تساؤلات من القلب
سلام المسيح لكل اخواتى بالمنتدى
وسامحونى لجرئتى انى اكتب هذة الاسئلة
بس انا جوانا تساؤلات كتيرة اوى ونفسى الاقى اجابه عليها
ليه بنلاقى الناس بتلف وتدور على بعض؟
ليه بنلاقى كل واحد بيزيف يفه ويجملها؟
ليه مافيش صراحه ووضوح فى التعامل بين البشر؟
هى الناس اللى اتغيرت ولا الواحد اللى مابقيش عنده القدرة فى الحكم على الشخصيات زى زمان
ولا الزمن هو اللى اتغير ومابقاش1+1=2؟؟؟؟؟؟؟؟؟؟؟؟؟
ليه ماعدش فى امانه بين البشر زى زمان؟؟
ليه كله بيلف ويدور على كله؟؟؟
ليه كله بيلعب على كله بهدف ربح مادى او تملق او ,,,,او,,,,او,,,,,,,,؟؟؟؟؟؟
هو ربنا لما قالنا انتم ملح الارض وانتم نور العالم كان يقصد اننا نتعامل بوصاياه اللى اتعلمناها وحبناها مع البشر دول؟؟؟؟
هو المسيح كان عنده حق لما قالنا ان ابناء هذا العالم احكم من ابناء النور فى جيلهم؟؟؟؟؟
هل ابناء النور فقدوا الحكمة فعلا ولا الحكمة اللى اتعلمناها فى الوصايا ماتناسبش العالم اللى عايشين فيه؟ ولا احنا مالناش عيش فى العالم ده؟؟؟؟؟
هل ابناء النور بقوا بيتخبطوا فى ظلمة العالم وماعدش نور الوصيه قادر ينور طريقهم
ايه اللى بيحصل لينا ده؟؟؟؟؟
هل والصراحه والوضوح والامانه فى كل شىء بقيت مسميات ؟؟؟؟؟
مجرد شعارات بنعلمها لاولادنا فى مدارس الاحد ونحفظهالهم وبس؟؟؟؟؟
لكن ساعة الجد مطلوب منهم يركنوها على الرف ويدوروا على حكمة العالم واللف والدوران علشان يوصلوا للى يستاهلوه؟؟؟؟؟
لية الناس بقت بتحب وتعشق اذية الاخرين حتى لو وصل الامر لموتهم وهم احياء
بقصد الانتقام من وهم عايش فى قلبوبهم مثل ابيهم الشيطان الذى لا يحب
الخير لاى انسان بل يعشق ازلالة اذا كان لا يتبعة
فعلا انا محتار
ومحتمل جدا تكون اسئلتى مالهاش اجابه عند كتيراوى من اخواتى فى المنتدى
ومحتمل اكتر تكون التساؤلات دى جوا كتير برده مننا
لكن بجد اعتبروها
فضفضه من القلب
منقول
