🎭 الثالوث المظلم للشخصية ( أصعب أنواع الشخصيات )

[walaa farouk]

فيه ناس لما تقابلهم تحس في الأول إنهم جذّابين جدًا…
عندهم كاريزما، حضور، وكلامهم موزون…
بس بعد وقت، تكتشف إن العلاقة معاهم ساحة حرب
مش مشاركة إنسانية.
السر في كده ممكن يكون حاجة اسمها “الثالوث المظلم للشخصية”
— 3 سمات نفسية خطيرة لما تجتمع
، بتخلي الشخص مؤذي أو استغلالي بشكل واعي أو غير واعي.

1️⃣ النرجسية
حب مفرط للذات، إحساس بالعظمة
، احتياج دائم للإعجاب، وقلة تعاطف مع الناس.
تلاقيه بيتكلم عن نفسه دايمًا، مشاعرك بالنسباله
مش مهمة، وكلمة نقد بسيطة ممكن تشعل حرب.

2️⃣ الماكيافيلية
ده الشخص اللي بيحسب كل خطوة
. بيجيد التلاعب، يوعدك وما ينفذش، يقرب لما ليه مصلحة
، ويختفي لما ياخد اللي عايزه.

3️⃣ الاعتلال النفسي (السيوكوباتي )
برود عاطفي، اندفاع، ومفيش إحساس بالذنب.
ممكن يسبب أذى ويكمّل حياته عادي جدًا…
كأن مفيش حاجة حصلت.

👁‍🗨 إزاي تعرف؟
العلاقات معاهم قصيرة، دايمًا فيها شد وجذب،
فيها أكاذيب، فيها تجاهل لمشاعرك، أو محاولات للسيطرة عليك.

🧭 إزاي تتعامل؟
• حُطّ حدود واضحة، وكرّرها بثبات.
• ماتبرّرش كتير.
• احفظ لنفسك مساحة أمان وسند من ناس حقيقيين.
• وافتكر: اللي بيستغلّك مرة، ممكن يكرّرها لو ما وقفوش.

⚠️ امتى تمشي؟
لو العلاقة بقت مؤذية، فيها عنف أو تلاعب نفسي، امشي فورًا

وفي النهاية…
مش كل نرجسي أو متلاعب “شرير”،
لكنه شخص مؤذي في العلاقات، 💔✨