شخصيات كتابية نتعلم منها {هاجر}

[walaa farouk]

هاجر
الحقيقة ترددت اكتر من مرة إني أكتب على هاجر بسبب اني بحاول ادرس حياتها أكتر وأكتر
والنهاردة هنتكلم عن هاجر من منظور مختلف
معنى اسمها هروب ويمكن يكون انتسب ليها الاسم بعد هروبها من سارة سيدتها
تعالوا ندخل لأعماق هاجر ونشوف هنتعلم منها ايه
1- هاجر والبحث عن الحق
هاجر كانت وثنية في مصر وجارية
اختارت انها تكون خادمة لسارة وتعبد إله إبراهيم
وكانت محبوبة جدا لسارة لدرجة انها ائتمنتها انها تعطيها لإبراهيم ينجب منها طفل
لكن نظرة لهاجر اللي تركت حياة القصور في مصر علشان تلف وراء عبراني
وسكن في خيمة أقل شوية هواء ومطر يجعلوا الحياة مريرة
لكنها نقدر نقول انها فضلت حياة إبراهيم عن حياة القصور في مصر
2- هاجر وقلبها النقي
لما سارة زودت عليها الأثقال لما حملت هاجر
هربت هاجر من وجه سارة وتاهت في البرية
وظهر لها ملاك الرب ولما سألها قالت" هاربة من وجه سيدتي سارة"
وفي اللحظة دي افتكرت انها لازم تكون خاضعة لسيدتها علشان تكسب ودها
وفعلا ده اللي حصل انها رجعت لسارة وتغيرت معاملتها
حتى لما انجبت اسماعيل وسارة انجبت اسحق وقررت سارة ان الجارية تمشي
لم تعترض هاجر ومشيت مع ابنها
3- هاجر والوعد
لما عطش اسماعيل ومفيش مية في الصحراء وقفت من بعيد
وكانها تتمسك بوعد الله ليها لما ظهرلها الملاك وهي حامل في اسماعيل
وفعلا ربنا فتح عينيها وشافت بئر مية وشربت هي واسماعيل
لكن في ضعف هاجر لم تنفذ وعدها وزوجت اسماعيل من مصر
لكن وعد الله لم يخلفه بأن اصبح اسماعيل أمة كبيرة
تعالوا نطبق اللي اتعلمناه
1- طول حياتك ابحث عن الحق وامشي في طريقه
ولا تتحجج ان كل العالم فاسد
حتى لو كنت انت الوحيد النقي في العالم ثق ان الله يستخدمك لتعرف الناس طريق الحق
2- كن نقي القلب مع الجميع وانسى الاساءات بمجرد الاعتذار
نغمة لن انسي ولن أسامح هي فكرة شيطانية
لأن الله لو عاملنا بحسب اعمالنا لأصبح العالم كله في الهلاك
لكنه يعاملنا بحسب كثرة رحمته وليس كخطايانا
3- تمسك بوعد الله ليك وحتى لو اتأخر اصبر لأن الله يعد ليك أفضل ما كنت تفكر أو تتخيل