ما تجمدش عواطفك (اتعامل مع ربنا بمشاعرك)

[walaa farouk]

الكتاب مزمور 4:2
"اَلسَّاكِنُ فِي السَّمَاوَاتِ يَضْحَكُ…"

نحكِّي شوية؟!
في أوقات مُعينة، الرب يسوع عبَّر عن مشاعره. عند قبر لعازر، بكى. وفي مرة تانية، ضحك ورقص في الروح (لوقا21:10). مرة، كان غضبان جداً لدرجة إنه قَلَب ترابيزات الصيارفة (اللي بيتبادلوا العُملات) وخرَّجهم برا الهيكل (متى 21). الرب يسوع قال لفيلبس، "«… اللي شافني يبقى شاف الآب، فإزاي تقول أنت: ورينا الآب؟" (يوحنا 9:14). بمعنى، إنه هو الانعكاس الكامل للآب. وده يورينا نوعية شخصية الإله – هو عنده مشاعر.

الإدراك ده يخليك تعرف إنك لازم تتعامل مع ربنا كشخص عنده مشاعر، مش جهاز كمبيوتر. ربنا قال عن داود إنه رجُل حسب قلبه (أعمال22:23) لأن داود كان ملهوف قوي على ربنا. لما تابوت العهد رجع لإسرائيل، رقص وسبَّح كتير قوي قدام الرب لدرجة إن مراته غلطت فيه (2 صموئيل 20:6-22). ومع ذلك ماهتمش؛ كان كل اللي يهمه إزاي يرضي ربنا وإزاي يعبَّر عن تقديره ليه.

لما تعبد وتصلى، اعمل كده بمشاعرك؛ اتكلم مع ربنا زي ما بتتكلم مع شخص بيسمعك، لأنه هو فعلاً بيسمعك. فيه ناس قاسيين قوي مع ربنا! بيرنموا "أنا بأحبك يا رب" من غير ما يبيِّنوا أي مشاعر. مش غلط إنك تبين مشاعرك وأنت بتتواصل مع الإله. اعبد ربنا بقلبك ومشاعرك. اُغمر نفسك بالتسبيح هتكتشف بسرعة البركات المجيدة اللي هتيجي من التواصل العميق مع ربنا.

ادخل للعمق
"زي ما بتشتاق الغزلان إِلَى جَدَاوِلِ الْمِيَاهِ، هكَذَا تَشْتَاقُ نَفْسِي إِلَيْكَ أيها الإله." (مزمور 1:42).

صَلِّ
بابا الغالي، أنت بالنسبة لي كل حاجة. أنا بأحبك من كل قلبي، وبأحب أكون في حضورك. زي ما الغزلان بتشتاق لأنهار المياه، نفسي بتشتاق لك. –
أكشن
أتكلم مع بابا الآب. اسكُب قلبك قدامه قُل له قد إيه أنت بتحبه وهو بالنسبة لك إيه.

[Habeb Elraab]

مشاركة جميلة ربنا يباركك

[Mary Naeem]

مشاركة جميلة جدا

ربنا يبارك حياتك

[walaa farouk]

ميلاد
مارى
ميرسي كتير على مروركم الغالى

[marit jesus]

ربنا يباركك

[walaa farouk]

ميرسي على مرورك الغالى ماريت

[Rena Jesus]

ميرسى ربنا يبارك تعب محبتك

[walaa farouk]

ميرسي على مرورك الغالى رينا

[MenA M.G]

دائماً مُشاركاتَكْ رائْعة
موضوعك مُمَيز
ربنا يبارك خدمتك