إلهك قطع على نفسه عهد أبدي إنه يكون معاك

[walaa farouk]

تبقى قاعدة تحسبيها وتجيبيها يمين شمال متقفله
، وتعيشي مهمومة لأنك شايفة طُرُقك آخرها سد.
وتتنهدي من جواكي “يارب”
فتتفاجأي بـ “غَمر داخلي” من سلام مش مفهوم
ولا تعرفي جه منين، ولا إزاي طرد خوفك بالسرعة دي.
سلام يطمنِك أن أنتي مش لوحدك،
وان لكل حاجة ولكل ظرف، في إله هو “ضابط الكُل”.
والإله ده قرّر يقرّب من روحك ويهدي خوفها.


ربنا مسئول عن أهم حتة جواك و براك وهو " قلبك"

ممكن تكون كل الظروف تضرب تقلب لكن يحط جواك تعزية ..

ممكن يكون كل حاجة براك مليانة هم و كركبة
و يحط جواك سلام و سكينة ..

ممكن يكون مفيش أي عوامل خارجية
أو أخبار من برة لوقت طويل تفرحك و يحط جواك فرح ..

حاول تظبط قلبك علي تردد حضوره ..
علشان ممكن تظبط قلبك علي تردد حاجات كتير من برة
و تحصل علي حاجات كتير لكن قلبك ميفرحش ولا يكون مرتاح ..

قوله يارب إستلم قلبي أسكن فيه 🙏

♥️



والأجمل. إنه ده مش لحظة أو موقف عابر
، لكن إلهك قطع على نفسه عهد أبدي إنه يكون معاك
. “كُل الأيام، وإلى انقضاء الدهر”.. (متى 28: 20)