|
 |
 |
 |
|
رقم المشاركة : ( 1 )
29 - 09 - 2026, 08:05 PM
|
|||||||||||
|
|||||||||||
|
*🌙❤️ يا رب، أنا عايز أقعد معاك شوية قبل ما أنام 🫂*
يا ربي يسوع حبيبي… اليوم خلص، وكل الناس بدأت تهدى، وأنا جيت لك قبل ما أنام… مش عشان أطلب منك حاجة، أنا بس عايز أقعد معاك شوية. ❤️ عايز أقولك إنك وحشتني… يمكن اليوم خدني منك، وانشغلت واتكلمت وضحكت وتعبت، لكن قلبي لسه عايز يقعد جنبك دلوقتي ويقولك: أنا بحبك يا ربى يسوع. شكرًا إنك كنت معايا النهارده، حتى في اللحظات اللي أنا ماخدتش بالي منك فيها. شكرًا على كل حاجة عدّت بسلام، وعلى كل حاجة كنت إنت سندي فيها من غير ما أعرف. يا ربى يسوع، إنت عارف قلبي… عارف الحاجات اللي بفرح بيها، والحاجات اللي بتوجعني، والحاجات اللي بخبيها حتى عن أقرب الناس. وعشان كده مش محتاج أشرح لك… إنت فاهمني. 🫂 لو في وجع جوايا، حط إيدك عليه. لو في خوف، طمّنه. لو في شخص واخد مساحة كبيرة من تفكيري، ريّح قلبي. ولو في حاجة مستنيها من زمان، اديني سلام لحد ما تيجي. بس أكتر حاجة بطلبها منك الليلة: ما تخلّينيش أنام وأنا بعيد عنك. يا ربى يسوع، أنا مش عايز محبتك تبقى حاجة بقولها في الصلاة وخلاص… عايز أصحى بكرة وأنا بحبك أكتر، وأتعامل مع الناس بمحبتك، وأفتكرك في كل حاجة صغيرة. علّمني أحبك زي ما إنت حبيتني… حب من غير شروط، حب يستحمل، ويسامح، ويفرح بالآخرين. ❤️ والنهارده بعد ما عشنا فرحة عيد الصليب، خلّي الصليب يفضل في قلبي… يفكرني كل يوم إن في إله حبني للمنتهى. ✝️ يا ربى حبيبي يسوع… أنا هنام دلوقتي، ومش عايز أشيل معايا أي حاجة. اللي وجعني… عندك. واللي مستنيه… عندك. واللي خايف منه… عندك. وقلبي… عندك. خدني في حضنك الليلة يا ربى يسوع، وخلّي آخر إحساس في قلبي قبل ما أنام إني محبوب منك. 🫂❤️ تصبح على خير يا ربى حبيبي… وأنا كفاية عليَّ إنك بتحبني. 🌙🤍 بحبك يا ربى يسوع… أكتر مما أعرف أقول. ❤️ 
|
|
العرض الشجري