|
 |
| أدوات الموضوع | |
| انواع عرض الموضوع | |
|
| قد تكون مهتم بالمواضيع التالية ايضاً |
| الموضوع |
| شخصيات كتابية نتعلم منها ( ادم ) |
| شخصيات كتابية نتعلم منها ( نخو ملك مصر ) |
| شخصيات كتابية نتعلم منها ( قايين ) |
| شخصيات كتابية نتعلم منها (سام ابن نوح) |
| شخصيات كتابية نتعلم منها (سام ابن نوح ) |
العرض العادي
